東京繁華都市之一，澀谷，係全球著名嘅旅遊目的地，每年都吸引著大量遊客特地前往。澀谷站周邊有多個引人入勝嘅景點，當中包括「澀谷十字路口」和「澀谷中心街」等，係一個無論去幾多次都唔會厭嘅旅遊勝地。
今次，小編為大家網羅前往澀谷站嘅交通方式、周邊必訪景點等資訊。計劃行程時，不妨先參考本文資訊啦。
從東京都、關東近郊去澀谷站的方法
首先了解一下，從東京都內主要車站及關東近郊前往澀谷站嘅交通方式。
目前，共有4間鐵路公司提供9條路線進入澀谷車站。無論從池袋、新宿，台場、上野、淺草等人氣旅遊勝地都可以直達，所以從東京市內各地前往澀谷嘅交通都好方便。
另外，亦有多條連接大宮、川越（埼玉縣）以及鎌倉、橫濱（神奈川縣）等地嘅直通路線，作為去東京周邊近郊景點嘅轉車站都可謂非常方便！
從東京都內、關東近郊去澀谷車站的交通方式
鐵路公司 | 路線 | 車站編號（*1） | 月台位置 |
| JR東日本 | 山手線 埼京線 湘南宿線 | JR20 JA10 JS19 | 2F |
| 京王電鐵 | 井之頭線 | IN01 | 1F |
| 東京Metro | 銀座線 半藏門線 副都心線 | G01 Z01 F16 | 3F |
| 東急電鐵 | 田園都市線 東橫線 | DT01 TY01 | B3F B5F |
然而，「澀谷站」並非一個簡單嘅車站，皆因各鐵路路線嘅月台分佈於B5F（地庫5樓）至3F（3樓），且檢票口（即閘口、日文為改札口）和出口亦唔一樣，其複雜嘅站內結構更被形容為「迷宮」或「地下城」添！
為避免出錯閘口或出口而迷路，事先根據要前往嘅目的地，查明相關閘口和出口係非常重要㗎。
*1：每個車站皆設有由兩個字母路線代碼和兩位數嘅車站編號組合。各鐵路公司導入此車站編號組合制度嘅目的係希望訪日旅客以及任何人都可以輕易理解轉車、落車嘅車站。
相關文章
從成田國際機場、羽田機場去澀谷地區的交通方式
若要從成田國際機場或羽田機場前往澀谷，除咗搭電車之外，仲可以選擇乘搭機場巴士。當要攜帶大型行李移動時，機場巴士係一個唔錯嘅選擇。
從成田國際機場出發
| Limousine Bus・東急巴士 | Low Cost Bus（LCB）（*1） | JR Narita Express（N'EX） | 京成Skyliner＆JR山手線 | |
路線、最短所需時間 | 成田機場第3航站樓 ↓約5分鐘 成田機場第2航站樓 ↓約5分鐘 成田機場第1航站樓 ↓約1小時35分鐘 澀谷站（Shibuya Fukuras） ↓約5分鐘 Cerulean Tower Tokyu Hotel（*2） ↓約5分鐘 Shibuya Mark City（Shibuya Excel Hotel Tokyu）（*2） *2：僅限Limousine Bus停站 | （左側同樣） | 成田機場站（成田第1航站樓） ↓約3分鐘 機場第2候機樓站（第2、3航站樓） ↓約71分鐘 JR澀谷站 | 成田機場站（成田第1航站樓） ↓約3分鐘 機場第2候機樓站（第2、3航站樓） ↓約36分鐘 JR日暮里站 ↓約28分鐘 JR澀谷站 |
一般票價（兒童半價） | 3,200日圓 | 1,900日圓 | 【普通車廂】3,250日圓 | 2,780日圓 |
| 官方網站 | https://webservice.limousinebus.co.jp/web/ | https://www.tokyubus.co.jp/airport/easylim-shibuya.html | https://www.jreast.co.jp/multi/nex/ | http://www.keisei.co.jp/keisei/tetudou/skyliner/jp/ |
*1：乘客自行處理行李裝卸等，服務經簡化嘅廉價高速巴士 。
從羽田機場出發
