絕對唔可以錯過！3間推薦嘅高山餐廳

去高山想食當地料理、飛驒牛，仲有一啲日本必食嘅經典料理，例如蕎麥麵等等。

喺日本無論行入去邊一間餐廳，幾乎都唔會踩到地雷，品質都好好。但係難得嚟到，不如去啲當地人先知道，深受當地居民歡迎嘅餐廳試吓啦！

高山餐廳推薦3選

介紹大家3間嚟到高山必訪嘅餐廳，無論邊一間喺當地都係具有相當高人氣嘅名店，大家一定要嚟呢度品嚐一下。

1. 於高山牛肉餐廳品嚐飛驒牛「丸明」

嚟高山必食嘅「飛驒牛」可以話係肉嘅藝術品，如此高雅細緻嘅美味，令人再三回味。想食飛驒牛，推薦大家可以嚟呢間「丸明」。

丸明係一間從入貨到肉品處理都由自己一手包辦嘅專門肉店，係得專門店嘅技術先可以將飛驒牛嘅味道昇華。

餐單內容豐富，例如有天然鹽沙朗牛排，Shabu Shabu（涮涮鍋），同埋燒肉等料理，任君選擇。

而燒肉同牛排可以用餐檯嘅烤爐依自己喜好嘅口味燒烤。

從車站只需行5分鐘就到「飛驒高山店」，交通非常方便。除咗新年元旦以外，全年無休，去高山一定要嚟呢度試下飛驒牛嘅美味。

餐廳資訊

• 餐廳名稱：丸明 飛驒高山店
• 地址：歧阜縣高山市天滿町6-8
• 營業時間：11:00～21:00（LAST ORDER 20:30）
• ※營業時間依季節有所調整
• 休息日：除新年元旦，全年無休
• 交通方式：從高山站徒步約5分鐘

• 餐廳名稱：丸明 高山安川店
• 地址：歧阜縣高山市下三之町3
• 營業時間：11:00～21:00（LAST ORDER 20:30）
• ※營業時間依季節有所調整
• 休息日：星期二
• 交通方式：從高山站徒步約10分鐘

2. 高山會席料理日式餐廳「食場 城東」

嚟到高山想食日本料理，推薦你去「食場 城東」。呢度可以品嚐到以當地原產食材如飛驒牛、飛驒越光米等等所製作嘅美味料理。

別館館內仲設置炕爐（圍爐裏），更加感受到日式風情。

白米飯上擺滿飛驒牛嘅「精力充沛飛驒牛木桶丼」，仲有少見嘅樸葉味噌豬排都好受歡迎。日本傳統調味料「味噌」同充滿飛驒紫蘇芝麻香味嘅味噌豬排非常特別，大家一定要嚟試下呢道招牌菜。

另外，星期三、四會提供以當地蔬菜同魚類所煮嘅刺身配飯定食套餐，限量5份。如果星期三或四嚟到高山旅遊，不妨去碰碰運氣啦！

餐廳資訊

• 餐廳名稱：食場 城東
• 地址：歧阜縣高山市西之一色町3-1104-1
• 營業時間：
• 午餐 11:30～14:00（LAST ORDER 13:30）
• 晚餐 18:00～22:00（LAST ORDER 21:30）
  
• 休息日：星期一
• 交通方式：從JR高山本線 高山站 徒步18分鐘

3. 竹簍蕎麥 せと

「蕎麥麵」係去日本必食嘅料理之一。

分為傳統石臼同電動石臼，每日製作4種蕎麥麵。

推薦大家可以嘗試一人份嘅4種蕎麥組合，比較一下各種蕎麥麵之間嘅不同。

另外可以追加淮山、蘿蔔泥等等調味，仲有冬季限定提供嘅鴨肉竹簍蕎麥同鴨南蠻蕎麥麵。

自家製嘅蕎麥麵，係你造訪高山必食嘅料理！

餐廳資訊

• 餐廳名稱：竹簍蕎麥 せと
• 地址：歧阜縣高山市下岡本町1660-5
• 營業時間：11:00 ～ 16:00（LAST ORDER 15:30）
• 休息日：星期三
• 交通方式：從高山站徒步約20分鐘