日本47個都道府縣每個地區都有不同特色，無論係街道建築、歷史文化、傳統工藝、美食等等都各具色彩。日本居民根據成長地區嘅文化、風俗民情等等發展出獨特嘅當地人民性格， 日文稱之為「縣民性」。FUN! JAPAN編輯部推出【日本47都道府縣特輯】系列，介紹每個都道府縣不為人知嘅另一面，而今次要介紹嘅就係面向日本海嘅新潟縣。
新潟縣作為著名嘅白米盛產之地，日本酒當然亦非常出名。除此之外，其實當地亦擁有豐富嘅名勝景地喔！
即刻去睇睇擁有著名嘅夏季長岡祭大型煙花大會、冬季浪漫雪景、十日町市嘅夢幻雪屋咖啡店、湯澤高原滑雪場和苗場滑雪場等名勝嘅新潟縣有咩不為人知嘅一面啦！
究竟係屬於關東甲信越、中部，抑或係北陸地區呢？「新潟縣屬於邊個地區？」呢個問題，甚至連當地居民亦傻傻分不清~
日本各縣市被分類為關東、關西、四國、九州等地區，然而有某部分縣市被問及屬於邊一個地區時，當地縣民亦無法馬上回答。而新潟縣正正係當中嘅代表例子！
日本學校嘅教科書上，新潟縣經常被標記為「中部地方」。皆因當日本被分為七大地區（九州、中國四國、近畿、中部、關東、東北和北海道）時，新潟被劃分至中部地區。
然而，新潟縣民嘅生活卻離不開為當地提供電力嘅公司「東北電力」、為當地提供煤氣嘅主力公司「北陸Gas」。另外，就連日本電視台「NHK」所廣播嘅天氣預告等資訊，亦將新潟縣歸類為「關東甲信越」地區。因此，當地縣民對於「新潟屬於邊一個地區？」呢個問題，亦存在不同意見，甚至有部分縣民表示「新潟無法歸類為任何地方。新潟就係新潟！」以表達他們對故鄉嘅熱愛之心。
另外，新潟縣廳曾於多個媒體採訪場合中，被問及到「新潟屬於邊個地區？」呢個問題時，亦明確表示「作為縣區，並無官方嘅地區分類」。現時，新潟縣「無法被歸類為特定嘅〇〇地區」呢一點，經已成為其身份認同之一呢。
新潟縱貫南北，並擁有新潟港，因此從古至今一直與各地區有著密切接觸與交流。正因為新潟，沒有固定嘅地域限制，讓新潟與各縣市之間嘅交流與互動亦非常活躍，孕育成現今嘅新潟文化。
原來新潟縣民特別鍾意東京！來往東京～新潟嘅高速巴士團大受歡迎
新潟縣有時會被劃分為關東甲信越地區，事實上，新潟縣民確實係特別鍾意東京。
日本人氣YouTuber「HIKAKIN」、以及「渡邊謙」、「小林幸子」等多位知名藝人都係來自新潟縣，並於東京大展鴻圖。
另外，新潟縣長岡市嘅日本酒製造商「吉乃川」從2011年到2019年期間，於上越新幹線車廂內推出了一系列名為「東京新潟物語」嘅廣告，以4位從新潟縣出發前往東京生活嘅女性為主角。廣告展示了令人印象深刻嘅照片，以及表達她們內心感受嘅宣傳口號。
點解新潟縣民咁熱衷於前往東京呢？原因在於，新潟到東京只需乘搭上越新幹線，約兩小時車程即可抵達。除此之外，仲可以乘搭高速巴士、夜間巴士等公共交通工具前往東京，費用比新幹線平得多，只需約2,000~3,000日圓，因此嚮往都市生活嘅新潟縣年輕人亦可以輕鬆前往東京，一探究竟。
不僅擁有魚沼產越光米，仲有洋梨、枝豆、柿之種等.. 原來新潟係一個令人感到驚喜連連嘅美食王國！
新潟縣以「越光米」品牌米廣為人知，亦係全國知名盛產白米嘅地方。不過，新潟又點會淨係得白米呢？仲有「Le Lectier」洋梨、日本生產量為國內首屈一指嘅枝豆等多款美食！以下落嚟，將會為你介紹新潟不為人知嘅名產品！
夢幻洋梨「Le Lectier」：稀有且價值高，過去只在新潟縣內販售！
講到新潟縣不為人知嘅著名特產「名物」，被稱為幻之洋梨嘅「Le Lectier」可以話係當中代表之一。
「Le Lectier」被美譽為「西洋梨之貴婦人」，其美味和生產量稀少、價值高昂，因此亦被譽為「幻之梨」。
