![日本47都道府縣特輯 栃木篇「栃木縣嘅○○好厲害!」](https://content.fun-japan.jp/renewal-prod/cms/articles/content/fad5ecbd38bac9cd64757442a2470265da721cff.jpg)
日本係由北海道到沖繩組成,地少人多。唔單只每個地方嘅氣候唔同,連人嘅價值觀同氣質等都有所唔同。由各地嘅風俗文化到當地美食,根據唔同居住環境,會分得出唔同地方嘅人。如果我哋熟悉當地人嘅習性,就可以更加輕鬆咁暢遊日本各地。今次日本縣民性系列邁向第11回,我哋將為大家介紹,縣內擁有日光東照宮同足利花卉公園等等景點,喺好多嚟日本玩嘅觀光客心目中都好出名嘅栃木縣啦。
![日本47都道府縣特輯 栃木篇「栃木縣嘅○○好厲害!」](https://content.fun-japan.jp/renewal-prod/cms/articles/content/ec94bcdff7b3977feaeb8611ff3b08e8c257da7a.jpg)
有啲消極,討厭變化。一旦決定咗就全心全意!
普遍嚟講,日本人唔係太積極,栃木縣嘅人直程係消極添。縣民個性內向, 好易俾人嘅第一印象都唔太好。但多啲同佢哋傾吓計、交流吓就可以慢慢改善到關係㗎喇。而且只要一旦關係變好咗,就會好努力一直保持友好關係,其實好易相處㗎咋。
![有點消極,討厭變化。一旦決定咗就全心全意!](https://content.fun-japan.jp/renewal-prod/cms/articles/content/a1717edf65cb7572fc3907318140b26626896b5c.jpg)
縣內男性係樸素嘅怕醜仔。女性多係賢妻良母型!?
一開始會覺得栃木縣人好無聊,但相處咗一段時間之後,就發現到優點係為人真誠。栃木縣嘅男性特質就係咁嘅,所以唔使擔心啲男人會偷食啦!?而女性則係比較客客氣氣。正如前一段所講,一旦成為咗男女朋友,就唔會背叛對方。而大部分嘅人都比較早婚,結婚後都會繼續返工,但有生左仔之後就會徹底做一個賢妻良母。
一行雷就要返屋企,呢點令其他縣嘅日本人覺得好驚訝...
![一行雷就要返屋企,呢點令其他縣嘅日本人覺得好驚訝...](https://content.fun-japan.jp/renewal-prod/cms/articles/content/4b0007818de0ab405b304ed2390a45a2df763bad.jpg)
栃木縣係日本最常行雷嘅縣市之一。特別係宇都宮市成日行雷。夏天嘅傍晚,幾乎每日都會行雷。由天上天打落嚟嘅雷唔只多,雷擊強度仲好勁添。所以,好耐以前開始喺宇都宮市近郊周邊一行雷,喺出面做緊嘢嘅人都會返屋企。栃木嘅屋企一般都會插啲防雷插蘇喺電源插座度。
喺元旦新年食鯊魚係視為理所當然嘅事
![喺元旦新年食鯊魚係視為理所當然嘅事](https://content.fun-japan.jp/renewal-prod/cms/articles/content/75d37fa36fd3edda3f467d7e1ac28c1d04c105a1.jpg)
喺元旦過年時,除咗食日式過年菜同雜煮年糕湯之類料理,仲會食稱為「Saganbo (さがんぼ)」嘅鯊魚肉。為咗俾小朋友同老人家都可以安心食用,會將Saganbo嘅魚肉同魚骨燉煮到好軟,幾乎感覺唔到魚骨嘅存在。所以喺一大批親戚同鄰居聚埋一齊過新年時,呢款餸絕對係會提早預先煮好先嘅。順帶一提,栃木縣完全唔靠海㗎嘛,咁點解會食鯊魚肉呢,好謎啊...
日常飲「檸檬牛奶」係習以為常嘅事
![日常飲「檸檬牛奶」係習以為常嘅事](https://content.fun-japan.jp/renewal-prod/cms/articles/content/7c255681d68d32db245979a9846833662b507d57.jpg)
栃木縣嘅人將「檸檬牛奶」當咖啡牛奶咁嚟飲。呢點又令其他縣嘅日本人覺得好出奇。明明無加入檸檬汁,卻但飄散著酸酸甜甜嘅香氣,味道就因人而異啦下。另外仲有賣檸檬乳酪、檸檬香腸咖啡、檸檬烏冬等等好奇怪嘅食物添。PS: 栃木縣無出產檸檬㗎。又係一個謎……
喺日本全國都有好多難以置信嘅當地縣民特性,喺其他縣民眼中係非常出奇嘅趣事。本系列嘅文章將會陸續刊登,敬請期待!有任何意見或感想,都歡迎喺右邊欄位留言俾我哋呀!仲想知道邊個縣嘅獨特縣民個性,都可以留言㗎!
Comments