台場有唔少附設娛樂設施嘅大型購物中心，即使撞正落雨天，都可以享受購物和各種有趣活動！除購物中心外，觀光設施亦相當豐富！身處於台場地區，無需擔心天氣影響，可以放心喺室內玩足成日，所以去東京旅行時，不妨預留一日時間喺台場大玩特玩啦。
※如透過本文介紹購買或預約商品，可能會有部分銷售額回饋給FUN! JAPAN。
😄使用NAVITIME eSIM，讓你的日本之旅更舒適！👉 請按此
🚅預訂新幹線班次就選NAVITIME Travel！ 👉 請按此
台場、有明、豐洲喺邊度？
台場、有明、豐洲位於以新橋站為首嘅電車路線「新交通YURIKAMOME（百合海鷗號）」沿線嘅港灣地區。而灣岸地區係指東京嘅港區、中央區、江東區東部等延伸嘅東京灣沿岸填海地區。
台場指「御台場海濱公園站～遠程通信中心站」之間地帶，有明指「東京國際展覽中站～有明網球之森站」之間地帶，豐洲指「市場前站～豐洲站」之間地帶。三個區域各具多個魅力無窮嘅景點。今次我哋會介紹台場，以及鄰近嘅有明、豐洲地區嘅魅力之處。
DECKS東京Beach：不只是購物聖地，仲有好多有趣設施！
「DECKS東京Beach」（DECKS Tokyo Beach/ デックス東京ビーチ）係一個以船為藍本嘅購物中心，面對住台場海濱公園。喺海濱陽台一邊觀賞海景同夜景，一邊悠閒地放鬆身心，相當寫意。成個建築物內有約80間專門店同餐廳，可盡情享受購買各種服飾、雜貨、兒童服飾、台場紀念品等嘅購物樂趣，仲可以品嚐日式、西式、中式等各種各樣美食。同時，亦有提供豐富嘅娛樂設施，無論係小朋友定大人，都可以喺度玩足全日。
推薦設施一覽
海濱商場
- （3F）東京JOYPOLIS：提供多達超過20種遊樂設施的日本最大型室內遊樂園。
- （4F）台場一丁目商店街：有賣傳統日本零食「駄菓子」、和風雜貨等店鋪，以及鬼屋等設施。係一個可以體驗充滿日本昭和時代（約1955年～1965年）懷舊風情的地方。
- （4F）東京幻視藝術迷宮館：能讓人感受猶如穿越時空回到江戶時代街道的幻覺藝術博物館。
- （4F）台場章魚燒博物館：匯集5間大阪正宗章魚燒名店及人氣店的地方。
海島商場
- （3F）東京杜莎夫人蠟像館：展示超過60個荷里活明星和名人真人大小比例蠟像的設施。
- （3F）LEGOLAND® Discovery Center Tokyo：一個以LEGO®積木點綴，提供多種豐富遊樂玩意的體驗型設施。
購買各類門票
【klook】
▶東京Joypolis室內主題樂園門票
▶東京杜莎夫人蠟像館門票
▶東京樂高樂園探索中心門票
【kkday】
▶東京JOYPOLIS歡樂城門票
▶東京魔術迷宮博物館門票（可以即時預訂）
▶台場杜莎夫人蠟像館門票
▶東京樂高探索中心（LEGOLAND Discovery Center Tokyo）門票
DiverCity Tokyo Plaza：一個可以享受多樣化娛樂的購物中心
位於東京台場嘅「DiverCity Tokyo Plaza」集合國內外受歡迎嘅休閒品牌店舖，以及各種不同嘅店鋪和餐廳。呢個購物中心以「劇場型都市空間」為概念，提供豐富多彩嘅娛樂設施。當中最引人注目嘅係一座實物尺寸嘅「獨角獸高達立像」，呢座高達嘅天線以從一根變成兩根，並且能夠從獨角獸模式變身為毀滅模式。夜晚時，仲可以睇到獨角獸高達立像散發出光芒嘅燈光效果，以及透過影像和音樂呈現嘅「Wall-G」表演。
推薦設施一覽
- （2F）便便博物館東京：一個以「大便」為主題、展現豐富多彩世界的博物館。
- （5F）TYFFONIUM：一個比VR（虛擬實境）更先進嘅次世代MR（混合實境）的遊樂設施，讓人沉浸於各種虛擬現實世界中。
