觀光景點「郡上八幡」位於日本岐阜縣，從東京出發，車程大約4個鐘左右，係相當偏遠嘅地區，但呢個地方保留咗好多日本古代街景，作為日本城下町非常受歡迎。
到底「郡上八幡」有邊啲嘢好玩呢，就等我哋大家一齊去睇睇啦！
郡上八幡係一個點樣嘅地方？
首先，一齊嚟睇睇郡上八幡嘅必去景點。
郡上八幡城
郡上八幡城擁有日本最古老嘅木造天守，呢個天守閣被市府指定為市嘅有形文化財。從山城一眼飽覽城下町嘅風光。每年5月有新綠祭，11月則係紅葉祭。嚟到呢度，可以感受四季更迭不同嘅美麗，係一個非常受歡迎嘅景點。
郡上舞
夏天嘅「郡上舞」非常出名，通常喺7月中旬至9月上旬舉辦，連續舉辦超過30日，大家一同喺盛夏嘅夜晚歡樂共舞。一邊睇住人哋跳，一邊模仿，好快就學識，推薦俾想參加日本經典夏日祭典嘅人！
栩栩如生嘅食物模型
實際上郡上八幡嘅食品模型相當出名。可以參觀食品模型如何製作，呢度唔單止販售猶如實物嘅食品模型，仲可以親手製作。有興趣嘅人，不妨嚟呢度試一下整返個屬於自己嘅食品模型啦！
郡上八幡必推美食「郡上香魚」
郡上八幡必推嘅美食就係「郡上香魚」，喺呢個水鄉澤國生長嘅香魚肉質鮮嫩可口。當然仲有品牌和牛「飛驒牛」可以品嚐。
郡上八幡嘅酒店設施
郡上八幡嘅旅館酒店所提供嘅設施及服務豐富多樣，除咗有精緻美味嘅會席料理，仲有療癒身心嘅溫泉。於一片自然環繞之下，浸溫泉一解旅遊嘅疲勞都唔錯吖！比較熱門嘅酒店設施有「郡上八幡酒店」、「酒店 積翠園」。
前往郡上八幡嘅交通方式
最後要介紹前往郡上八幡嘅交通方式。
從東京出發，先乘搭新幹線至名古屋，轉電車往歧阜。到達歧阜之後，轉搭巴士約1小時20分鐘抵達。從東京到郡上八幡約4個鐘左右，費用約1萬2,000円。
從犬上前往郡上八幡嘅交通方式
從犬山至郡上八幡乘搭電車轉巴士，車程約2個鐘。從犬山乘搭電車至名鐵歧阜，再從名鐵歧阜乘搭巴士至八幡站前。
從馬籠前往郡上八幡嘅交通方式
從馬籠至郡上八幡乘搭巴士約3個半鐘頭，約4,000円左右即可抵達。路線為中央道馬籠→名鐵巴士中心→ 郡上八幡交流道。
Comments