【2020最新資訊】大阪旅遊景點及美食推介！連酒店及交通資訊

大阪府位於日本西面嘅關西（近畿）地區。（請留意，大阪府同大阪市唔同，大阪府係其中一個都道府縣，而大阪市只係大阪府其中一個市。）關西地區係同東京在所嘅關東地區一樣係大都市圈，關西地區嘅中心——大阪市亦可以講係西日本嘅「首都」，而主要旅遊地區就係府廳所在地嘅大阪市。

關於大阪的基本資料

大阪府係人口超過880萬人嘅大城市。大阪長久以來都一直係日本經濟中心，匯聚咗來自全國各地嘅特產，所以各種飲食文化都一直發展，時至今日，各種食物同食物相關嘅傳統手工藝品都好出名。

大阪的主要歷史

大阪係5世紀左右日本政治同文化嘅中心。首都始建於公元7世紀，即使之後遷至京都時大阪仍然繁榮發展，成為貿易中心。之後，雖然政治中心隨時代而變遷，但大阪仍然繼續以發展經濟為主嘅城市。

大阪旅遊建議日數

大阪嘅觀光景點相對比較集中，揀主要景點去嘅話，1-2日都可以去哂。如果有多少少時間嘅話，我哋建議你安排3日2夜嘅行程，其中2日遊城市，1日去海灣地區（USJ等）。

出發去大阪旅遊前的實用資訊

首先溫馨提示大家大阪嘅車站，需要注意有關名稱。「大阪站」、「大阪梅田站」同「梅田站」都係位於同一地區，但係唔同鐵路公司有唔同嘅稱呼方式，例如新幹線車站「新大阪站」同「大阪站」係兩個唔同嘅車站嚟㗎。所以要事先睇查清楚同睇好係邊個站啦。

大阪觀光地圖派發地方

可以喺「大阪觀光旅遊諮詢中心（大阪観光案内所）」拎到大阪觀光地圖，旅遊諮詢中心設喺大阪站、難波站同新大阪站呢3個地方。另外，「關西旅遊諮詢中心 關西國際機場（関西ツーリストインフォメーションセンター 関西国際空港）」都有提供觀光地圖。

如果想去日本之前拎到地圖，亦可以喺大阪觀光局官方網站下載。

大阪的投幣式儲物櫃及寄存行李地方

大阪府（縣）內大多數車站雖然都設有投幣式儲物櫃，但係根據車站數量唔同，可能都唔多，特別係大型儲物櫃比較少。

相比之下，大阪市內就有好多唔同大小嘅投幣式儲物櫃，仲有提供行李寄存嘅服務添。投幣式儲物櫃主要位於JR大阪站同地鐵難波站等大型車站，難波站附近就有好多行李寄存嘅地方。

大阪市提供行李寄存嘅主要設施如下：

• JR「大阪站」及各鐵路線「大阪梅田站」周邊嘅投幣式儲物櫃（閘口外46處、約4,000個）
• 「難波站」投幣式儲物櫃（閘口外11處、約930個）
• JR「新大阪站」投幣式儲物櫃（閘口外11處、約470個）
• DOTON PLAZA 2樓
• 信之旅 行李寄存 難波店
• GIGA-RABBIT
• RakuRakuBaggageStorage
• Namba Hands-Free Center

費用方面，投幣式寄物櫃費用為300～800日圓，行李寄存費用為500～1,000日圓。（截至2020年1月資訊）

兌換外幣地方

大阪嘅外幣兌換店家集中於大阪站地區同心齋橋、難波地區。可以喺銀行、金票店、貨幣兌換店兌換。有商店除咗有外幣兌換服務，仲針對外國旅客提供其他服務，例如「TOUREX Currency Exchange」提供旅遊資訊、「ええ庵」提供行李寄存同Wi-Fi租借服務。

