「飛驒高山」位於日本岐阜縣。保留咗好多江戶時代嘅古老街道，仲有好多美食，好睇又好玩，吸引好多人造訪。今次小編就要為大家介紹飛驒高山觀光必睇必去嘅地方，同推薦其中幾間酒店設施。
飛驒高山必睇3大重點
造訪飛驒高山嘅時候，唔可以錯過嘅3大重點分別為：
嚟日本必去嘅「溫泉」
造訪日本必去嘅「溫泉」，嚟到飛驒高山更加唔可以錯過。飛驒高山嘅溫泉大部分係北阿爾卑斯山嘅融雪水滲入地下而形成，非常出名。嚟到呢度，可以享受天然溫泉先至有嘅柔軟水質。
從飛驒牛開始美食之旅
飛驒高山係知名黑毛和牛品牌「飛驒牛」嘅培育之地。喺和牛奧運之稱嘅「全國品牌牛品評大會」榮獲金賞嘅美味，嚟到飛驒高山一定要品嚐一下！
世界遺產嘅美景
飛驒高山保留咗好多江戶時代嘅古老建築，搭巴士大約1個鐘即可抵達世界遺產「白川鄉」，交通非常方便。日本傳統嘅風景絕對值得一去，簡直係靚到令人流連忘返。
入住飛驒高山一帶，一定要揀有溫泉嘅酒店
飛驒高山有多間附設天然溫泉嘅酒店設施。揀酒店旅館嘅時候，一定要揀附設溫泉嘅入住享受一下。
飛驒廣場酒店（Hida Hotel Plaza）
飛驒廣場酒店距離高山站只需要5分鐘路程，地理位置良好、方便觀光。最頂樓嘅露天溫泉可以一眼眺望北阿爾卑斯山，而地庫樓層嘅溫泉內裝則繪上眾多浮世繪作品，更能感受日本嘅傳統氣氛。
景點資訊
- 景點名稱：飛驒廣場酒店（Hida Hotel Plaza）
- 地址：岐阜縣高山市花岡町2丁目60番地
- 交通方式：從高山站徒步約5分鐘
Alpina 飛驒高山溫泉酒店 (Spa Hotel Alpina Hida Takayama)
Alpina 飛驒高山溫泉酒店從高山站徒步約4分鐘就到。其特色係擁有獨家嘅天然溫泉，可以一邊欣賞高山街景，一邊享受溫泉，一解旅遊嘅疲勞。
景點資訊
- 景點名稱：Alpina 飛驒高山溫泉酒店 (Spa Hotel Alpina Hida Takayama)
- 地址：岐阜縣高山市名田町5-41
- 交通方式：從高山站徒步約4分鐘
從東京至飛驒高山嘅交通方式
從東京前往飛驒高山嘅交通方式為以下四種。
1. 搭鐵路電車：約4個半鐘頭
- 從東京站乘搭「JR新幹線光輝號」至富山站，轉搭「JR特急Wide View飛驒（特急ワイドビューひだ）」至飛驒古川站。
- 從東京站乘搭「JR新幹線希望號」至名古屋站，轉搭「JR特急Wide View飛驒（特急ワイドビューひだ）」至高山站，再乘搭「JR高山本線」至飛驒古川站。
2. 乘搭巴士：約6個鐘
從新宿站西口乘搭「濃飛巴士」、「京王巴士」至高山巴士中心。再乘搭「濃飛巴士」至谷川站。
3. 租車自駕：約5個鐘
4. 搭飛機：約2個半鐘
從羽田機場乘搭飛機至富山機場，再轉搭電車、巴士至飛驒古川站。
Comments