長野縣山之内嘅「地獄谷野猿公苑」係一個可以欣賞「日本獼猴」（馬騮）浸溫泉嘅雪猴公園。地獄谷野猿公苑喺1964設立，自古以來，呢度都有好多馬騮群聚生活，可以畀大家近距離觀察馬騮嘅生態原貌。冬天時，仲可以睇到馬騮享受浸溫泉嘅得意，因此吸引咗日本國內外大批遊客嚟一睹風采。
地獄谷野猿公苑
「地獄谷野猿公苑」位於長野縣北部山之內町嘅山谷內，喺呢個公園內，遊客可以觀察到日本獼猴（馬騮）嘅原始生態。呢片海拔850米嘅土地一年約三分之一時間都被雪覆蓋著，由於陡峭嘅懸崖及溫泉熱辣辣嘅蒸汽加埋一齊嘅景象而被稱為「地獄谷」。地獄谷野猿公苑於1964年設立，而日本獼猴一直以來都聚集喺呢度生活，各位可以到此近距離觀察馬騮生態，因此吸引咗全世界各地嘅遊客慕名前來，特別係冬天時馬騮享受浸溫泉嘅景象真係超級可愛又治癒！
觀賞「馬騮浸溫泉」注意事項
講到地獄谷野猿公苑嘅特色，就梗係睇馬騮好嘆咁浸溫泉嘅奇景啦！雖然浸溫泉係猿猴冬天避寒嘅方法之一，但唔代表去到就一定會見到佢哋浸喺溫泉㗎，尤其係喺溫暖季節時就唔多會浸，所以想夏天去睇奇景嘅人就要小心有機會睇唔到。而且地獄谷野猿公苑嘅馬騮係野生動物，就算喺開園時間去到都唔一定見到佢哋。特別係秋天時，馬騮嘅行動更不可預測。要注意嘅係，地獄谷野猿公苑內禁止拎自拍棍影相。另外，由於園內嘅溫泉唔係畀人用嘅溫泉設施，所以係唔可以同馬騮一齊浸㗎～！
地獄谷野猿公苑參觀資訊
公苑營業時間為夏季（4月至10月）08:30～17:00，冬季（11月至3月）09:00～16:00，全年無休。以上營業時間僅供參考，實際營業時間同期間會根據天氣、季節、馬騮嘅行動等而可能有所變動。入園費用方面，大人（18歳以上）係800円、小童（小學生至中學高中生）400円。未滿6歳小童免費入園。
出發去地獄谷野猿公苑嘅交通方式
從東京出發嘅話，喺「東京站」搭北陸新幹線（約79分鐘），到「長野站」落車，轉搭長野電鐵特急（約38分鐘），於「湯田中站」落車。再搭巴士（約15分鐘），喺「上林溫泉」落車，步行約35分鐘就可以抵達「地獄谷野猿公苑」～
景點資訊
- 景點名產：地獄谷野猿公苑
- 地址：長野縣下高井郡山之内町大字平穩6845
- 交通方式：於湯田中站乘搭巴士（約15分鐘），喺「上林溫泉」落車，步行約35分鐘
- 有無提供Wi-Fi :無
- 對應語言：僅限日文
- 購票方式：當地購票處
- 可否使用信用卡：不支援
Comments