【2023年最新版】常見日本人姓名介紹＆日本人姓名文化知多啲

日文中存在著五花八門嘅姓氏。所有日本人基本上，都會沿用由祖先繼承下來嘅姓氏，而且大多數日本家庭內亦會存有一個稱為「家紋」嘅家族徽章。本篇文章中，編輯部將為你介紹常見日本姓氏及各種流行名字。

日本名字嘅構造

一般而言，日本人名字由「家族名（姓） ＋個人名（名）」構成，前者稱為「姓名（Seimei）」、而後者則稱為「氏名（Shimei）」。

日文中，「姓＋名」亦會有時候被稱為「苗字（Myoji）＋名前（Namae）」。

• 部分人會稱「家族名」作苗字（Myoji）、又或名字（Myoji）。
• 個人名又或被指定嘅名字，亦會簡稱為「名（Na）」。

結婚或離婚時之姓氏變更

日本女性於結婚時，大部分情況下都會將自己姓氏從父母姓氏改為丈夫家族姓氏。然而，如社交媒體等某部分非正式場合下，部分人會將婚前婚後名字都加上，以便朋友搜尋。此外，職場上，亦會有人於結婚後沿娘家姓氏，以避免同事之間混淆。有唔少公司更會制訂規則，指明員工可以使用娘家姓氏呢。

※領養情況下，亦有可能會由男方改變姓氏。

以漢字與英文字母書寫日本名字嘅方法

日本人喺書寫自己漢字名前嘅時候，到底喺根據咩順序寫嘅呢？一般順序係，先寫姓、再寫名。相反，如果係用英文字母嘅話，則係先寫名、再寫姓，情況就如同歐美國家一樣。

不過，從2019年起，於公文書等以羅馬拼音書寫日文名字的話，就一律規定要按「姓→名」順序書寫，如同漢字姓名順序一樣。另外，姓氏全部字母亦要以大楷書寫。

以「鈴木太郎 (すずき・たろう= Suzuki Taro)」為例：

• 鈴木/Suzuki為姓
• 太郎/taro為名

若果以羅馬拼音書寫，則係SUZUKI Taro而並非Taro Suzuki。以上方針由日本萩生田光一前文部科學相於2019年10月25日記者會公佈後一直沿用至今。

日本社會一般常見姓氏

以下為日本社會一般常見姓名一覽：

* 出處：明治安田生命保険相互会社「全国同姓調査」（2018年）

獨特有趣嘅日本姓氏

如果你理解漢字意思，你可能會喺閱讀時發現令你驚訝嘅獨特又特別嘅姓氏...？

獨特日本姓氏逐個捉！

• 鬼（Oni）：Oni於日本民間傳說中相當著名，意為「惡魔」。雖然喺童話故事中經常被描繪為反派，但亦會被用作姓氏。
• 砂糖（Satou）：日本最常見姓氏之一為「Satou」通常寫作漢字「佐藤」，但亦存在同音異字「砂糖」。不過實際上一般指「糖」，作為姓氏並不常見。
• 無敵（Muteki）：正如字面所解，意味著「無敵」，姓氏聽起嚟非常強大！
• 鰻（Unagi）：意即「鰻魚」。屬非常罕見嘅姓氏之一，全日本只有大約10人姓「鰻」。
• 御手洗（Mitarai）：寫法與「otearai」（日語中「廁所」）相同。。據聞全國有超過5,000人姓「御手洗」，同樣可以話係一個非常獨特嘅姓氏。

罕見日本姓氏

除咗以上獨特姓氏，日本仲有一啲非常罕見嘅姓氏。

• 竈門 (Kamado/Kamakado)： 據估計，日本全國只有10人擁有呢個姓氏。源於供奉火神嘅神聖地方，如製鹽或製陶嘅窯。與姓氏（竈門）爐灶（竈門）亦有關。首次於兵庫縣發現。
• 不死川 (Shinazugawa, Fujigawa)： 據估計，日本只有10人擁有呢個姓氏。詞源來自藤川（藤川）。近年於大阪府羽曳野市及奈良縣北葛城郡被發現。相傳係淨土真宗本願寺派僧侶所開創嘅寺廟嘅姓氏。
• 小鳥遊 (Takanashi)： 據估計，日本只有30人擁有呢個姓氏。字面意思為「小鳥在玩耍」，暗示著周邊不存在像鷹一般嘅天敵。近年亦被經常被用作命名小說等作品角色。