- （5F）Little Planet：以培養兒童想像力和創造力，提供各種體驗式遊戲的主題樂園。
- （6F）ROUND1 STADIUM：可享受各種運動、卡拉OK、街機遊戲等豐富多彩娛樂活動的複合施設。
- （7F）THE GUNDAM BASE TOKYO：劃分購買、組裝、觀賞、學習等四個區域，讓全球高達模型愛好者都可以盡情享受高達世界樂趣的官方高達模型綜合設施。
購買各類門票
【klook】
▶東京便便博物館門票
▶東京台場購物廣場兒童光影遊樂場（Little Planet DiverCity Tokyo Plaza）門票
【kkday】
AQUA CiTY ODAIBA：購物、娛樂、神社祈求好運一應俱全的商業設施
「AQUA CiTY ODAIBA」係一個可以欣賞自由女神像和彩虹大橋嘅商業設施。購物區擁有約60間店鋪，提供休閒時尚、雜貨、玩具等商品，而美食區則能品嚐多種類型嘅美食。娛樂設施亦非常豐富。於複合電影院，有3面投影嘅「ScreenX」、體感型4DX®影音系統，以及擁有極佳音響體感嘅「FLEXOUND™」豪華座椅，能盡情享受睇電影樂趣。另外，位於海邊甲板嘅「LOVE」紀念碑，可以連埋背景嘅自由女神像和彩虹大橋影返張靚相，係推薦嘅打卡景點喔。
推薦設施一覽
- （4F）TOKYO LEISURELAND：提供擺放著各種人氣動漫和迪士尼角色等商品嘅夾公仔機和貼紙相機等娛樂設施。
- （5F）東京拉麵國技館 舞：匯聚6間日本國內國外皆受歡迎拉麵名店的拉麵主題樂園。
- （7F）AQUA CiTY ODAIBA神社：由東京十大神社之一「芝大神宮」的御神靈分靈而來，歷史悠久的神社。
台場海濱公園：沙灘、夜景、影紀念相，魅力滿載的公園
台場海濱公園位於東京灣畔，當中著名嘅打卡景點有「空中走廊」（スカイウォーク）以及其中聳立嘅自由女神像。「空中走廊」連接著來往淺草、豐洲等地嘅水上巴士站，方便遊船之旅結束後，順路到台場觀光。
公園內有約800米長嘅人工沙灘「台場海灘」（おだいばビーチ）。海灘對面嘅「海洋屋」（マリンハウス）係觀賞夜景嘅好地方，可以喺度欣賞到彩虹大橋夜景。
TELECOM CENTER展望室：彩虹大橋等東京夜景超級浪漫！
「TELECOM CENTER」21樓設有觀景室，從99米高處可以俯瞰整個東京都區。白天雖然美麗，但小編最推薦嘅係晚上浪漫夜景。呢個地方被認定為日本夜景遺產，可以欣賞到東京鐵塔、東京晴空塔®、新宿中心、品川碼頭等風景嘅浪漫夜景。另外，呢度亦係台場地區舉辦煙花大會、欣賞新年初日出嘅知名景點喔！
大江戶溫泉物語、palette Town、VenusFort等已閉館...有關台場地區已關閉的景點
2021年大江戶溫泉物語閉館後，各個設施亦相繼關閉。曾為台場代表性存在嘅綜合設施——palette Town地區嘅設施亦於2022年8月關閉。預計將會喺2025年秋季，以全新面貌「TOKYO A-ARENA」（臨時名稱）華麗登場。
已關閉設施一覽（閉館日期）
- 東京台場 大江戶溫泉物語：2021年9年5日
- MEGA WEB：2021年12月31日
- Zepp Tokyo：2022年1月1日
- VenusFort ：2022年3月27日
- Palette Town摩天輪：2022年8月31日
- TeamLab Borderless：2022年8月31日
東京台場地區舉辦的煙花大會
台場地區每年12月週六晚上7點起會舉辦歷時5分鐘嘅「台場彩虹煙花」（※2022年為期3年後再次舉辦）。彩虹橋嘅燈光搭配上夜晚煙花匯演，既浪漫又吸睛。
至於大型煙花大會方面，相關單位現正在考量會否重新舉辦自2016年以來停辦嘅夏季煙花大會「東京灣大華火祭」喔。
有明地區：東京迷你世界博物館、有明花園等新景點
