日本係一個人口老化嘅國家，屬於高齡化社會。根據2015年日本國家統計數據顯示，日本人嘅平均壽命大約係83歲。喺總人口1.27億當中，就有3,350萬人係老人家，老人人口眾多，可能就係點解日本人重視尊重年長者嘅原因之一，而且日本人更有制定向長者表達尊敬之意嘅日子，稱之為「敬老日(敬老の日)」！
何謂「敬老日(敬老の日)」?
「敬老日(敬老の日)」係日本嘅公眾假期，係為長者慶祝嘅節日。而呢個節日定喺每年9月嘅第三個星期一。2020年嘅敬老日就係9月16日。
敬老日係為咗邊個而制定㗎？
雖然敬老日屬於全國性嘅節日，但無明確定義幾多歲以上先叫做老人家。有啲人認為呢一日係為咗祖父母而制定嘅，亦有啲人認為係為咗年滿60歲以上或70歲以上嘅人而定。一般嚟講，依照世界衛生組織同日本社福規定嘅定義，年滿65歲以上嘅人被視為老年人。不過其實幾歲先算係老人並唔重要，重要係要表現出對老人家嘅尊重同感激！
敬老日係為咗邊個而制定㗎？
或者你會好好奇點解會有敬老日。據說最先開始提倡「敬老日」係兵庫縣嘅野間谷村。村長喺1947年創立「老人日」，為咗話俾人知要尊重老人家，因為老人家擁有豐富農耕知識。之後，呢個節日就擴散到全國各地，演變成公眾假期嘅敬老之日。
喺「敬老日」呢日會做啲咩㗎？
同兒童節相比，敬老日算係比較新嘅假日，都無乜傳統需要遵守。有啲人會回鄉探父母，一齊食個團圓飯，又或送禮物俾父母或祖父母都好常見。部分購物商場都準備咗迎合九月呢一日嘅禮物。當中通常都係美食或葡萄酒比較多。近年，電器產品、特別係健康用品等電子設備都越嚟越受歡迎。就算簡簡單單送一束花都會令屋企嘅老人家覺得好窩心。對於點揀禮物，又無一定嘅標準嘅。最重要嘅都係睇你有幾錫佢哋。
對於日本嘅敬老之日，你有咩睇法？有任何感想，歡迎留言俾我哋呀。
Comments