日本人為小朋友改名時會考慮啲咩？

對日本人嚟講，選擇小朋友嘅名字係一件極其重要嘅事，因為日本人普遍相信姓名會影響小朋友未來。常見考慮要點如下：

①漢字筆畫數
由於名字通常用漢字書寫，因此好多人都會考慮漢字筆劃數量。無論是否帶來好運，筆劃數量都被認為會影響孩子命運。

②名字與漢字嘅意味
考慮名字與所用漢字嘅意思亦係不可或缺。最常見方法係依照家族傳統，選擇一個有正面意思嘅名字，

③發音
容易發音嘅名字會更好。

④文化背景
日本人更鍾意選擇與家庭文化與傳統相符嘅名字。

⑤音節數
通常，日本名字由兩個或三個音節組成。
例子：

• たろう (た-ろう) ：2個音節
• さくら （さ-く-ら）：3個音節

⑥性別區分
男性と女性の名前を明確に区別することも重視されます。ただし、「あおい」「ひなた」「つばさ」など男女ともに使える名前も多くあり、人気です。

能夠清楚區分男女名字亦非常重要。然而，亦有如「あおい（Aoi）」、「ひなた（Hinata）」、「つばさ（Tsubasa）」等名字皆適用於男女兩性。

⑦神聖意味
部分人或會偏好選擇具有神聖或精神意義嘅名字。

例子：神翔 (Shinto)

解釋

⑧漢字與片假名
雖然日本人大部分名字都使用漢字，但亦有唔少使用平假名或片假名嘅例子。

⑨採納其他家庭成員或親戚建議
決定嬰兒名字時，聆聽並尊重家庭成員或親戚意見都非常重要。

選擇名字雖然係一件私人事，不過為滿足家庭及父母願望，普遍人都會選擇一個家庭成員感到舒適嘅名字。

決定日本名字時需要遵循嘅規則

以下為有關為新生嬰兒命名嘅少少常識。

• 父母需要喺小朋友出生後14日內決定孩子名字並提交出生報告，且需要儘快到地方政府註冊。
  
• 根據「戶籍法」法律規定，名字必須使用常見漢字、平假名或片假名。

日本人名字含義

與姓氏不同，名字往往反映當時流行趨勢。日本父母傾向於從名人或當時流行嘅趨勢中獲取靈感，而近年使用「キラキラネーム（閃亮名字）」（使用與其通常意義或發音不同嘅漢字）名字有增加趨勢。更富現代感或獨特嘅名字變得更受歡迎，相反傳統日本名字則變得越來越少見。

日本男生女生名字特點

傳統日本名字中，通常由名字最後一個字嘅音節就可以分辦小朋友係男生或女生。

• 男生名字：通常，名字最後一個音節以〜o、〜ro等假名作結，聽上去感覺更強壯、更可靠。
  例：一郎（Ichiro）、勝男（Katsuo）等
• 女生名字：通常，名字最後一個音節以〜ko、〜mi、〜na等假名作結，聽上去感覺更溫柔、更優美。
  例：加奈子（Kanako）、真由美（Mayumi）、明菜（Akina）等

*然而，以上法則並不能100%區分男生或女生名字。

人氣日本名字排行榜

以下係過去5年，由日本大型出版社Benesse Corporation每年所公佈嘅「嬰兒名字排行榜」前三名結果。

男生人氣名字

2018年

1. 1位 蓮（Ren）
2. 2位 陽翔（Haruto, Akito, Hyuga）
3. 3位 陽太 (Haruto, Youta, Hinata)

