日本自北至南，由北海道到沖繩組成，地狹人稠。隨住地區嘅氣候唔同，價值觀同習慣等亦會有唔同，由各地嘅風俗文化至當地美食，唔同嘅居住環境地方會形成唔同嘅性格。。如果我地了解呢啲當地人嘅習性，相信去日本旅遊時就更加有趣輕鬆。呢個系列嘅第16篇，今次將為大家介紹位於東京都隔離嘅埼玉縣。可能有人會想指出，點解大家成日話埼玉好土氣，日文有謂「土埼玉（Dasaitama）」，其實係嘲笑「埼玉」嘅單字，「土（Dasai）」與「埼玉（Saitama）」放埋一齊，喺1980年代初，日本藝人TAMORI成日喺節目中經常使用呢個詞語，逐漸為人所知。
「埼玉都民」的傲氣
根據2015年日本人口調查顯示，喺埼玉縣出發返工返學嘅人約有385萬，當中約有106萬人，即係將近3分之1，係來往東京都返工返學，所以埼玉「縣民」嘅意識可以話係相當薄弱。
一日大半嘅時間都喺東京，而放假亦都會去東京玩，喺東京行街購物食嘢。所以埼玉縣民有咁樣嘅自豪：或多或少係有靠埼玉縣縣民，東京嘅經濟先有咁好，
縣內交通移動唔方便，反而去東京更頻繁更方便
埼玉縣往東京都嘅交通非常發達方便，但另一方面，來往縣內嘅交通就非常貧乏，所以埼玉縣縣民通常都往南方（東京）移動，好少有埼玉縣嘅東邊跑去西邊，東西側嘅交流更少，所以即使喺同一縣入面都唔會熟悉縣內其他地區。
眾多動漫作品嘅舞台所在 引以為傲
日本最引以為傲嘅動漫文化，近幾年好多作品都將實際存在嘅街道同風景，忠實重現喺動漫場景之中，當中特別係埼玉縣有好多地方都成為咗動漫聖地，例如國民卡通《蠟筆小新》、《幸運星》、《龍貓》等眾多知名作品都係以埼玉為舞台，吸引咗世界各地嘅動漫粉絲去埼玉縣朝聖。
強烈渴望大海
埼玉縣嘅人對海有異於常人嘅熱愛。喺日本國內，只有8個無海嘅縣市，而埼玉縣就係其中之一，所以對埼玉縣民嚟講，可以見到海係非常罕見嘅事。位於上尾市嘅「埼玉水上公園」就係因為埼玉對海洋嘅渴望而建造，居然仲專程由澳洲運來細白嘅沙，建造咗個白色海灘。
以幽靈姿態送別故人嘅溫柔
喺埼玉縣部分地區，有個風俗習慣，出席喪禮嘅人，會同已逝嘅故人一樣著白衣。出席喪禮嘅全員，會收到一隻細金剛杖，而男性仲會有一條用嚟裝飾喺死者頭上嘅白色三角頭巾。其意義為送故人去到三途川，想要盡可能陪故人走到最後，係由呢種溫柔而衍生嘅風俗習慣。所以話埼玉縣縣民真係好體貼溫柔呢。
喺日本全國有好難以置信嘅縣民特性，喺非本地人眼中可能係非常興嘅有趣事情。呢個系列嘅文章會繼續陸續刊登，敬請期待！有任何意見或感想，歡迎喺右邊嘅留言欄留言畀我地！亦歡迎留言話我地知，您仲想知道邊個地方嘅獨特縣民個性！
系列文章
- 日本47都道府縣特輯 Vol.1 北海道篇
- 日本47都道府縣特輯 Vol.2 沖繩篇
- 日本47都道府縣特輯 Vol.3 京都篇
- 日本47都道府縣特輯 Vol.4 大阪篇
- 日本47都道府縣特輯 Vol.5 奈良篇
- 日本47都道府縣特輯 Vol.6 福岡篇
- 日本47都道府縣特輯 Vol.7 佐賀篇
- 日本47都道府縣特輯 Vol.8 鹿兒島篇
- 日本47都道府縣特輯 Vol.9 千葉篇
- 日本47都道府縣特輯 Vol.10 愛知篇
- 日本47都道府縣特輯 Vol.11 栃木篇
- 日本47都道府縣特輯 Vol.12 兵庫篇
- 日本47都道府縣特輯Vol.13 熊本篇
- 日本47都道府縣特輯Vol.14 長崎篇
- 日本47都道府縣特輯Vol.15 群馬篇
Comments