【日本47都道府縣特輯：福井篇】不僅只有東尋坊和越前大野城！世界級規模名勝盡在福井！

日本47個都道府縣每個地區都有不同特色，無論係街道建築、歷史文化、傳統工藝、美食等等都各具特色。日本居民根據成長地區嘅文化、風俗民情等等發展出獨特嘅當地人民性格，日文稱之為「縣民性」。FUN! JAPAN編輯部推出【日本47都道府縣特輯】系列，介紹每個都道府縣不為人知嘅另一面，而今次要介紹嘅就係面向日本海嘅福井縣。即刻去睇睇有著名美食越前蟹、北之越前海岸和南之若狭灣等大海景致、可以欣賞海岸奇石嘅東尋坊，以及擁有猶如懸浮於雲海中嘅天空之城「越前大野城」嘅福井縣，有咩不為人知嘅一面啦！

福井 vs 金澤 – 繼京都和大阪之後嘅永恆對手

福井縣位於北陸地區，與新潟縣、富山縣和石川縣同屬於日本海沿岸嘅地區。北陸地區以美食海鮮和溫泉聞名，由於經常出現與他縣進行比較嘅情況，從而令到不同縣民嘅彼此間，有著視對方為競爭對手嘅意識......

特別係福井縣對石川縣（主要係金澤市）抱著強烈嘅競爭意識，所以喺福井縣民面前，當面談論與金澤相關嘅話題係禁忌動作喔。如果將其比喻成京都和大阪兩者間嘅競爭意識嘅話，或者會比較容易想像得到係咩情況吧？

相較於以兼六園和金箔等旅遊景點為傲嘅石川縣，當福井縣民提及當地引以為傲嘅話題時，經常涉及以下幾點。

福井縣民引以為傲的地方

芝政世界係北陸地區最受歡迎嘅泳池之一，擁有約50條刺激感十足嘅驚險滑水梯。
福井縣立恐龍博物館係全球三大恐龍博物館之一。
人人都喜愛嘅越前蟹係福井名物。
福井嘅幸福指數為全國第一♪
縣內雖然無機場，但乘坐巴士約1小時即可抵達小松機場，交通非常方便！
可以即日來回京都和大阪，進行一日遊。
提到海水浴，就不得不提福井。北陸嘅夏威夷——海島就在福井！
福井縣嘅日本酒「梵」喺海外評比大會中經常獲得金獎。

正如以上所講，福井縣擁有多個完全唔會輸畀金澤嘅世界知名景點和戶外活動。

下次遇到福井縣民嘅時候，記得要仔細聆聽佢哋引以為傲嘅事情喔！

福井縣幸福度全國No.1！企業家輩出&非常注重教育！學生們功課繁忙屬平常事

福井縣幸福度可謂全日本之冠！根據「2022年度全國47個都道府縣幸福度排行榜」（由一般財團法人日本總合研究所編輯）資料所顯示，福井縣獲得總體第一名。更驚人嘅係，連續五年（包括2014年、2016年、2018年、2020年以及2022年度）贏得「幸福度日本第一」嘅榮耀！

主要原因在於，福井縣擁有以織物、眼鏡等製造業為主嘅穩定就業環境。福井縣女性就業率和雙職家庭比率亦係全國最高，作為「福育兒縣」，福井縣更致力於改善育兒環境，並大力支持從其他縣市移住到此嘅遷移人口。

而且，福井縣喺教育方面極其熱心。根據文部科學省2022年5月公佈嘅「2021年度英語教育實施狀況調查」結果顯示，福井縣中學初中3年級嘅學生中，擁有「英檢3級以上」能力嘅比例為85.8％；高中3年級嘅學生中，擁有「英檢準2級以上」嘅比例為59.6％。如果唔計2020年度嘅話，福井縣係連續4個年度調查中皆位居榜首喔！

由於福井縣整體都非常注重教育，學生們嘅功課量亦非常多！

小學生每日都有必須完成嘅學校功課，暑假期間亦要攜帶一大堆作業返屋企。喺呢個教育體制下，福井縣嘅學生喺全國學力測試等方面亦表現優異，經常名列前茅。

另外，福井縣自古以來便以善於營商嘅「越前商人」之街而廣為人知。福井縣目前亦以老闆人數眾多嘅縣份而聞名，以每十萬人口計算嘅話，福井嘅「老閣輩出率」達1.37％，已經連續38年蟬聯全國第一。