起初，「Le Lectier」洋梨於1903年由法國引進並開始栽培。但由於種植困難，因此並未於全國範圍普及，僅有新潟縣內嘅梨農家進行自家栽培。
目前，新潟以外嘅地方亦開始生產「Le Lectier」洋梨，產量雖逐漸增加，數量仍屬稀少，因此唔多會喺市場上流通，更被稱為「幻之西洋梨」。
一個「Le Lectier」洋梨體積略大，重約300〜450g，亦具有芬芳香氣和濃郁嘅甜味，細膩嘅果肉質地等特徵。
新潟縣係日本第一嘅「枝豆縣」！種植面積&消費量皆為全國第一
新潟縣仲有另一個特產，就係枝豆（又稱毛豆）。其實新潟縣係日本最大嘅「枝豆縣」，種植面積更居高於全國榜首之位。
然而，出貨量卻排名第七。（※根據令和2年度 農林水產省 蔬菜生產出貨統計資料所顯示）
點解生產同出貨數量，會有咁大差異呢？因為當地嘅枝豆實在太好味，即使生產量多，亦唔會全數出售，而係留返畀親朋好友，齊齊開心Share（分享食用）喔。
事實上，日本嘅「政令指定都市」中，新潟市嘅枝豆購買量排名第一，新潟縣民通常會將枝豆裝滿一個大笳籬（笳籬又稱為笊，係日本傳統嘅食器之一）享用。
於5至10月左右，新潟縣市面上會流通著各種不同品種嘅枝豆，據聞每種枝豆嘅味道都截然不同。如果有機會去新潟旅遊嘅話，不妨去居酒屋等地方，試一試新潟當地枝豆嘅好滋味喔！
日本47都道府縣特輯其他文章：
- 【日本47都道府縣特輯：滋賀篇】琵琶湖和CLUB HARIE係滋賀縣民嘅驕傲！
- 【日本47都道府縣特輯：青森篇】青森縣民忍耐力强兼特別好甜食！全國數一數二積雪量之地所創造的縣民性係？
- 【日本47都道府縣特輯：長野篇】積雪量&健康長壽排名第一！縣民對大自然&當地美食的愛無盡！
- 【日本47都道府縣特輯：山梨篇】原來全日本最鍾意食壽司嘅係山梨縣民！？
- 【日本47都道府縣特輯：石川篇】石川縣皮膚好嘅女性人數係日本榜首？究竟「美肌第一縣」嘅秘密係…？
- 【日本47都道府縣特輯：神奈川篇】逃離東京、移居神奈川嘅日本人正激增中！？
- 【日本47都道府縣特輯 Vol.1】 北海道不存在「小強」！？盤點日本全國城市傳聞 ～北海道篇～
- 【日本47都道府縣特輯 Vol.2】 沖繩人遲到係家常便飯！？盤點日本全國城市傳聞 ～沖繩篇～
- 【日本47都道府縣特輯 Vol.3】 千祈唔好輕易相信京都人嘅稱讚說話！？盤點日本全國城市傳聞 ～京都篇～
- 【日本47都道府縣特輯 Vol.3】 大阪每個家庭都有一部章魚燒機是常識吧！盤點日本全國城市傳聞 ～大阪篇～
- 【日本47都道府縣特輯 Vol.5】 邊個話奈良只得鹿！盤點日本全國城市傳聞 ～奈良篇～
- 【日本47都道府縣特輯 Vol.6】福岡縣點解特別多靚仔靚女！？盤點日本全國城市傳聞 ～福岡篇～
- 【日本47都道府縣特輯 Vol.7】買地就送森林 ！？盤點日本全國城市傳聞 ～佐賀篇～
- 日本47都道府縣特輯 Vol.8 鹿兒島篇「鹿兒島縣的〇〇好厲害！」
- 日本47都道府縣特輯VOL.9 「千葉縣民以縣嘅〇〇為榮，無得輸！」
- 日本47都道府縣特輯Vol.10 「愛知嘅○○好厲害！」
- 日本47都道府縣特輯VOL.11 栃木篇「栃木縣嘅○○好厲害！」
- 日本47都道府縣特輯VOL.12 兵庫篇「與其話係縣民特質、倒不如話係為市民特質？兵庫縣縣民人人都憧憬神戶市？」
- 日本47都道府縣特輯Vol.13 熊本篇「熊本縣的○○很厲害！」
- 日本47都道府縣特輯Vol.14 長崎篇「長崎的○○很厲害！」
- 日本47都道府縣特輯Vol.15 群馬篇「群馬嘅〇〇好厲害！」
- 日本47都道府縣特輯Vol.16 埼玉唔老土嘅「埼玉都(?)民」傲氣
Comments