2019年

1. 1位 蓮（Ren）
2. 2位 律（Ritsu）
3. 3位 湊（Minato, So, Kanade）

2020年

1. 1位 蓮（Ren）
2. 2位 陽翔（Haruto, Akito, Hyuga）
3. 3位 蒼（Aoi, So, Sora）

2021年

1. 1位 蓮（Ren）
2. 2位 陽翔（Haruto, Akito, Hyuga）
3. 3位 蒼（Aoi, So, Sora）

2022年

1. 1位 碧（Ao, Aoi）
2. 2位 陽翔（Haruto）
3. 3位 蒼 (Aoi, So, Sora）

女生人氣名字

2018年

1. 1位 陽葵（Himari, Haruka, Hinata）
2. 2位 芽依（Mei）
3. 3位 莉子（Riko）

2019年

1. 1位 陽葵（Himari, Haruka, Hinata）
2. 2位 凛 (Rin)
3. 3位 芽依（Mei）

2020年

1. 1位 陽葵（Himari, Haruka, Hinata)
2. 2位 結菜（Yuna, Yuuna, Yuina）
3. 3位 莉子（Riko）

2021年

1. 1位 陽葵（Himari, Haruka, Hinata)
2. 2位 紬（Tsumugi）
3. 3位 凛（Rin）

2022年

1. 1位 陽葵（Himari, Haruka, Hinata)
2. 2位 凛（Rin）
3. 3位 結菜（Yuna, Yuuna, Yuina）

近年特別受日本人歡迎嘅名字漢字含義

男生名字：

• 蓮 (Ren)：蓮花 - 象徵純潔、寧靜、精神成長。
• 陽翔（Haruto）：飛向太陽 - 代表父母希望小朋友有野心，並於人生走能夠達到偉大成就，如飛鳥般飛向太陽。亦附帶希望小朋友勇敢生活之意，長大後定必後會大成為一朵向日葵，堅定地面對太陽，驕傲地綻放。
• 蒼（Aoi）：藍色/綠色 - 表達植物生長茂盛及廣闊天空，代表自由及活力。包含著父母希望小朋友會自由健康地成長嘅願望。

女生名字：

• 陽葵 (Himari) : 由兩個漢字含義組成。Hi意為「太陽」或「陽光」、Aoi則意為植物「蜀葵」。名字Himari讀法加埋一齊，代表希望小朋友能如向日葵一樣茁壯成長。
• 凛（Rin) : 表達一種尊嚴、優雅與勇氣嘅感覺，亦可以翻譯為「威嚴」或「雄偉」，期待希望孩子能夠健康且有尊嚴地成長。「Rin」俗字其一意思為「刺骨寒冷」，其二為「嚴重、收拾心情、恐懼及尊重」，予人英勇印象，希望小朋友會成長為一個樂觀、俐落嘅人。
• 結菜（Yuina）：漢字「結（Yui）」意為「連繫」或「連接」與意味「蔬菜」或「綠色」嘅「na」之組合。名字Yuina可以解釋為「繫在綠色上」或「與綠色的聯繫」，能夠解釋作一個連繫大自然與人類嘅橋樑。名字可被視作傳達希望小朋友珍惜人與人之間嘅聯繫，並長大建立良好、富有同情心嘅關係。

詩意漢字古風日文名字

以下將為大家按性別介紹充滿日本和風特色嘅古風日本名字。

男生名字

• 剛（Tsuyoshi）：意味「堅強」、「頑強」。寄寓小朋友今後能一直能保持上進心、精神上與肉體上嘅力量，永不輕易放棄，不斷追求自己嘅道路。
• 翔（Sho, Kakeru）：刻畫鳥兒展翅高飛、自由於藍天翱翔嘅形象，表達出希望小朋友茁壯成長嘅期望。
• 隼人（Hayato）：「隼」屬日文中鳥類「ハヤブサ」嘅漢字，象徵著聰明俐利與靈活機智，寓意希望孩子能成為一個機敏且勇敢，能夠快速應對各種情況嘅人。
• 拓哉（Takuya）：「拓」係一個表示「開啟」嘅漢字，經常出現「開拓」等詞語中。代表著父母希望孩子能充滿堅定意志、挑戰未知領域，並能夠自己創造未來。
• 慎之助 (Shinnosuke)：「慎」代表謹慎及謙虛。「●之助」係一種日本傳統命名方式，表達希望小朋友能成為誠實、關心身邊人嘅願望。

女生名字

• 葵（Aoi）：名字表達希望小朋友能成為一個溫柔且優雅嘅成年人嘅願望。
• 杏（An）：「杏」即杏樹。由於花朵迷人又能夠結出美味果實，因此名字蘊含希望小朋友成為一位不單外貌美麗，而且出色能幹女性嘅願望。
• 織絵（Orie）：「織」表示編織布料、知識等，意指編織或組合事物。名字象徵著希望小朋友成長為具有深思熟慮及細心成熟形象嘅女性。
• 琴奈（Kotona）：與彈奏出優美旋律音色嘅和琴般，期待小朋友能夠培養出優雅舉止與女性特質。
• 紗千子（Sachiko）：希望小朋友能夠同時擁有堅強及靈活兩項特質，活出優雅與細膩感性人生。

