![](https://content.fun-japan.jp/renewal-prod/cms/articles/content/SL6A3060-2sjpg_2020-03-11-10-49-31.jpg)
由成田國際機場出發,只需搭電車就可以直達東京上野。上野入面有上野公園、國立西洋美術館、阿美橫丁(アメ横)等多個著名景點同購物點,係一個既可觀光,又可以購物,非常有魅力嘅地區。
今次我地會同以上野為據點提供觀光遊覽服務畀海外遊客嘅「Ueno Joshi」(上野女子)一齊探索上野!
11:00 漫遊上野公園嘅藝術景點
![](https://content.fun-japan.jp/renewal-prod/cms/articles/content/SL6A2855-2sjpg_2020-03-11-10-49-41.jpg)
喺上野公園迎接我地嘅係身穿靚靚和服嘅導遊。「Ueno Joshi」係一個以以同朋友出遊嘅親切感覺,加上生鬼活潑解說嘅獨特導覽服務。係大家互相自我介紹之後,再聽埋今日嘅行程,事不宜遲,我地即刻出發!
![](https://content.fun-japan.jp/renewal-prod/cms/articles/content/SL6A2837-2sjpg_2020-03-11-10-49-58.jpg)
第一個去嘅景點係「國立西洋美術館」,呢座美術館係屬於世界遺產「勒・柯比意建築作品(The Architectural Work of Le Corbusier)」之一。
![](https://content.fun-japan.jp/renewal-prod/cms/articles/content/SL6A2845-2sjpg_2020-03-11-10-50-12.jpg)
喺國立西洋美術館嘅佔地入面,仲展示咗奧古斯特·羅丹「沉思者」雕像唷!
![](https://content.fun-japan.jp/renewal-prod/cms/articles/content/SL6A2873-2sjpg_2020-03-11-10-50-24.jpg)
![](https://content.fun-japan.jp/renewal-prod/cms/articles/content/SL6A2894-2sjpg_2020-03-11-10-50-44.jpg)
喺上野仲有好多藝術景點,包括東京國立博物館、東京藝術大學等。
11:45 下町風俗資料館附設展示場
![](https://content.fun-japan.jp/renewal-prod/cms/articles/content/SL6A2919-2sjpg_2020-03-11-10-51-44.jpg)
呢棟建築建於明治43年(公元1910年),以前係賣酒舖,當時風貌被完全咁保留到而家。
![](https://content.fun-japan.jp/renewal-prod/cms/articles/content/SL6A2924-2sjpg_2020-03-11-10-51-53.jpg)
可以借穿舊時店主外套,免費拍照留念!
12:00 「上野櫻木ATARI」享用午餐
![](https://content.fun-japan.jp/renewal-prod/cms/articles/content/SL6A2932-2sjpg_2020-03-11-10-52-07.jpg)
中午就喺「上野櫻木ATARI」用餐,呢棟建築係將樓齡超過80年嘅古老民家翻新而成嘅綜合設施。
![](https://content.fun-japan.jp/renewal-prod/cms/articles/content/DSC0385sjpg_2020-03-11-10-53-16.jpg)
![](https://content.fun-japan.jp/renewal-prod/cms/articles/content/SL6A2963-2sjpg_2020-03-11-10-53-31.jpg)
酥脆嘅炸雞定食非常美味!
![](https://content.fun-japan.jp/renewal-prod/cms/articles/content/SL6A2926-2sjpg_2020-03-11-10-53-41.jpg)
喺上野櫻木地區,殘留咗好多古色古香嘅日式建築,令人忍唔住瘋狂拍照留念。
13:00 「茶室 瑜 伽 庵YUKA・AN」茶會體驗
![](https://content.fun-japan.jp/renewal-prod/cms/articles/content/SL6A3039-2sjpg_2020-03-11-10-53-59.jpg)
喺「上野櫻木ATARI」旁有一間茶室「瑜 伽 庵YUKA・AN」呢間茶室為外國人提供英語茶室體驗,仲可以用三百幾年前製作嘅古董茶碗或者
日本知名製作家嘅作品嚟飲抺茶啊。
![](https://content.fun-japan.jp/renewal-prod/cms/articles/content/SL6A3025-2sjpg_2020-03-11-10-54-13.jpg)
專人詳細教導點樣造茶飲茶,唔需要擔心唔識。
![](https://content.fun-japan.jp/renewal-prod/cms/articles/content/collagejpg_2020-03-11-10-59-59.jpg)
和菓子加抹茶體驗費用,每日1,100円(已包稅)。
![](https://content.fun-japan.jp/renewal-prod/cms/articles/content/SL6A3063sjpg_2020-03-11-10-55-15.jpg)
喺舒適寧靜嘅氣氛下,輕鬆品茶,真係令人開心!
13:45 谷中靈園~淨名院
![](https://content.fun-japan.jp/renewal-prod/cms/articles/content/SL6A3082-2sjpg_2020-03-11-10-55-45.jpg)
離開茶室後,步行大概10分鐘,就嚟到了谷中靈園。呢座靈園有好多著名日本武士同作家嘅墳墓。
![](https://content.fun-japan.jp/renewal-prod/cms/articles/content/SL6A3188-2sjpg_2020-03-11-10-55-59.jpg)
再行多5分鐘,就到淨名院。淨名院嘅睇頭就係,喺呢度視線所及之處全部都放滿地藏菩薩!有成28,000座咁多。
![](https://content.fun-japan.jp/renewal-prod/cms/articles/content/SL6A3209-2sjpg_2020-03-11-10-56-14.jpg)
![](https://content.fun-japan.jp/renewal-prod/cms/articles/content/SL6A3216-2sjpg_2020-03-11-10-56-23.jpg)
仲有「請示地藏」嘅占卜,只要一邊諗住自己現今嘅煩惱,一邊雙手捧起地藏菩薩,如果拎起個重量比您想像中輕鬆,就表示煩惱將迎刃而解;相反,如果重量令你覺得難以捧起,就代表煩惱將會遲遲搵唔到解決方法。大家都可以試吓啊。
14:15 寬永寺~回程
![](https://content.fun-japan.jp/renewal-prod/cms/articles/content/SL6A3243-2sjpg_2020-03-11-10-56-51.jpg)
![](https://content.fun-japan.jp/renewal-prod/cms/articles/content/IMG1865Originalsjpg_2020-03-11-10-57-02.jpg)
寬永寺係上野地區最大嘅寺院,寺院內種植咗櫻花樹同梅樹,遇上開花時就係絕佳嘅打卡景點。
15:00 於上野公園道別
![](https://content.fun-japan.jp/renewal-prod/cms/articles/content/SL6A3242-2sjpg_2020-03-11-10-57-23.jpg)
![](https://content.fun-japan.jp/renewal-prod/cms/articles/content/SL6A2880-2sjpg_2020-03-11-10-57-36.jpg)
歡樂嘅觀光行程就到尾聲。多得親切友善嘅上野女子帶我地遊覽同介紹,我地先可以走訪咁多上野內嘅深度景點。想要同日本人輕鬆愉快咁傾偈,又可以體驗與別不同嘅觀光行程嗎?咁就要聯絡「Ueno Joshi」(Instagram:@ueno_tourism)!
Comments