長野：擁有日本數一數二豐富自然資源的內陸縣

長野位於日本本州中央嘅内陸地區，被日本阿爾卑斯等多座群山包圍。有著高原及滑雪度假村等豐富自然觀光景點，亦有眾多名產美食。

長野～前冬季奧運舉辦地點～

長野縣約8成都係山地，係日本屈指可數嘅森林地帶。長野嘅南部北部拉長，面積都好大，係全日本第四位。長野擁有適合舉行冬季運動嘅自然環境，所以曾經亦係1998年冬季奧運嘅舉辦地點。

長野擁有典型嘅內陸地區氣候。全年濕度低，一整日嘅氣溫溫差大。長野縣各地四季都有唔同特色。春季同秋季嘅天氣溫和穩定，夏季可以去有避暑勝地之稱嘅輕井澤，冬天可以去白馬或野澤溫泉浸返個靚溫泉。

長野擁有豐富自然、神社寺廟、溫泉等具魅力嘅觀光景點。今次小編就要為大家介紹推薦景點。

長野縣係日本數一數二嘅滑雪勝地。毎年一到冬季，白馬、志賀高原、野澤溫泉等滑雪場都會有大批觀光客到訪。

長野有日本國寶「松本城」及「上田城」等歷史史跡。另外仲有「善光寺」同「戸隠神社」等歷史悠久嘅神社寺廟。有機會嘅話一定要去造訪啦！

長野縣北部除咗有志賀高原滑雪度假區，仲有著名觀光景點「地獄谷野猿公苑」，可以睇到日本雪猿浸溫泉嘅樣，超可愛！

長野有信州蕎麥麵、蘋果、芥末、野澤菜、日本酒等名產美食。長野縣嘅好山好水孕育出新鮮優質農產品。除咗可以喺長野站或松本站等主要車站附近嘅日本餐廳享用名產美食，喺主要車站同機場紀念品店都可以買到當地特色手信。

觀光酒店及旅館大多集中喺長野市同松本市。另外，山岳地區有野澤溫泉同乘鞍高原溫泉等，去住喺呢啲溫泉旅館都係唔錯嘅選擇吖！

可以從東京站搭北陸新幹線去長野站，車程大約1小時50分鐘，車費為普通自由席7,680円。（截止2019年5月資訊）

另外，可以從新宿或澀谷站搭高速巴士。雖然車程需要4個鐘，但車票比新幹線平一半！