去白川鄉絕對唔可以錯過嘅美食餐廳3選！

世界遺產合掌造聚落嘅白川鄉係一個好有懷舊日本風味嘅地區，喺呢度可以享用獨特嘅當地料理，一邊感受日本懷舊氣息，一邊品嘗日本獨特料理，增添旅遊樂趣。

呢次就嚟介紹去白川鄉必推嘅美食餐廳，欣賞美景之餘，仲可以品嘗美食，簡直係旅遊一大享受！

白川鄉必推餐廳3選

嚟到白川鄉，絕對唔可以錯過嘅料理就係當地嘅鄉土料理「五平餅」，仲有當地名產「飛驒牛」。無論係邊間餐廳都好受歡迎，喺呢度介紹一下日本人都好鐘意嘅三間餐廳俾你啦。

呢間「用餐處合掌（お食事処合掌）」係一間相當受歡迎嘅餐廳，可以喺白川鄉先有嘅合掌造建築內用餐，係幾咁詩情畫意啊！！

呢度有日本厚樸葉子清新香氣撲鼻而來嘅飛驒牛樸葉味噌燒，將大豆磨成泥嚟熬煮嘅「Suttate-Jiru（すったて汁）」等各種鄉土料理，可以享受各種美味，仲有各色山菜擺盤，都係喺呢個地區先可以品嘗到嘅料理。

而小食方面，則有醬油丸子、五平餅、紅豆年糕湯等等，各種甜食可以滿足愛吃甜食嘅你。一邊散步休息，一邊品茶，咁樣都幾嘆喎！

想品嘗白川鄉嘅鄉土料理，就去「用餐處合掌（お食事処合掌）」啦。

喺白川鄉合掌造建築內用餐嘅「圍爐裏（いろり）」，名符其實，店內真係有炕爐，就好似穿越時光去到日本古代咁，可以悠閒舒適地享用美食。

餐單有白川鄉名產「硬豆腐」所烹煮嘅「煎豆腐套餐」，仲有淮山、山菜同雞蛋配搭而成嘅「山藥鐵板燒套餐」等等都係店內嘅招牌菜。

另外，仲有「山菜套餐」，可以享用白川鄉自然恩賜嘅山野美味。

嚟到「飛騨牛食べ処てんから」可以品嘗到最高級嘅飛驒牛，餐廳內所採用嘅飛驒牛皆由老店肉商進貨。曾獲得電視節目多次報導，係凡食過都會念念不忘嘅美味，吸引無數食客再次造訪。

當中最受歡迎嘅就係飛驒牛嘅燒肉，同飛驒牛三食等定食套餐。另外仲有嫩飛驒牛丼、漢堡肉、樸葉味噌飛驒牛等等，各式各樣嘅料理俾你可以盡情品嘗飛驒牛嘅美味。

而燒烤食品餐單中可以試吓日本人氣嘅牛舌、內臟類等都唔錯呀。