日本秋季賞紅葉，被稱為「狩獵紅葉」（紅葉狩り），意思係欣賞樹葉於落葉前被染成紅、黃等顏色變化景觀，亦係秋天特有嘅絕美景色。
東京每年11月到12月上旬，都可以見到紅葉嘅蹤影。無論係東京市中心，抑或係擁有豐富大自然景觀嘅23區外範圍，皆擁有多個紅葉景點，可以捕捉得到紅葉嘅各種美麗身影。今次，我哋將東京都內著名嘅紅葉景點按日本庭園、公園以及山、湖等類別進行統整，為大家介紹各式各樣東京著名賞紅葉勝地。
濃濃日本風情！日本庭園嘅紅葉名所
日本庭園與西洋庭園不同，其特徵為左右不對稱，並講究曲線造型，通過配置植物、石頭、山、池塘等造景設計，打造出重現大自然等賞心悅目嘅景觀。日本庭園可謂彙聚了日本嘅傳統文化和審美意識。庭園被紅葉染紅時嘅景致如詩似畫，真係令人目不暇給！
| 景點名稱 | 特徵 | 最佳觀賞期（往年） | 開園時間※ | 入園費用（一般） | 交通方式 | 地址 |
| 小石川後樂園 | 以池塘為中心嘅「迴遊式築山泉水」庭園 | 11月下旬～12月上旬 | 9:00～17:00※ | 300日圓 | 從JR水道橋站徒步約5分鐘 | Map |
| 濱離宮恩賜庭園 | 代表江戶時代嘅大名庭園。明治維新後亦成為皇室離宮嘅庭園 | 11月下旬〜12月上旬 | 9:00～17:00※ | 300日圓 | 從大江戶線汐留站徒步約5分鐘 | Map |
| 舊岩崎邸庭園 | 可欣賞得到洋館與和館併設嘅豪宅與黃葉所交織出嘅動人景致 | 11月下旬〜12月上旬 | 9:00～17:00※ | 400日圓 | 從東京Metro千代田線湯島站徒步約3分鐘 | Map |
※最後入園時間為閉園前30分鐘
去公園悠閒地眺望紅葉景致吧！
公園內有著各式各樣嘅植物生長，並設有散步道，可以享受得到有別於日本庭園嘅賞紅葉樂趣。
除咗可以喺公園欣賞植物，仲可以帶玩具盡情地嬉戲，或於公園長椅上悠閒地眺望紅葉談笑風生，再影返幾張靚相留倩影，喺公園感受不一樣嘅秋意園景氣氛。
| 景點名稱 | 特徵 | 最佳觀賞期（往年） | 開園時間 | 入園費用（一般） | 交通方式 | 地址 |
| 國營昭和紀念公園 | 可以喺廣闊嘅公園內欣賞紅葉與銀杏樹 | 11月上旬～11月下旬 | 8:30～16:30（11月～2月）★ | 綠色文化區：免費 | 從立川北站徒步約8分鐘 | Map |
| 水元公園 | 東京都內唯一嘅水鄉公園，壯觀嘅森林被染成褐色嘅景致相當優美 | 11月上旬～12月中旬 | 全日24小時開園 | 免費（含部分收費設施） | 從金町站乘搭京成巴士抵達水元公園後落車，徒步約7分鐘 | Map |
| 日比谷公園 | 於明治時代開園，係日本第一個西洋風公園，可以眺望得到紅、黃色嘅紅葉 | 11月下旬～12月上旬 | 全日24小時開園 | 免費（含部分收費設施） | 從霞關站/日比谷站徒步即可抵達 | Map |
★開園時間會根據時期、免費區域（綠色文化區）、收費區域等而有所不同。來園前請於網上確認相關資訊。
舉辦紅葉點燈活動嘅庭園與公園
白天嘅紅葉顏色豔麗，固然可以影唔少靚相，不過夜間紅葉卻別有一番情趣。點燈下嘅紅葉顯得既優雅又浪漫，可以盡情享受夢幻般嘅氛圍喔。
| 景點名稱 | 特徵 | 最佳觀賞期（往年） | 開園時間（通常）※ | 入園費用（一般） | 交通方式 | 地址 |
| 六義園 | 江戶時代嘅兩大「大名庭園」之一。「心泉亭」茶屋於點燈期間亦可使用 | 11月下旬～12月上旬 | 9:00～17:00 | 300日圓 | 從駒込站徒步約7分鐘 | Map |
| 大田黑公園 | 被巨大樹木、昭和時代建造嘅西洋式建築物所包圍嘅空間裡，悠閒地欣賞紅葉 | 11月下旬～12月上旬 | 9:00～17:00（點燈期間為9:00～20:00） | 一般期間為免費入場（點燈期間費用為300日圓） | 從荻窪站徒步約10分鐘 | Map |
