盆景，日本稱為「盆栽」，係一種起源於中國嘅園林藝術。之後，透過中國與日本兩國之間嘅文化交流，訪問中國嘅佛教僧侶將盆景帶入日本。1923年嘅關東大地震之後，好多盆景愛好者搬到埼玉市嘅大宮盆栽村，盆景植物喺呢度集中展出。
關於大宮盆栽村及大宮盆栽美術館
大宮盆栽村內有6個盆栽園，仲有一個盆栽美術館，可以欣賞到各類型嘅盆景。大宮盆栽村有90年歷史，露天日式盆栽園共有幾百個盆栽，有蔓青園、藤樹園、清香園、九霞園、芙蓉園、松濤園等盆栽園。
春天仲可以參加盆栽節。大宮盆栽節喺每年5月3日到5日舉行，請自行上官網確認最新資訊。
大宮盆栽村及大宮盆栽美術館參觀費用
大宮盆栽村可以免費參觀。但係大宮盆栽美術館需要買門票入場，成人為300日圓。美術館嘅展示有英文說明，唔使擔心語言障礙。另付300日圓仲有語音導覽。
大宮盆栽村開放時間
大宮盆栽村及美術館開放時間為上午9點至下午5點。從3月到10月，盆栽村及美術館於下午4點半關閉。盆栽村同大宮盆栽美術館逢星期四休息。
相關資訊
- 名稱: 大宮盆栽村
- 地址: 埼玉縣埼玉市北區盆栽町
- 交通方式: 東武野田線「大宮公園站」落車 步行約5分鐘 ；JR「土呂站」落車 步行約10分鐘
Comments