| Limousine Bus・東急巴士 | 京急電鐵＆JR山手線 | 東京Monorail＆JR山手線 | |
| 路線、最短所需時間 | 羽田機場第3航廈 ↓約10分鐘 羽田機場第2航廈 ↓約5分鐘 羽田機場第1航廈 ↓約34分鐘 澀谷站（Shibuya Fukuras） ↓約5分鐘 Cerulean Tower Tokyu Hotel ↓約5分鐘 Shibuya Mark City（Shibuya Excel Hotel Tokyu） | 羽田第1、第2航廈 ↓約2分鐘 羽田第3航廈 ↓約12分鐘 JR品川站 ↓約13分鐘 JR澀谷站 | 羽田第2航廈 ↓約1分鐘 羽田第1航廈 ↓約3分鐘 羽田第3航廈 ↓約13分鐘 JR濱松町站 ↓約18分鐘 JR澀谷站 |
| 一般票價（小童半價） | 1,100日圓 ※深夜早晨時段收費為2,200日圓 | 480日圓 | 710日圓 |
| 官方網站 | https://www.keikyu-bus.co.jp/airport/h-shibuya/ | https://www.keikyu.co.jp/ | http://www.tokyo-monorail.co.jp/ |
澀谷站周邊觀光景點5選
澀谷觀光必去5個經典景點介紹。
八公前廣場、忠犬八公像
講到澀谷具代表性嘅地標，不得不提於JR澀谷車站八公口附近「八公前廣場」嘅「忠犬八公像」。另外，呢度經常被用作為「等人」嘅地方，更吸引唔少觀光客到此打卡影相留念。
而對面就係觀光諮詢處「SHIBU HACHI BOX」。
- 地址：東京都澀谷區道玄坂2-1
- 最近出口：JR線八公口、地下鐵各線A8出口
澀谷十字路口
位於忠犬八公像前方，係被譽為全球人流最繁忙嘅十字路口「澀谷十字路口」。呢度有5條連接著道玄坂和澀谷中心街嘅斑馬綫，當紅綠燈變換時，行人們齊步走動，場面相當熱鬧。高峰時，更有約3,000人穿梭其中，情景令人驚嘆！
- 地址：東京都澀谷區道玄坂下
- 最近出口：JR線八公口，地下鐵各線A12出口
相關文章
澀谷中心街
穿過澀谷十字路口，會見到東京最繁華嘅地區之一,以拱形招牌為其標誌嘅「澀谷中心街」。喺主要街道上，有多間居酒屋、拉麵店、卡拉OK、快餐店等各式各樣嘅餐飲店。
- 地址：東京都澀谷區宇田川町
- 最近出口：JR線八公口，地下鐵各線A6a、A6b出口
摩艾像
繼忠犬八公像，「摩艾像」亦經常被用作為「等人」地方。於1980年由伊豆群島、新島村為紀念東京都移管100週年，作為禮物贈送予澀谷區。「摩艾像」有著外表為年輕人面容，背面為老人面容嘅設計，相當引人注目！
- 地址：東京都澀谷區道玄坂1
- 最近出口：JR線西口，地下鐵各線A2出口
SHIBUYA SKY（SHIBUYA SCRAMBLE SQUARE 14F～46F ）
位於海拔229米處嘅展望設施「SHIBUYA SKY」可360度俯瞰東京城市美景。天氣晴朗時，可以一覽東京鐵塔、東京晴空塔®、富士山嘅壯麗景色。喺46樓「SKY EDGE」仲可以拍攝到彷如漂浮於高樓大廈上嘅獨特照片添！
- 地址：東京都澀谷區澀谷2-24-12
- 最近出口：JR線東口，地下鐵各線B6出口
- 官方網站：https://www.shibuya-scramble-square.com/sky/
相關文章
澀谷站周邊推薦購物景點、商業設施5選
澀谷一直都以作為時尚和文化先鋒而聞名，當中，最新潮流動向可以喺以下5個地方搵得到！
SHIBUYA109
1979年開業嘅「SHIBUYA109」，集結多種年輕人喜愛物品，更被譽為「Young Fashion」（年輕人潮流）之聖地。以年齡介乎於10幾至20幾歲嘅女性為目標客群，提供多個時尚品牌商品，更匯聚超過100間服飾店、咖啡店、餐廳等。「SHIBUYA109」被日本人簡稱為「MaruKyuu」(マルキュー)，深受大家喜愛。
- 地址：東京都澀谷區道玄坂2-29-1
