擁有日本最古老五重天守閣（即日本城堡中最高、最主要嘅部分）嘅松本城，係一座唔止外觀，內部都有好多睇頭嘅日本城堡。天氣晴朗時，天守閣嘅黑白色對比特別明顯，更顯莊嚴。背後有北阿爾卑斯山，加埋藍天白雲襯托下，更靚到好似一幅畫咁！喺呢篇文章入面，就等我哋介紹松本城嘅魅力同有歷史性嘅天守閣啦。
松本城作為歷史文物方面相當出名！
松本城係經歷6家武將作為城主嘅城堡。松本城嘅象徵，五重天守，係由1590年至1613年間為城主嘅石川數正、康長親子所建造。而「月見櫓」同「辰巳附櫓」（日本城堡當中其中一部份嘅建築）嘅增建，則係喺松平直政作為城主嘅1633年左右。明治時代之後，雖然一度有被拆卸嘅危機，但受到松本當地人嘅守護下，喺1952年，日本政府將松本城嘅天守群指定為國寶。而呢度嘅天守群包含「大天守」、「乾小天守」、「渡櫓」、「辰巳附櫓」及「月見櫓」呢五棟建築物。
日本國寶松本城嘅推薦看點
美麗黑白色對比嘅松本城
松本城天守嘅外壁塗嘅黑色同白色，其實係為咗要似當時嘅掌權者 豐臣秀吉嘅城堡—大阪城嘅外觀而塗上嘅配色。此外，塗黑漆更有助排雨水嘅作用。但自此之後，就唔可以再用呢個配色興建城堡，所以現存呢個風格嘅城堡就只剩松本城。
從松本城外觀睇唔出內部有幾多層？
戰國時代時興建嘅堅固天守閣內，有可以射箭或發射鐵砲嘅「狹間」，亦有可以從高處推大石落下等作為戰鬥嘅簡單功能性設計。此外，大天守嘅外觀睇落係5重（即5層樓），但其實隱藏喺屋頂仲有一層，所以實際內部總共有6層樓建築。喺天守內展示各式各樣嘅出土文物。經過大天守嘅狹窄樓梯，上到頂樓後，可以睇到相當靚嘅松本景色㗎！呢個時候就可以幻想自己係古代嘅武將，去眺望呢一片景色！
為迎接三代將軍而增建嘅松本城「月見櫓」
戰國時代結束後，幕府禁止新建城堡或進行增建，所以喺江戶時代與建嘅建築當中，有天守閣或城櫓相當稀少。但係，因為松本城作為德川家康之孫—松平直政作為城主嘅時期，所以特別允許增建「月見櫓」或「辰巳附櫓」等建築。結果，松本城同其他城堡唔同，唔係喺同一個時代興建，亦唔係同樣嘅興建目的，呢個亦係松本城之所以咁出名嘅一大特色！
松本城亦係一個賞櫻名所
唔只有歷史性，松本城亦係一個好出名嘅賞櫻景點。春天時美麗嘅櫻花同宏偉嘅大天守、城櫓互相襯托之下，簡直可以講係代表咗日本之美。夜晚仲有打燈可以賞夜櫻，比起陽光下嘅莊嚴，夜晚更顯夢幻氣氛，醞釀出獨特的美。春天時去可以計劃由白天玩到夜晚，一次過欣賞唒松本城2種風景呢！
從東京去松本城嘅交通方式
如果想搭電車，可以從東京站搭新幹線去長野站，車程約95分鐘。再從長野站搭電車去松本站約52～55分鐘。如果想抬巴士，可以喺新宿高速巴士總站搭約3個鐘高速巴士走路到松本站或松本巴士總站落車都得。如果有電車周遊券嘅遊客搭新幹線比較抵，如果只從東京來回松本的話高速巴士會比較平。而松本站行去松本城約15分鐘，唔想行都可以搭周遊巴士只要約10分鐘就到。
景點資訊
- 名稱：松本城
- 地址：〒390-0873 長野縣松本市丸之內4番1號
- 交通方式：從東京站搭新幹線至長野站約95分鐘，從長野站到松本站約52～55分鐘。或從新宿高速巴士總站往松本踲高速巴士到松本站落車。從松本站徒步行約15分鐘，或搭從「松本站城口」出發嘅松本周遊巴士「Town Sneaker」約10分鐘，喺「松本城・市役所前」落車
- Wi-Fi：僅在黑門南側附近 ※市內有數十個區域可使用「Matsumoto_City_Free_Wi-Fi」無線上網（需安裝手機APP應用程式和第一次使用時需註冊）
- 語言：松本城志工導覽服務可供利用（中文、英文、法文等）
- 信用卡：無法使用
- 開放時間：08:30～17:00（最後入場時間至16:30為止）
- 門票：中學高中生或以上成人610円；中學初中生及小學生300円
Comments