宇都宮唔單只係栃木縣嘅縣廳所在地，仲係北關東最大嘅都市。西北面為山岳地帯，東南面為城市區。自然景點及觀光景點豐富多元。
宇都宮有咩玩？
宇都宮係以宇都宮城為中心發展而成嘅城下町。因此，市內留存「宇都宮城址」、「宇都宮二荒山神社」等各式歷史觀光景點。其他仲有美術館、博物館、遊樂園、動物園等景點。
宇都宮氣候、觀光季節
宇都宮係内陸型氣候，夏天成日行雷，但冬天寒冷。建議喺春天時去宇都宮觀光旅行。雖然春天天氣變化大，到4至5月左右天氣晴朗穩定，可以欣賞喺櫻花襯托之下嘅寺廟神社。
宇都宮觀光重點導覽
宇都宮內有眾多觀光景點，聚集喺以宇都宮站為中心嘅地區。其中有好多歷史景點。
另外，位於西北面嘅大谷都係熱門觀光景點。以火山灰等形成嘅「大谷石」、巨大嘅地下採石場遺跡、「大谷資料館」同約27米嘅石造「平和觀光」等都係知名景點。
宇都宮必食美食
宇都宮站附近同市區內都有好多餐廳可以食到餃子、酒、宇都宮牛等名產美食。
宇都宮嘅名產係咩？
宇都宮以「餃子之街」而聞名，各家庭嘅餃子消費額，連續好幾年奪得全日本第一、二名。市内有眾多餃子專門店，當中「正嗣」、「宇都宮MINMIN（みんみん）」、「青源」等特別出名。
另外，宇都宮以可以品嚐到唔同味道嘅餃子而聞名。鐘意食餃子嘅你，不妨嚟一趟餃子巡禮啦！
馬騮待應餐廳？！
宇都宮內有一間名叫「Kayabuki（かやぶき）」嘅居酒屋係由馬騮招呼客人。馬騮固定出場時間為夜晚8點至10點左右，唔只會為客人遞上毛巾同啤酒。大家仲可以同馬騮仔一齊合照，又有得睇馬騮表演，非常可愛！
宇都宮嘅酒店、旅館
宇都宮嘅住宿設施大部分都係酒店居多，主要集中喺宇都宮車站附近。從「宇都宮燦路都大酒店」「宇都宮岐山酒店」等經濟實惠嘅酒店，到「宇都宮東武格蘭德酒店」等高級酒店都有。
出發去宇都宮嘅交通方式
去宇都宮玩，可以先去JR宇都宮站再去各個景點。
從東京出發去宇都宮
從東京站搭東北新幹線，約50分鐘到JR宇都宮站。呢個方法唔需要轉車，係最快捷去到嘅交通方法。
從成田機場出發去宇都宮
從千葉成田機場可以搭直通巴士去。由成田機場出發約3小時15分鐘就到JR宇都宮站西口。
景點資訊
- 景點名稱: 宇都宮（宇都宮站）
- 地址: 栃木縣宇都宮市川向町1
- 交通方式: 東京站乘搭東北新幹線約50分鐘
- 是否提供Wi-Fi : 有（Utsunomiya City Free Wi-Fi）
- 對應語言: 中文、英文、韓文
- 購票地方: 於各特定車站
- 可否使用信用卡: VISA, MasterCard, JCB, AMERICAN EXPRESS, Diners Club International
Comments