一聽到表參道，你腦海浮現嘅係咩呢？時髦嘅街景、咖啡店林立、購物商店定係冬季浪漫燈飾呢？今次我哋要介紹好受外國人歡迎、東京時髦嘅地區之一嘅表參道好玩嘅地方。
走在表參道上 自我感覺十分良好
有好多在日外國人居住嘅表參道地區，就好似歐美嘅高級住宅區嘅街道一樣。時髦嘅咖啡店同服裝店林立，雖然係美食同購物嘅天堂，但都同時具有住宅區一般嘅寧靜氣氛，對於想要安靜悠閒享受假期嘅旅客嚟講，非常推薦呢一區。就算只係喺時髦嘅街道上散散步都零舍不同！冬季限定街道兩旁樹木點綴嘅燈飾，營造出非常夢幻浪漫嘅氣氛。
表參道Hills：時尚購物天堂
表參道有好多街舖、國際品牌服裝店，如果要行購物中心嘅話，表參道Hills係絕對唔可以錯過嘅。有Tod‘s、Chloe、JIMMT CHOO等國內外知名品牌專門店，仲有好多餐廳，淨係行呢度都可以留一整日。另外，表參道Hills係由日本知名建築師安藤忠雄設計。會場都會舉辦藝術展覽等活動。喺呢座時尚嘅建築物入面，淨係window shopping或者去睇展覽，都夠唒有趣啦。
基本資訊
- 景點名：表參道Hills
- 地址：東京都澀谷區神宮前4-12-10
- 交通方式：東京Metro地鐵「表參道站」出口步行5分鐘
表參道Hills唔只有購物。喺呢座時尚嘅建築物入面，都有好多唔錯嘅餐廳。呢次我哋要介紹其中2間備受推薦嘅晚餐餐廳。等我哋一齊嚟留低一個令人興奮嘅回憶啦。
Golden Brown
既然嚟到日本就會想食日本料理啦係咪。但係，如果每日都食，食膩咗咁點算呀？呢個時候，就去試吓秘製漢堡啦。呢個係一間以漢堡聞名嘅專門店，甚至連英國嘅雜誌都將佢列入最佳餐廳排行榜度添。用咗上等肉品製成嘅漢堡，係其他地方食唔到嘅好味!
基本資訊
- 店名：Golden Brown
- 地址：東京都澀谷區神宮前4-12-10 表参道Hills本館 3F
- 交通方式：東京Metro地鐵各線「表參道」站步行5分鐘
築地玉壽司Sasashigure
對於仲係想食日本料理嘅人，首推嘅就梗係壽司啦！呢間壽司舖每日都用嚟自東京最大嘅魚市場－築地嘅新鮮魚肉。舖頭位於購物中心入面，但係味道非常正宗地道。板前師父會喺你面前即場整壽司，係呢間店嘅特色之一。
基本資訊
- 店名：Sasashigure
- 地址：東京都澀谷區神宮前4-12-10 表参道Hills本館 3F
- 交通方式：東京Metro地鐵各線「表參道」站步行5分鐘
想去咖啡店做個悠閒文青？去表參道啦！
由夏威夷pancake店或者係服飾店所經營嘅咖啡店等，充滿時尚精緻嘅咖啡店都係表參道嘅特徵。
呢次我哋想介紹FUN! JAPAN推薦嘅咖啡店！
藍瓶咖啡青山店
嚟自美國，以每一杯都精心製作嘅咖啡而聞名。喺日本，目前只有東京、京都同神戶有分店，係人氣好高嘅咖啡店嚟㗎。炮製出嘅係連鎖咖啡店飲唔到嘅味道，有機真係要嚟試吓呢個用心沖泡嘅咖啡呀!
基本資訊
- 店名：東京藍瓶咖啡
- 地址：東京都港區南青山 3-13-14
- 交通方式：東京Metro地鐵各線「表參道」站步行10分鐘
Lindt Chocolat Cafe表參道店
呢個係瑞士著名朱古力品牌Lindt所開嘅咖啡店。喺表參道站行過去就可以輕鬆到達。行街行到攰又可以嚟坐低休息下。
基本資訊
- 店名：Lindt Chocolat Cafe表參道店
- 地址：東京都港區北青山3-5-22
- 交通方式：東京Metro地鐵各線「表參道」站步行1分鐘
Aoyama Flower Market Tea House南青山本店
起源於表參道嘅Aoyama Flower Market，而家已經遍佈日本全國各地嘅知名花店。嚟到呢間由Aoyama Flower Market經營嘅咖啡店，可以喺花花世界嘅空間入面享用美食。揀個花料理影張相絕對可以喺IG呃到like呀！
資本資訊
- 店名：Aoyama Flower Market
- 地址：東京都港區南青山5-1-2
- 交通方式：東京Metro地鐵各線「表參道」站步行1分鐘
表參道車站都唔可以睇小！
表參道居然連車站都咁in（時尚）！車站入面設有咖啡店、雜貨用品店等嘅複合式商業設施，喺日本被稱為「Ekinaka」，表參道嘅Ekinaka設施特別豐富。
裡面有DEAN&DELUCA、BAGLE&BAGLE、Soup Stock Tokyo等時尚咖啡店、麵包店，都有提供店內用餐嘅空間，係一個同朋友見面吹水好方便嘅地方，或者轉車嘅時候可以順便行吓街。請一定要嚟表參道嘅Ekinaka體驗吓啦。
基本資訊
- 店名：Echika表參道
- 地址：東京都港區北青山3-6-12
- 交通方式：東京Metro地鐵各線「表參道」站步行1分鐘
Comments