從御台場海濱公園站乘搭百合海鷗線約10分鐘即可抵達有明地區，除咗有東京國際展示場，近年來亦發展唔少大型商業設施和主題樂園。以下落嚟，小編會介紹有明地區嘅新景點。
觀光景點推薦
- 有明花園：一個擁有約200間商店、酒店、餐廳等嘅大型綜合設施。當中，3,000平方米嘅天然溫泉「天空之湯 有明花園」內，可享受八種多樣化嘅溫泉浴池、岩盤浴和美食等等。
- 東京迷你世界博物館（small worlds miniature museum）：亞洲最大型嘅動感迷你模型博物館，擁有八個不同主題區域，讓人盡情享受不同嘅世界觀。喺福音戰士嘅儲藏庫區域，三位福音戰士按指令啟動，相當過癮。第三新東京市區域則受到使徒襲擊而被迫進入地底，將動畫世界真實再現。除此之外，關西國際機場區域嘅飛機、太空中心嘅太空梭發射亦係必睇位。
購買門票
【kkday】
豐洲地區：除豐洲市場，仲有teamLab Planets TOKYO DMM！
從御台場海濱公園站乘搭百合海鷗線約15分鐘即可到達。有豐洲市場和大型商業設施等，係一個正在進行大規模開發嘅地區。以下落嚟，會介紹豐洲地區嘅推薦景點。
觀光景點推薦
- 豐洲市場：日本最大規模嘅批發市場，販售海產、新鮮蔬果等。市場內有39間餐廳提供壽司、天婦羅等美食。可以參觀市場，亦可以品嚐市場內美食。
- 都市船塢LaLaport TOYOSU：匯集超過210間，包括休閒服飾、高級品牌服飾、家電、餐廳等店鋪的大型商業設施。當中有提供兒童職業體驗，大受歡迎嘅主題樂園「KidZania東京」。
- teamLab Planets TOKYO DMM：由藝術團隊teamLab打造，以數碼技術為基礎嘅互動型體感博物館。可以赤腳進入、在水中漫步、與光影戲耍，盡情享受與作品融為一體嘅樂趣。
※展覽期限至2023年底。
購買門票
【klook】
▶東京豐洲 teamLab Planets TOKYO 門票
【kkday】
東京各地去台場的主要交通方式&景點最近車站資訊
從東京其他地方去台場地區嘅電車有百合海鷗線和臨海線。
每條路線都有提供一日乘車券，喺一日內無限次任搭，可以利用優惠價格遊覽各個景點！
新交通百合海鷗號（東京臨海新交通臨海線）
- 從東京各地出發的轉車站：新橋站 或 汐留站
- 一日乘車券（適用於百合海鷗號全線）：成人820日圓，兒童410日圓
主要停車站：
地區 | 停車站 | 周邊觀光景點（從車站步行所需時間） |
| 台場 | 御台場海濱公園站 | DECKS東京Beach（2分鐘）、台場海濱公園（步行3分鐘） |
| 台場 | 台場站 | DiverCity Tokyo Plaza（5分鐘）、AQUA CiTY ODAIBA（1分鐘） |
| 台場 | 遠程通信中心站 | TELECOM CENTER展望室（落車即可抵達） |
| 有明 | 有明網球之森站 | 東京迷你世界博物館（3分鐘）、有明花園（3分鐘） |
| 豐洲 | 市場前站 | 豐洲市場（落車即可抵達） |
| 豐洲 | 新豐洲站 | teamLab Planets TOKYO DMM（1分鐘） |
購買門票
【kkday】
臨海線（東京臨海高速鐵道）
從東京各地出發的轉車站：大崎站 或 大井町站
- 一日乘車券（臨海線全線）：成人730日圓，兒童370日圓
主要停車站：
| 地區 | 停車站 | 周邊觀光景點（從車站步行所需時間） |
| 台場 | 東京電訊站 | DECKS東京Beach（5分鐘）、DiverCity Tokyo Plaza（3分鐘）、AQUA CiTY ODAIBA（6分鐘） |
| 有明 | 國際展示場站 | 有明花園（6分鐘） |
Comments