奧飛驒同新穗高有好多充滿魅力嘅景點，其中特別推薦日本國內唯一兩層高嘅「新穗高高空纜車」。今次除咗要為大家介紹新穗高高空纜車之餘，仲要一一介紹附近景點嘅相關情報俾大家參考！
岐阜縣奧飛驒，將北阿爾卑斯山嘅自然之美盡收眼簾
岐阜縣嘅「奧飛驒」係日本知名觀光地，以位於北阿爾卑斯山山麓嘅奧飛驒溫泉鄉為首，周圍仲有好多觀光景點值得你去造訪。其中最具代表性嘅就係「新穗高高空纜車」，四季不同嘅風情，任你盡情享受大自然嘅魅力。
新穗高高空纜車
新穗高高空纜車係日本唯一嘅雙層纜車，可以讓你於標高2,000米以上嘅高空，俯瞰四季變換嘅景色，係乘搭新穗高高空纜車先至可以享受到嘅自然美景。可以嚟呢度以身體五感體驗新穗高嘅四季，春天嘅彩色花朵、夏天嘅碧藍晴空、秋天嘅滿山紅葉、冬天嘅皚皚白雪，無論幾時造訪，都絕對可以滿足到你。
景點資訊
- 景點名稱：新穗高高空纜車
- 地址：岐阜県高山市奥飛騨温泉郷神坂710-58
- 交通方式：於JR高山站嘅高山濃飛巴士中心，乘搭濃飛巴士前往新穗高高空纜車，車程約1小時40分鐘，落車後即可抵達
北阿爾卑斯大橋
距離新穗高高空纜車唔遠嘅「北阿爾卑斯大橋」，係連接中尾高原以及鍋平高原、高約70米嘅拱橋。秋天嘅時候最適合一邊遊車河，一邊欣賞紅黃交錯嘅紅葉；冬天嘅時候成片山頭被覆蓋上層層白雪，變成咗一片銀白世界。開車自駕嘅話，非常推薦安排到此一遊，徜徉喺大自然嘅絕美景致當中，令人格外心曠神怡。
景點資訊
- 景點名稱：北阿爾卑斯大橋
- 地址：岐阜県高山市奥飛騨温泉号中尾
- 交通方式：由新穗高高空纜車開車約10分鐘
奧飛驒溫泉鄉
登完山又坐完高空纜車，不如嚟奧飛驒溫泉鄉洗去一身疲憊啦。奧飛驒溫泉鄉係平湯溫泉、福地溫泉、新平湯溫泉、栃尾溫泉、新穗高溫泉，呢5個溫泉地嘅總稱。喺呢度可以以便宜嘅價格甚至可以免費享受大浴場、露天溫泉。
景點資訊
- 景點名稱：奧飛驒溫泉鄉
- 地址：岐阜県高山市奥飛騨温泉郷新穂高
- 交通方式：於JR高山站嘅高山濃飛巴士中心，乘搭前往新穗高高空纜車嘅濃飛巴士，於平湯溫泉落車，車程約1個鐘
從高山到奧飛驒嘅交通方式
由JR高山站乘搭濃飛巴士前往奧飛驒溫泉鄉、新穗高高空纜車，車程約70～100分鐘。
巴士約每個鐘1班，單程票價約1,500～2,000円。
Comments