喺東京有好多特色地方，例如潮流之處引來好多年輕人聚集嘅澀谷同新宿；佈滿名牌店嘅銀座；時尚兼國際化嘅六本木；仲有散發傳統江戶古色古香氣氛嘅淺草等等。而我哋今次就推介當中適合作為家庭旅行嘅景點俾你啦。
三個原因推薦家庭旅行去東京
想舉家去城市旅行？如果去東京又點呢？就等我哋解釋吓，呢個被稱為「滿足到你任何願望」嘅城市，點解咁推薦作為家庭旅行嘅目的地啦。
交通方便快捷
東京以四通八達嘅交通網絡自誇。搭電車同巴士都可以輕易去到目的地。交通便利令縮短移動時間，咁帶住小朋友都可以輕鬆外出啦。雖然東京有好多鐵道路線，多到好複雜，但其實作為公共交通嚟講真係好方便。仲有搭的士都可以好容易去到東京各處。
喺東京邊個車站都會有電梯，𨋢等等方便使用者。大型車站更加係好新淨企理，而且有好多洗手間專為與小朋友同行嘅大人而設。亦有洗手間旁有設置育嬰室同換片枱。
相關文章：
眾多不同種類的美食
除咗壽司同天婦羅等傳統日本料理之外，仲有好多種類不同嘅時尚商店同餐廳，而其中好多都出現過喺雜誌上。但東京唔只得賣奢侈品等高級商店，仲有好多就算小朋友發出吵鬧聲音都容許嘅休閒商店。此外，有啲居酒屋（日式酒吧）設有專為兒童設計嘅私人房間，以便顧客可以搵到一個地方溫馨地同屋企人一齊用餐。 如果你同囝囡想食好多日本料理，咁你就好應該去啦。
而且，亦有主題公園同各類設施
去東京觀光唔僅限於一種地方。事實上東京都有好多好正嘅觀光景點，例如博物館同主題公園等，大人細路都可以玩一整日。而且仲有好多一家大細可以好好享受到嘅日式傳統祭典同活動等等會舉行。如果去旅行時巧遇的話就一定要去參加玩吓喇。
而且喺呢個城市仲有好多優雅寧靜嘅公園同綠化環境，如果你行經，咁就要入去感受大自然氣息，放鬆身心休息一下喇。
相關文章：
東京家庭旅行 行程建議
如果你入住品川地區嘅酒店
品川係一個從成田國際機場或羽田機場都可以輕鬆抵達嘅東京地區。
第一日，我哋建議你去品川王子大飯店(Shinagawa Prince Hotel)食個早午餐 (Brunch)。之後就出發去「品川AQUA PARK」水族館。父母同小朋友一定會鐘意呢度！你仲可以去拜訪埋泉岳寺添。
第二日，首先由JR山手線搭車到新橋站，然後轉車搭單軌列車「Yurikamome」線，搭到去「Shibaura-futo (芝浦ふ頭)」落車。去彩虹橋散步30分鐘欣賞東京灣美景。當你去到台場，就可以去「DECKS東京Beach」內嘅「東京JOYPOLIS遊樂園」，玩吓入面好多遊樂設施。之後可以去「Aqua City Odaiba」Shopping，最後仲可以喺呢度搵間餐廳，邊欣賞美麗夜景，邊用餐。
第三日，你可以搭都營淺草線去淺草；或者去澀谷或原宿，搭JR山手線都只是相差幾個站。咁就可以一日內體驗東京今昔之魅力啦。
六本木地區
雖然六本木以不夜城而聞名，但其實喺日頭，都有好多日本家庭去嗰度享受天倫之樂。
第一日，首先喺六本木中城嘅熟食店同超級市場買啲嘢食，再去旁邊嘅草地野餐。同身邊嘅日本當地人一樣，一齊享受東京生活。當然，你都可以喺距離10分鐘路線嘅六本木中城(Roppongi Midtown)同六本木新城(Roppongi Hills)等綜合式商業設施入面行街同食飯。而且觀光景點都好近，例如東京鐵塔同迎賓館赤坂離宮等等，唔好錯過呢個機會，一於順路去埋喇。
第二日，搭都營大江戶線到都廳前站 (都庁前駅)落車，去東京都廳嘅展望台欣賞東京城景都係唔錯嘅選擇呀。之後再去有好多百貨公司，電子產品，大賣場，仲有好多大型購物中心聚集嘅新宿，俾你可以盡情購物血拚！百貨公司都有洗手間，育嬰室，同換片枱供你使用。
第三日，搭東京Metro日比谷線到上野站落車。你可以去上野動物園睇吓熊貓，或者去附近嘅藝術宮同博物館豐富你嘅知識。當然，千祈唔好錯過去傳統而有活力嘅商店街「阿美橫丁」一逛啦。
如果你入住嘅酒店係喺東京車站附近
喺東京車站有好多交通路線，都好便利。而且有好多觀光巴士團或步行觀光團喺東京車站出發，要搵都唔難。
第一日，報名參加「HATO」開蓬觀光巴士。朝早09:30出發，觀光路線為：日比谷公園 → 霞關 (霞ヶ関) → 國會議事堂 → 虎之門之丘 → 東京鐵塔 → 彩虹橋 → 台場 → 竹橋 → 築地 → 歌舞伎座 → 銀座 → 東京車站，夜晚10:30結束。解散後仲可以因自己鐘意嘅景點再去多次都得添。例如東京鐵塔，或者去銀座購物或食好東西！
第二日，你可以拜訪皇居，喺城市嘅正中心欣賞綠意。喺春天你可以賞櫻；喺秋天可以賞楓，喺冬天仲可以欣賞到鳥類遷徙嘅大自然景觀添。仲有唔可以錯過喺東京車站入面Shopping同搵美食。就喺東京車站輕鬆地度過一日啦。
第三日，可以花一整日嘅時間去日本獨有嘅主題公園玩樂。例如東京迪士尼樂園，由東京車站搭車過去都只係一個鐘車程，仲有三鷹之森吉卜力美術館同喺八王子市嘅Sanrio彩虹樂園等等。
Comments