| 東京都庭園美術館 | 可以欣賞得到西洋風格建築，與紅葉盛開嘅和風日本庭院，兩者互相輝映嘅動人紅葉景致 | 11月下旬～12月上旬 | 10:00～18:00 | 200日圓 | 從JR山手線目黑站/東急目黑線目黑站徒步約7分鐘 | Map |
※點燈期間會有所變動。請事先於網上確認點燈期間嘅開園時間、入場費用等資訊。
寺廟、神社等古樸獨特嘅紅葉景點
歷史悠久嘅寺廟、神社，與紅葉嘅組合亦不容錯過！不妨試試於紅葉時期前往，眼前傳統建築與優美紅葉，可以感受到更神秘嘅空間感。另外，於賞紅葉嘅同時，仲可以順便去參拜、求籤、購買日本特有嘅御守等，體驗一個日本古風紅葉之旅喔。
| 景點名稱 | 特徵 | 最佳觀賞期（往年） | 開園時間 | 交通方式 | 地址 |
| 豪德寺 | 院內到處都有「招福貓」迎接著您嘅到來 | 11月中旬〜12月上旬 | 6:00～17:00（9月下旬〜3月中旬） | 從宮阪站徒步約5分鐘 | Map |
| 九品佛 淨真寺 | 有多棵古樹，亦有仁王門、鐘樓等寺院嘅代表性建築 | 11月下旬～12月上旬 | 6:00～16:30 | 從九品佛站徒步約4分鐘 | Map |
| 等等力不動尊 | 連同等等力溪谷一起納入行程，進行賞紅葉之旅最為推薦 | 11月下旬〜12月上旬 | 6:30〜16:30（17:00關門） | 從等等力站徒步約8分鐘 | Map |
| 高幡不動尊 | 有著千年以上歷史嘅文化遺產與寺院珍寶 | 11月下旬～12月上旬 | 9:00～17:00 | 從高幡不動尊站徒步約5分鐘 | Map |
（基本上院內免費入場）
盡享群山、溪谷、湖泊等大自然景色嘅紅葉勝地
去到群山、湖泊等地，眺望一片廣闊大自然與紅葉交織出嘅夢幻絕景，實在係扣人心弦！不妨一邊體驗登山、划艇等活動，一邊欣賞秋天紅葉景觀，度過不一樣嘅優雅好時光吧。
| 景點名稱 | 特徴 | 最佳觀賞期（往年） | 交通方式 | 地址 |
| 奥多摩湖 | 亦可以享受單車遊、皮划艇、泛舟等各種活動體驗 | 11月上旬〜11月下旬 | 從奧多摩站乘搭巴士約20分鐘 | Map |
| 御岳溪谷 | 可從車站沿著設置嘅行人徑輕鬆地欣賞溪谷嘅紅葉景色 | 11月中旬～11月下旬 | 從御嶽站徒步約1分鐘 | Map |
| 高尾山 | 可以乘搭纜車和吊椅輕鬆登山。從山頂飽覽得到嘅紅葉景色非常迷人 | 11月中旬〜12月上旬 | 從高尾山口站徒步約5分鐘 | Map |
| 秋川溪谷 | 全長96m嘅吊橋「石舟橋」亦係必睇位之一 | 1月中旬～12月上旬 | 從武藏五日市站乘搭巴士約10分鐘 | Map |
氣勢磅礴嘅銀杏並木黃金大道
紅葉景點除咗有紅、黃葉相輝映嘅絢麗景色，金黃色嘅銀杏景致亦相當受歡迎。兩排左右對稱嘅連綿銀杏樹大道，有如藝術作品一樣美麗且壯觀。特別於落葉時，散落一地嘅金黃色銀杏葉宛如一塊金黃色地氈，相當夢幻。
| 景點名稱 | 特徴 | 最佳觀賞期（往年） | 開園時間（通常） | 入園費用（一般） | 交通方式 | 地址 |
| 光之丘公園 | 約有40棵樹並排，全長約200m | 11月上旬〜11月中旬 | 全日24小時 | 免費 | 從光之丘站徒步8分鐘 | Map |
| 明治神宮外苑 | 約有1,600棵樹並排，全長約300m | 11月中旬〜12月上旬 | 全日24小時 | 免費 | 從青山一丁目站徒步約7分鐘 | Map |
| 駒澤奧林匹克公園 | 全長約800m | 11月中旬〜12月上旬 | 全日24小時 | 免費 | 從駒澤大學站徒步約15分鐘/從澀谷站乘搭巴士約20分鐘 | Map |
| 靖國神社 | 全長約250m（從第一鳥居到第二鳥居） | 11月下旬～12月上旬 | 6:00～17:00 | 免費 | 從九段下站徒步約5分鐘 | Map |
唔知您最鍾意邊度嘅紅葉風景呢？如果有心儀嘅紅葉景點資訊嘅話，記得留言話畀小編知吖。
Comments