現時，東京澀谷正在進行一個被稱為「百年一度」嘅再開發項目，附近正進行新與建築和重建工程。澀谷站內外環境與疫情前相比已經產生巨大變化，交通得到唔少改善和變得方便。小編今次重新整理，為大家分享最新澀谷交通攻略，當中包括於澀谷站可乘搭嘅電車路線，以及最新閘口（改札口）和出口等資訊。
最後仲有方便大家喺東京周遊一日嘅優惠車票推介，希望大家可以利用今次介紹嘅實用資訊，好好享受東京&澀谷之旅喔！
澀谷站可乘搭的電車路線一覧
澀谷站有「JR東日本」、「東京Metro」、「東急電鐵」、「京王電鐵鐵道」等多條路線可以乘搭。有關各路線詳細資訊，請參考以下一覽表。
| 鐵路公司 | 路線 | 區間 | 人氣觀光景點停車站 |
| JR東日本 | ① 山手線 | 大崎站～大崎站 | 原宿、新宿、池袋、上野、秋葉原、東京、品川等 |
| ② 埼京線 | 大崎站～大宮站 | 新宿、池袋、赤羽、大宮等 | |
| ③ 湘南新宿線 ※ | 小田原站～高崎站/ 逗子站～宇都宮站 | 小田原、藤澤（江之島）、橫濱、新宿、池袋、赤羽、大宮等/ | |
| 東京Metro | ① 銀座線 | 澀谷站～淺草站 | 表参道、青山一丁目、銀座、上野和淺草等 |
| ② 副都心線 | 澀谷站～小竹向原站 | 明治神宮前〈原宿〉站、新宿三丁目站、池袋站等 | |
| ③ 半藏門線 | 澀谷站～押上站 | 表参道站、青山一丁目站、押上站等 | |
| 東急電鐵 | ① 東横線 | 澀谷站～橫濱站 | 代官山、中目黑、自由之丘、橫濱等 |
| ② 田園都市線 | 澀谷站～中央林間站 | 三軒茶屋、二子玉川等 | |
| 京王電鐵 | ① 井之頭線 | 澀谷站～吉祥寺站 | 下北澤、吉祥寺等 |
※請注意，湘南新宿線根據普通、快速、特別快速等不同列車種類，其起點、終點和停車站亦會有所不同。
澀谷站有4間鐵路公司共9條路線嘅電車通過。主要於東京都23區內行駛，但亦可到達鄰近縣市，如埼玉縣大宮，仲有神奈川縣人氣觀光景點橫濱、鎌倉、以溫泉和城堡聞名嘅小田原等地。
然而，即使同樣叫做「澀谷站」，要特別注意唔同路線會有唔同嘅閘口（改札口）和月台，有時亦會需要出閘，先可以去到另一條路線閘口嘅情況出現㗎。
仲有要留意路線嘅「直通行駛」。直通行駛係指，跨越不同鐵路公司嘅路線運行嘅列車。因此有時乘客無需轉車，都可直接抵達目的地。停靠澀谷站嘅直通行駛路線就有「東京Metro的副都心線與東急電鐵的東橫線」，「東京Metro的半藏門線和東急電鐵的田園都市線」。
另外，即使喺同一個車站月台上，所開出嘅電車車種都可能會唔同，例如每一站都會停車嘅「普通列車」、會飛站停車嘅「快速列車」和「特急列車」等。因此，去到月台都唔係每一架車可以去到想去嘅目的地，上車前要再一次確認好列車種類，以免搭錯車喔！特別係JR埼京線、JR湘南新宿線、東京Metro副都心線、東急東橫線、東急田園都市線、京王井之頭線等路線要特別小心！
澀谷站出邊個出口先好？各路線閘口和出口全攻略
澀谷站有多條電車路線錯綜複雜，閘口和出口亦非常多，令人好容易盪失路。有見及此，小編整理咗各路線嘅閘口和出口，以及附近觀光景點資訊。希望大家睇完以下介紹，可以掌握好有關閘和出口等資訊，令你嘅澀谷之旅變得更輕鬆愉快！
JR澀谷站
| 閘口（改札口）、出口 | 附近景點 |
| 忠犬八公改札口（八公口、宮益坂口） | （八公口）八公廣場、澀谷站前十字路口、澀谷中央街、SHIBUYA109、（宮益坂口）MIYASHITA PARK |
| 中央改札口 | SHIBUYA SCRAMBLE SQUARE、澀谷Mark City |
