日本全國一共有47個都道府縣，每個地方出身嘅人都有唔同嘅特徵同獨特嘅歷史、自然、文化同埋生活方式，當中有唔少都係住喺其他地方嘅人未別可以理解嘅當地常識。47都道府縣縣民性系列文章嚟到第4回，今次要介紹嘅係一般旅遊書唔會介紹、以幽默風趣見稱嘅大阪人嘅各種習性傳聞！
大阪家庭一屋一部章魚燒機！？
提到大阪，相信大部分人第一時間都係諗起章魚燒！「大阪=章魚燒」印象深入民心，大阪更係幾乎每個家庭都會有一部章魚燒機！對大阪人嚟講，，章魚燒並唔係出街食嘅食物，而係自家製嘅料理之一，所以章魚燒機基本上係屋企必需品。而且章魚燒被唔係當成小食零食，喺大阪人屋企入面，全家人圍埋飯枱部章魚燒機一齊食章魚燒再配配埋上碗白飯，係非常普通嘅畫面！
注意！串炸豬排禁止沾兩次醬！
馳名於通天閣鄰近地區名嘅「串炸」，係一款將各種配料蔬菜、同肉串成一串，包上外衣後用油炸而成嘅特色小食。每家舖頭嘅串炸沾醬都係放一份係度俾哂咁多人用，所以食串炸時，基於衛生問題，沾過一次醬料之後千祈唔好將咬過嘅串炸再沾！由於嚴禁沾兩次醬，所以記得將串炸放入口之前，如果想要多醬就一次過沾多啲喇。
大阪大嬸總會放包糖喺袋入面，點解呢？
另一大阪名物，不得不提大阪嘅大嬸們。據聞大阪大嬸出街時都會帶定一包糖傍身，到底係點解呢？
咁係因為大阪人非常鍾意食糖，稱呼糖果為「小糖果」…實際上，大阪市內有非常多唔同品牌嘅糖果製造商，隨處可見，所以糖果係大阪大嬸們出街必備嘅。至於糖會用嚟做咩？城市傳聞，熱情如火嘅大阪大嬸，同陌生人初次見面時都會送糖畀對方順便交個朋友，唔知大家又有無類似嘅經歷呢？
唔用擬聲詞就溝通唔到！
大阪人唔用擬聲詞就溝通唔到！就算係好簡單咁問路，大阪人都會答您：「由嗰度『咻』一聲咁行，轉個角『咔』一聲就到。」，真係夠晒大阪風格…
連日常對話都要識搞笑同吐槽，幽默係最高精神指標
想要喺大阪做個人見人愛嘅人？幽默搞笑同相聲吐槽文化可謂不可或缺基本條件之一。不過亦有好多大阪人話，一講自己係大阪人就會被認為一定係好幽默有趣，反而咁樣要成日諗有趣嘢講，為說話技巧而感到煩惱呢。
講價文化超級普遍！
無懼世事變改，大阪人買嘢時一般都會試吓講價，反正講價無蝕底，喺買嘢之前討價還價叫老闆「可唔可以賣平啲？」基本上係日常習慣！如果買平咗，仲會周圍拎住戰利品同人講「你估我幾錢買到？」，炫耀自己嘅講價能力𠻹。
扶手電梯要靠右企
喺日本，如果係喺東京搭扶手電梯的話係靠左企，相反大阪則係靠右。到底點解會有咁嘅區別呢？原因就係在於1967年，阪急梅田站增設一個連接1樓與3樓嘅扶手電梯，據聞阪急電鐵當時模仿倫敦地鐵做法，車站播放廣播叫人「請騰出左邊位置」，因此成為「大阪扶手電梯靠右企」嘅開始！
大阪人太熱情太有人情味！
大阪人以友善熱情而見稱，就算係唔識得嘅人，或者初次見面嘅人都可以吹水傾偈，好快就會問到你幾歲幾錢人工之類。外人有時候可能會覺得佢哋太熱情主動，但令人感到有人情味都係件好事嚟嘅。如果喺電車上或者巴士上有乜嘢唔見咗嘅話，大概成車人就會開始幫你搵；如果唔小心蕩失路嘅話，通常都會有主動熱心嘅人出現話您知點行，甚至幫你帶路！
日本全國充滿著各種令人覺得匪疑所思嘅當地傳說，對其他非本地居民嚟講非有有趣奇異！講完大阪後，下篇縣民性系列就會介紹以鹿、鹿、同埋鹿聞名嘅奈良縣！
Comments