馬籠：江戶日本風情濃郁嘅木曾谷老街

馬籠係位於岐阜縣木曾谷嘅一條老街。石畳道兩旁排列各種禮品店及茶屋，係一個可以感受日本歷史氣氛嘅旅遊景點。

木曾谷馬籠係咩嚟？

位於木曾川上游嘅木曾谷，有一條長約540公里，名為「中山道」嘅步道。喺江戸時代，中山道作為一條連接日本東部及西部嘅街道，沿著街道建立多個「宿場」（即古時驛站）。而馬籠就係其中之一，馬籠嘅中心係一條長約600米嘅街道，兩旁整齊排列日式房屋同店鋪。

馬籠街道內有水車小屋、寺廟神社、觀景台等設施。另外，馬籠到處都係具歷史性嘅古代建築物，可以感受濃厚嘅日本風情。日本古代風情。去過京都？覺得好逼好多人？可以嚟馬籠嘅江戶老街靜靜地感受日本，又可以影到靚相呢～

自江戶時代起作為驛站嘅馬籠，現今街道兩旁仍保留著或改建成茶屋、住宿設施、鄉土料理店、禮品店、民房等，整齊排列在街道兩旁。另外，大部分建築物外表都係一格一格嘅建築風格嘅傳統民房，散發濃厚江戶氣氛。

從「馬籠」到另一個驛站嘅「妻籠」有一條健行路線，都好推薦大家去行。妻籠被指定為國家重要傳統建造物群保存地區，老街亦保留著各古代建築物。

從馬籠出發去妻籠，約9公里嘅路程，徒步行需時2個半鐘至3個鐘左右。沿途可以欣賞群山，亦有風光明媚嘅山間農村。另外，途中會經過江戶時代留存落嚟嘅茶屋，行到攰可以去休息吓再出發吖。

馬籠嘅名產美食有以栗子、糯米製成嘅「栗子飯（栗こわめし）」，同埋沾上日本豉油、核桃攪拌混合嘅醬汁，以炭火烤製嘅「五平餅」。喺老街兩旁嘅小食店可以買到嚟食，嚟到馬籠真係唔可以話自己無食過啦。

另外，餐廳多數都係手打蕎麥麵或日本定食嘅日式料理餐廳。仲有部分餐廳會提供輕食，仲可以享用抹茶，善哉（日式紅豆湯）等和菓子。

馬籠嘅住宿設施較少，有日式旅館、民宿、Guesthouse，基本上都坐立喺老街兩旁，離街道遠少少嘅地方都有好幾間。類型大部分都係榻榻米和室。而附床褥嘅洋室酒店等則係集中喺中津川站附近。

要去馬籠玩，最近嘅車站就係中津川站。從名古屋出發去中津川站車程需時約1小時。從中津川站搭路線巴士約30分鐘就到馬籠。