| 南改札口（東口、西口） | （東口）SHIBUYA SCRAMBLE SQUARE、（西口）澀谷FUKURAS |
| 新南改札口（新南口） | 澀谷STREAM |
「JR澀谷站」係澀谷站嘅象徵性建築，主要有4個閘口和5個出口。當中最多人用嘅係容易通往人氣旅遊景點嘅「八公改札口」。對於容易盪失路嘅人嚟講，建議可以先去「八公改札口」出閘後再搵觀光景點。
東急電鐵和東京Metro澀谷站
| 閘口（改札口）、出口 | 周邊景點 |
| A0-A8、A12出口（A區域） | 澀谷站前十字路口、澀谷中央街、SHIBUYA109，澀谷Mark City |
| B1-B7出口（B區域） | SHIBUYA SCRAMBLE SQUARE，澀谷HIKARIE，MIYASHITA PARK |
| C1-C3出口（C區域） | 澀谷STREAM |
| D區域 | 整頓中（2023年2月） |
東急電鐵和東京Metro嘅澀谷站有重疊嘅「直通行駛」路線，因此擁有共通月台和閘口。
東急電鐵和東京Metro嘅澀谷站地下出口，配合澀谷大規模再開發計劃，從原先只有數字嘅標示，變成A、B、C、D，4個區域再加上數字嘅組合標示。例如，八公廣場嘅出入口從「8」變成「A8」，澀谷Hikarie嘅出口從「15」變為「B5」等等。
因此，當你落車後，只要跟車站內指示牌搵相應嘅英數字出口就可以輕鬆地抵達目的地啦。
回程時，亦可以從澀谷站前十字路口周邊嘅「SHIBUCHIKA」出入口進入，再按照指示牌上嘅指示去各路線嘅閘口。
京王澀谷駅
| 閘口（改札口）、出口 | 周邊景點 |
| 中央口 | 澀谷 Mark City EAST MALL (2F)、澀谷站前十字路口 |
| 西口 | 澀谷 Mark City WEST MALL (1F) |
| Avenue 口 | 澀谷 Mark City WEST MALL (4F) |
京王井之頭線嘅澀谷站，直通集結購物中心、酒店、巴士總站等配套嘅複合商業設施「澀谷Mark City」。出口分別位於澀谷Mark City 內外3個地方，但建議容易盪失路嘅人，可以從「中央口」出閘，搭左側扶手電梯落一層，澀谷站前十字路口就在眼前，比較易搵路。
經澀谷周遊東京必備！東京都内全日任搭超值車票3選
澀谷站係JR各路線與東京Metro各路線等主要車站。只要轉乘唔同路線，就可以去到東京都內各個地方觀光。以下落嚟，小編會介紹3款全日無限任搭嘅超值車票！可以網上訂購或於澀谷站內購買，所以如果你下個日本之旅會去澀谷嘅話，就千祈唔好錯過咁抵搭嘅超值車票啦。
東京Metro 24小時券（範本)（左：預售券，右：即日券）
照片由東京Metro提供
Tokyo Subway Ticket（範本）
照片由東京Metro提供
| 名稱 | 上落車任搭適用區間 | 有效期間 | 金額 |
| 東京Metro24小時券 | ・東京Metro所有路線 | 從使用開始起 僅限24小時有效 | 大人：600日圓 小童：300日圓 |
| Tokyo Subway Ticket（24小時、48小時、72小時3種類可選） | ・東京Metro所有路線 ・都營地下鐵所有路線 | 從使用開始起僅限24小時/48小時/72小時有效 | 大人：800日圓，1,200日圓，1,500日圓 |
| 東京環游通票（東京フリーきっぷ） | ・東京Metro所有路線 等等 | 只限使用當天有效（從頭班車至尾班車） | 大人：1,600日圓 |
Comments