登錄為世界遺產嘅「白川鄉」，係日本知名嘅觀光勝地，現今更係人氣高居不下嘅熱門景點，仲唔快啲跟住小編一齊嚟一探白川鄉嘅魅力所在啦！
今次將同大家介紹白川鄉必訪景點、必食美食，同埋從東京出發抵達白川鄉嘅方法。
白川鄉係點樣嘅地方吖？
首先，向大家介紹一下白川鄉呢個地方，以及其景點。
登錄為世界遺產嘅「合掌造聚落」
白川鄉最吸引人嘅一大特色，就係被登錄為世界遺產嘅「合掌造聚落」。
合掌造建築為日本傳統住宅建築形式之一。其特色係45度至60度嘅傾斜屋頂。
白川鄉一帶坐落合掌造建築嘅聚落，保留日本古早風情嘅景色，非常受歡迎。
日本觀光不可或缺嘅溫泉
嚟到白川鄉可以享受日本嘅溫泉，浸喺天然溫泉享受眼前嘅美景，亦係人氣高企嘅理由之一。
附近設有酒店設施提供入住
白川鄉嘅地理位置較偏遠，但亦可搵到地方入住。喺合掌造建築內瞓一晚似乎都唔錯吖。下榻喺高級酒店內，享受溫泉以及品嚐會席料理，更係人生一大享受。
白川鄉美食
白川鄉美食無數，快啲嚟睇睇到底有邊啲美食佳餚等緊你啦！
黑毛和牛「飛驒牛」
嚟到白川鄉首先必食嘅美食就係「飛驒牛」啦。好多餐廳都有提供飛驒牛嘅相關料理。
白川鄉當地小食「五平餅」
白川鄉地區可以品嚐嘅鄉土料理，其中一樣就係「五平餅」，做法係將整碎嘅米捏成扁平橢圓狀，插喺竹籤上，沾上又鹹又甜嘅醬油去燒。
食落去好似麻糬咁彈牙口感，配搭醬油，簡直係好食到停唔到口。
白川鄉出名嘅日本酒「ささにごり酒」
白川鄉知名嘅日本酒「ささにごり酒」。薄薄嘅濁酒，味道充滿香氣，而且口感細緻。
其他仲有純米酒、碳酸純米酒等眾多日本酒，大家一定要嚟試一下啦！
前往白川鄉嘅交通方式
要去白川鄉應該點搭車呢？最後要為大家介紹各種交通方式。
從東京如何前往白川鄉呢？
從東京前往白川鄉，CP值最高嘅方式就係搭巴士。從東京到富山、再從富山到白川鄉乘搭巴士約8小時，車費大約4,200円。
想要輕鬆啲，推薦搭新幹線。從東京乘搭新幹線到富山，再從富山乘搭巴士至白川鄉，費用約1萬5,000円，車程大約3個鐘左右即可抵達。
Comments