- 最近出口：JR線八公口，地下鐵各線A2出口
- 官方網站：https://www.shibuya109.jp/
MIYASHITA PARK（宮下公園）
位於澀谷地區和原宿、表參道地區中間位置嘅「MIYASHITA PARK」。由商業設施「RAYARD MIYASHITA PARK」、屋頂公園「澀谷區立宮下公園」和都市型酒店「sequence MIYASHITA PARK」所組成。
- 地址：東京都澀谷區神宮前6-20-10
- 最近出口：JR線宮益坂口，地下鐵各線B1出口
- 官方網站：https://www.miyashita-park.tokyo/
相關文章
- 【東京澀谷】MIYASHITA PARK：匯集美食、酒店、商店和公園的人氣景點
- 【東京澀谷】MIYASHITA PARK 推薦店舖6選：手信＆美食全攻略！
【日本東京】全國制霸不是夢？！24小時全年無休 「澀谷橫丁」一次過食盡日本各地美食
MEGA唐吉訶德澀谷本店
「MEGA唐吉訶德澀谷本店」係綜合折扣店「唐吉訶德」（香港稱為「DON DON DONKI」，）所開設嘅店鋪，提供約8萬至10萬件商品。店內從B1F到7F，皆有提供零食、酒品、化妝品、醫藥品、手信等豐富商品。並支援免稅服務，且24小時營業。
- 地址：東京都澀谷區宇田川町28-6
- 最近出口：JR線八公口，地下鐵各線A2出口
- 官方網站：https://www.donki.com/store/shop_detail.php?shop_id=442
相關文章
SHIBUYA STREAM
「SHIBUYA STREAM」係與澀谷站直通嘅複合設施，有咖啡店、餐廳、酒店等。1F至3F設有拉麵店、咖啡店、燒肉店、和食店等，1F廣場亦會不定期舉辦各種活動。
- 地址：東京都澀谷區澀谷3-21-3
- 最近出口：JR線新南口，地下鐵各線C2出口
- 官方網站：https://shibuyastream.jp/
澀谷PARCO
集結約190間店鋪，作為文化發信基地嘅「澀谷PARCO」擁有流行時尚商品之餘，亦可以購買得到具代表性嘅日本遊戲、漫畫角色等相關商品。B1F和7F嘅餐廳區域，絕對係鐘意日本料理人士嘅不二之選！
- 地址：東京都澀谷區宇田川町15-1
- 最近出口：JR線八公口，地下鐵各線A6c出口
- 官方網站：https://shibuya.parco.jp/
相關文章
澀谷站周邊經典活動3選
澀谷站周邊每年都舉辦著眾多活動，小編以下落嚟會介紹其中3個大型活動。
※文章情報根據最近期舉辦資訊所撰寫。
澀谷站前的倒數活動
自2016年開始，每年（*2）除夕都會舉行澀谷站前倒數活動。當時間接近新嘅一年，圍繞著澀谷十字路口嘅大型顯示屏幕中，便會顯示出倒數計時器，皆時現場氣氛會變得超級高昂！每年有超過10萬人參與，成為東京年末年始嘅特色活動之一！
*2：活動於2020年~2022年為避免疫情擴散等原因而停辦
相關文章
澀谷萬聖節
每年10月31日或接近萬聖節嘅週末晚上，澀谷站前會湧現裝扮著警察、魔女、漫畫和動漫角色等各種Cosplay（角色扮演）人士。唔少夜總會、酒吧亦會舉辦萬聖節活動，整個城市彷彿成為一場「Cosplay大會」。
相關文章
青之洞窟 SHIBUYA
每年例行於11月底至12月底舉辦嘅燈光藝術活動，名為「青之洞窟 SHIBUYA」。喺澀谷公園通往代代木公園銀杏大道長約800米街上，透過約60萬個藍色LED燈泡，營造出夢幻空間。
澀谷站周邊仲有好多值得一遊的好去處！
雖然喺澀谷站附近範圍，已經有好多觀光樂趣，不過從車站步行約10分鐘嘅地方仲有其他不可錯過嘅好去處。例如，有著多個畫廊和咖啡店嘅奧澀谷，以及以街頭時尚聞名嘅貓街（Cat Street）等，亦係值得朝聖嘅好地方。如果有時間，不妨稍微行遠少少，去澀谷其他區域探索一番吧！
Comments