FUN! JAPAN員工係點樣為家中小朋友改名嘅呢？

過去幾年期間，FUN! JAPAN唔少員工家中都迎接新生命。以下係部份員工幫屋企小朋友改名嘅例子及原因：

①亂入先生仔仔：「千」（Sen）

1. 性別＆年齡：男 / 6個月大
2. 漢字＆讀音：「千」/（Sen）
3. 漢字名字意思＆原因：某次去到唐招提寺參觀千手觀音立像時，我被眼前觀音像深深吸引、不禁流下眼淚。老婆懷孕期間，我哋再次到寺廟參拜，然後無幾耐就遇上車禍，老婆被送往醫院接受急救，好彩最後兩母子都平安無事。自此我就深深相信一定係千手觀音庇佑我哋，因此就決定將「千」字列入候選名單。

＊「千、觀、音」之外，我哋都有考慮過千手觀音別名「蓮華之王」嘅「蓮、華」字。最終，我哋透過日本人好流行嘅姓名鑑定，決定選擇日本比較少見，筆劃數恰到好處而且音響愉悅嘅漢字成為首選。

②N氏囡囡：「彩葉」（Iroha）

1. 性別＆年齡：女 / 2個月大
2. 漢字＆讀音：：彩葉 / (Iroha）
3. 漢字名字意思＆原因：根據如仁和寺等所講，名字係從弘法大師創作嘅和歌「いろは歌」中得到啟發，就好似每朵花都有盛開季節一樣，「期望即使年華漸長，亦應該時刻保持著屬於自己嘅花朵盛開嘅季節，珍惜每一刻，過上多彩多姿人生。」
   順帶一提，和歌當中嘅「花」普遍被視為代表日本嘅「櫻花」，而且名字總筆劃亦被認為「唔算太差」（即吉祥如意）。
4. 参考出處：姓名鑑定、嬰兒名字書、Instagram，以及綜合其他評論。我哋本來並無打算參考以上種種，但最終都係無辦法唔參考，最後都係決定用返最初候選名字之一。

③T氏囡囡： "萬櫻"（Mao）

1. 性別＆年齡：女 / 2歲
2. 漢字＆發音：萬櫻（Ma'o）
3. 漢字名字意思＆原因：無論係生男或生囡都好，原本已經諗好一定會用含有「櫻」字嘅名字（如果係男仔，打算改名為「隆櫻（たかお）」）。其後再考慮埋其他個人鍾意或好睇嘅漢字，再確保筆劃唔會帶有唔好嘅含義後作出各種調整，最終諗咗大約10個候選，並決定實際見到BB個樣及舉止行為後再做最終決定。BB出世返到屋企後，我哋所搭嘅的士竟然係全球只得5架嘅「幸運之櫻的士」，我哋認為一切都係命中註定，因此就揀咗含有「櫻」字嘅名。意思係「希望小朋友可以見到好多美麗嘅事物（櫻），並堅強地（萬）活著」。
4. 参考出處：https：//zexybaby.zexy.net/pages/namingweb/?vos=1gglbner00011_00336&gad=1&gclid=cj0kcq_

④I氏仔仔：咲來（Saku) ＆ 慎（Shin）

【長男】

1. 性別＆年齡：男 / 5歲
2. 漢字＆讀音：咲來（Saku）
3. 漢字名字意思＆原因：希望改一個2個音節而且發音好聽，同時既具有現代風格又帶有古風氛圍嘅名。名字寄寓小朋友將來能夠實現自己夢想。構思漢字時亦有考慮到總筆劃數。
4. 参考出處：無（只查過漢字筆畫數）

【次男】

1. 性別＆年齡：男生 / 2歲
2. 漢字＆讀音：慎（Shin）
3. 漢字名字意思＆原因：希望改一個2個音節而且發音好聽，同時既具有現代風格又帶有古風氛圍嘅名。名字寄寓小朋友將來成為一個忠於自己、率直且誠實嘅人。構思漢字時亦有考慮到總筆劃數。
4. 参考出處：無（只查過漢字筆畫數）

以上就係關於日本人為小朋友改名時嘅種種習慣及原因。唔知各位嘅日本人朋友當中，又有無人嘅名字出現喺以上內容裡面呢？
如果各位讀者有問題想發問，歡迎喺留言欄留言喔～