日本9月分月曆有一日名為「秋分之日」，大家知道呢日係咩日子嗎？其實「秋分之日」係於1948年制訂嘅日本公眾假期之一。「秋分之日」有乜嘢意義？而日本人又會點過呢個日子？想知就要繼續閱讀下文介紹喇！
關於「秋分之日」
「秋分」，即係香港所講嘅「立秋」。「秋分之日」於1948年前稱為秋季皇靈祭，對日本人嚟講，立秋前後係悼念祖先同逝世者嘅季節。立秋呢日日頭同夜晚嘅時間長短幾乎一樣，而立秋之後，日照時間就會越嚟越短，夜晚則會越嚟越長，直至冬至。日本自古以來流傳「立秋係人世與極樂淨土最接近嘅日子」嘅講法；若從天文學角度出發，立秋係「太陽通過地球上黃經180度點」嘅日子，每年大概會落於9月22日至24日之間，因此日本內閣會於每年2月1日根據國立天文台所製作嘅「日曆年表」，從而決定下一年嘅「秋分之日」。
「秋分之日」 拜山掃墓
「秋分之日」前後一個星期被稱為「秋彼岸」。春天嘅春分之日前後亦有「彼岸」，因此會叫「春彼岸、秋彼岸」來區分。
「彼岸」原本為佛教用語，意指「由煩惱塵世解脫到達涅槃境界」，簡單啲嚟講即係「逝去祖先靈魂居住嘅世界」。所以為咗拜祭祖先亡靈，「彼岸」期間日本人都會去拜山掃墓。
古時嘅農村地區崇拜自然，習慣「立春祈求農作物豐收，立秋祈求慶祝豐收」，毋此喺立春之前會舉行由山裡迎接山神祖先嘅靈，立秋過後就會將靈由村莊送回山裡嘅儀式。隨著佛教嘅廣播傳播，立秋增添「秋的彼岸」之稱，亦開始帶有祭祀同紀念祖先嘅意義。
「秋分之日」必食祭祀供品「荻餅」
「秋分之日」除咗會去拜山掃墓之外，仲慢慢養成咗一種習慣—食「荻餅（おはぎ）」。以前大家相信用嚟製作荻餅嘅原料紅豆嘅顏色（紅色）有驅魔效果，所以就會用荻餅當做供品。
「秋分之日」前後時期限定盛放嘅「彼岸花」
火紅色「彼岸花」會喺立秋前後綻放，其形狀就如火焰燃燒，喺日本係一種為人熟悉嘅秋季花種。除咗最著名嘅係喺日本特有「彼岸」時期綻放之外，特徵仲有其花莖長度相當長，花瓣形狀就似煙花般璨爛。
「彼岸花」嘅別名係「曼珠沙華」，仲有其他別稱叫「地獄花」、「幽靈花」、「死人花」等（編按：全部都幾恐怖lol）。9月中旬左右係最佳賞花期，到盛開嘅花期，遊客就可以欣賞到由彼岸花編織出好似紅色地毯咁嘅美景！
今次簡單咁為大家介紹咗「秋分之日」，如果對日本其他公眾假期同紀念日有興趣嘅話，可以參考繼續睇下面嘅相關文章↓
Comments