位於東京上野同淺草之間嘅合羽橋道具街（河童道具街）有百年以上歷史。烘焙器具、餐具、廚房設備、所有產品都一應俱全。呢度係聚集咗170間專賣店，成為日本第一嘅批發街。一啲平時好難入手、比較特別嘅器具，或者要訂造等幾個月先到手嘅器具，呢度都可以買得到！日本呢度係全世界廚師都深信可以尋到寶嘅好地方嚟㗎。
合羽橋道具街（河童道具街）
距離田原町車站路程約五分鐘，就會見到有一個大廚師雕像, 由呢度分別延伸至南面同北面, 總共約800米長嘅商店街就係合羽橋道具街喇。店家有免費發放WiFi載點, 利用免費WiFi去下載英文版「Handy Shop Guide」就可以輕鬆去行街喇。Let'sGo！由南口行到北口約有800米長嘅合羽橋商店街度, 有菜刀, 日式餐具、烘焙道具等等專賣店，亦都有近年來好受歡迎嘅日本製平底鍋或者Nambu鐵水壺。每間鋪頭都有擁有知識豐富嘅資深員工，有啲仲識用英文答你問題添，歡迎向佢哋查詢呀。
如果喺同一間店買滿5,000日圓以上仲可以去商店街嘅北面辦理一次免稅手續添。另外仲有個叫「Smart Refund」嘅送貨服務可以送貨到海外、到酒店、到機場都得，需要嘅人記得去問吓喇。
此外，每年10月都會舉辦合羽橋道具祭典, 嗰時會有好多特價貨品，亦吸引咗好多人嚟, 相當熱鬧。
景點資訊
- 道具街（河童道具街）
- 地址：〒111-0036台東區松谷3-18-2
- 交通方式：都營淺草線「淺草站」徒步13分鐘。東京Metro銀座線「田原町站」徒步約5分鐘。東京Metro日比谷線「入谷站」徒步6分鐘
喺合羽橋道具街買把菜刀刻上自己嘅名啦！
菜刀都有分日式菜刀同洋式菜刀兩個種類，日式菜刀根據食材嘅煮法，而產生出唔同種類嘅刀，所以就無洋式菜刀咁萬用。新手嘅話會建議用洋式菜刀。喺巴黎都有分店嘅釜淺商店有賣菜刀同鍋具、好有人氣嘅Nambu鐵器都有賣。另外都會定期舉辦教授令菜刀襟用啲嘅磨菜刀課程。
喺KATAMA刃研社入面有層壓鋼材料去製作出精美圖案嘅菜刀。當中Damascus鋼刀係非常受歡迎嘅。買嗰時記住刻個中文名上去啦。
景點資訊
- KATAMA 刃研社
- 地點：〒111-0036 東京都台東區松谷2-12-6
- 交通方式：東京Metro銀座線「田原町站」步行8分鐘
集合全日本嘅陶瓷！喜歡器具嘅人一定要去合羽橋選購！
南口有一間專賣日式器具嘅「田窯」, 入面擺滿美濃、有田、信樂、九谷、益子等全日本製作嘅陶器，因為係直接向製造嘅地方拎貨, 所以比平時其他地方賣嘅平。仲有其他好可愛嘅筷子架等等做手信都好呀。陶庵YABUKITA有賣美濃燒、有田燒、古伊萬里、九谷燒等等日式餐具, 仲有好多豐富嘅漆器、玻璃製品、竹製品等二千多種類以上嘅時尚餐具添。
景點資訊
- 陶庵YABUKITA
- 地址：〒111-0035東京都台東區西淺草1-4-8
- 交通方式：東京Metro銀座線「田原町站」徒步4分鐘。都營淺草線「淺草站」徒步約12分鐘
喺合羽橋製作食物樣板
近年嚟多咗唔少針對外國旅客而提供製作食物樣板體驗嘅店舖。元祖食物樣板店「Iwasaki-bei」入面嘅商品全部都係啲達人親手製作，就連好細小嘅樣板都係人手精心製作。而樣板製作體驗就可以俾你試吓用蠟去製作天婦羅同生菜等等食物樣板。
景點資訊
- Iwasaki-bei合羽橋Showroom
- 地址：〒111-0035東京都台東區西淺草3-7-6
- 交通方式：東京Metro銀座線「田原町站」徒步4分鐘。都營淺草線「淺草站」徒步約12分鐘
合羽橋基本資料
店舖有發放免費WiFi載點可以下載英文版觀光指南「Handy Shop Guide」，入面有介紹唔同種類嘅商店。所以行之前最好先下載呢個指南。另外, 因為呢度係批發街, 所以要小心唔係間間店都可以用信用卡㗎！亦要注意禮拜日有好多店舖都會休息。通常啲店都係由9點開到下午5點，建議盡早出門就唔怕錯過啦。
Comments