福井縣嘅代表性冬季美食竟然係水羊羹⁉

「水羊羹」係一種使用寒天將餡料凝固而成嘅日本和菓子。水羊羹屬於羊羹嘅其中一種，但相對於傳統煉羊羹使用較少寒天製作，並增加其水份含量，係一款食落口感既滑順又富彈性嘅日本甜品。

因其涼爽外觀和清新嘅味道，通常被視為夏日甜品。但對於福井縣民嚟講，水羊羹係冬天享用嘅美食喔！福井縣民喺寒冷嘅冬雪時期，一家人會坐喺傳統暖爐、炬燵（亦稱被爐）邊取暖，邊享用切好嘅水羊羹，亦係寒冬時嘅指定動作之一。

福井水羊羹特徴1. 甜度低，味道清新

福井水羊羹特徴之一係糖度。雖然福井水羊羹與傳統煉羊羹一樣，使用糖和紅豆餡製成，但減少咗糖和寒天嘅使用量，令甜度降低，口感變得更順滑更清新。

據聞因為糖分低，水羊羹保存期限亦相對較短，所以喺昔日雪櫃並未沒有普及嘅年代，難以於夏天作銷售。於是，當時嘅販賣商家便將福井冬季嘅寒冷氣溫當成天然嘅雪櫃，讓水羊羹因此成為冬天可享用嘅特色美食。

福井水羊羹特徴2. 尺寸竟然有成張A4紙咁大！按人數分切成相應數量，再用小鏟子享用

福井水羊羹通常被稱為「冬水羊羹」或「丁稚羊羹」，外形非常獨特。使用被稱為「一枚流」嘅製作方法，將凝固前的水羊羹倒入一個高約2cm，A4大小嘅盒裡面，亦係福井水羊羹嘅經典製作方法。將呢款種水份豐富，柔軟滑順嘅水羊羹，切成相對應嘅人數份量，再用小鏟子𢳂嚟食，係福井當地嘅習俗。

過往，「一枚流」水羊羹大部分都係以紙盒為容器，唔太適合買嚟做手信。但係而家，越來越多店家改用塑料容器包裝，買嚟做福井手信就最適合不過。
不妨喺旅行期間買返去酒店，或喺新幹線上品嚐，呢款屬於福井嘅冬季美食啦！

福井方言獨特又好玩！必收實用嘅福井方言詞彙

有別於關西方言，福井亦有自己嘅「福井方言」。實際上，福井縣民將認為福井方言係標準語言，並於一般對話時使用，造成與縣外民交談話時，往往會出現雞同鴨講，無法溝通嘅情況......

因此，今次小編決定加插介紹當地居民經常使用嘅福井方言！當遇到福井居民時，不妨同對方講返兩句福井方言啦！

福井方言：「Tsurutsuru ippai/つるつるいっぱい」

呢個詞彙，用嚟形容杯中酒精或果汁等液體狀飲品，經已倒到呈現非常滿，甚至要滿瀉嘅狀態。呢個詞彙類似北海道方言中嘅「Mokkiri/もっきり」。

福井方言：「Hoyahoya/ほやほや」

呢個並非海產「Hoya/ほや」嘅複數形，係用來回應對話時嘅詞彙，等同於「Sō sō/そうそう」、「Sōdesu/そうです」等。除咗「Hoyahoya/ほやほや」之外，仲有「Hoya no/ほやの」、「Hoya tte/ほやって」等說法。

福井方言：「Jami jami/じゃみじゃみ」

呢個係指當電視信號不佳時，所發生嘅靜電干擾現象。福井縣民認為呢個「Jami jami/じゃみじゃみ」係標準語，甚至有福井縣民誤以為喺關東和關西等地，當出現電視信號不佳嘅情況時，亦係同樣使用呢個詞彙喔......

【日本47都道府縣特輯：福井篇】不僅只有東尋坊和越前大野城！世界級規模名勝盡在福井！