大阪的天氣及氣候資訊

大阪氣候屬於潮濕亞熱帶氣候，比東京溫暖得多。冬季降雪量稀少，夏季炎熱潮濕，大阪係四季分明。

大阪嘅亞熱帶氣候

大阪嘅天氣大部分時候都好溫同。冬季喺攝氏6.5度左右，平均低溫約攝氏3.5度，平均高溫約攝氏10.5度。大阪並不常見落雪，降雪量平均每年只有3厘米。

大阪嘅夏季係雨季，為呢個城市帶嚟咗炎熱同潮濕嘅感覺。夏季氣溫喺攝氏26度左右，平均低溫約攝氏23度，平均高溫約攝氏31.5度。

大阪春天嘅天氣溫同，為櫻花盛開之時。秋天係需要注意嘅季節，有多個颱風產生。9月至10月可能會係大阪第二個雨季。2018年為糟糕嘅一年，強烈颱風燕子重創關西國際機場。

大阪旅遊服裝建議

一般嚟講，大阪旅遊穿著輕便嘅衣服就可以。冬天雖然好凍，但唔需要好似喺日本北部或鄉村小鎮咁樣穿著厚重嘅暖衣物。夏天建議穿著會吸汗嘅衣物。

• 令人嘆為觀止嘅大阪櫻花季
• 享受大阪嘅夏季活動
• 你有睇過大阪秋天嘅紅葉嗎？
• 大阪冬季旅遊

大阪各地區介紹

大阪嘅觀光地區大致分為下列5個區域。

大阪站周邊及梅田地區

JR大阪站同大阪梅田站都位於大阪市區嘅北面，呢一區亦被稱為北區（キタ），車站嘅東面有一個建有紅色摩天輪嘅複合式商業設施「HEP FIVE」。另外，大阪站中央閘口前有一個詢問處，受理報名從大阪站出發嘅英文旅行團「ALL STAR OSAKA WALK」（オールスター大阪ウォーク）。

大阪城公園周邊地區

大阪城公園位於JR大阪站嘅東南方。佢係大阪最著名嘅觀光景點之一，大阪城遺址就位於此。另外，公園北面係大阪城港，係搭大阪水上巴士「Aqua-Liner」嘅碼頭。

難波及心齋橋地區

難波係大阪市中心嘅地區，係代表大阪嘅購物區，也被稱為「南區」（ミナミ， MInami）。道頓堀嘅巨型廣告招牌係地標之一。南海難波站嘅一樓設有旅遊諮詢中心。

心齋橋係大阪出名嘅購物地區之一。有商店街、美國村等店舖林立嘅街區，就算Window Shopping都可以行得好開心。呢個地區比較多充滿大阪風味、風格較誇張嘅服飾店、個性商店，而時尚商店、比較時髦嘅店鋪反而比較少。

天王寺地區

天王寺位於大阪市南部。車站隔離有日本最高嘅建築物「阿倍野HARUKAS」。地庫2樓至地上14樓係阿倍野HARUKAS近鐵本店。位於3樓、5樓有專為海外遊客服務嘅櫃台，提供旅遊資訊同外幣兌換服務。（截至2020年1月訊息）

港灣地區

港灣區位於城市西面，面向大阪灣。港灣區嘅重點就係日本環球影城、海遊館等等。另外仲有一個複合式購物設施「天保山市場街（天保山マーケットプレース）」同一座巨大摩天輪。

於大阪體驗的活動

喺大阪有好多體驗你可以試，例如：

• 品嚐源自大阪嘅特色美食
• 行街購物
• 喺日式庭園度過悠閒時光
• 體驗裝扮成武士、拎武士刀上手
• 以大型又華麗嘅廣告招牌作為背景，影紀念照
• 從日本第一高樓眺望大阪市景

大阪必去觀光景點推介

大阪有好多值得一去嘅地方。以下將為大家介紹一啲大阪必去嘅知名景點。

通天閣

通天閣係位於難波站同天王寺站之間嘅一座塔，係大阪嘅地標。5樓嘅黃金展望台上有一個「比利肯雕像（ビリケン／BILLIKEN）」，據聞摸佢腳底就能帶來好運。另外，塔身頂部嘅燈光顏色會根據每日嘅天氣而變化。

景點資訊

• 名稱：通天閣
• 地址：〒556-0002 大阪市浪速區惠美須東1-18-6
• 交通方式：
• [大阪Metro堺筋線]惠美須町站…步行約4分鐘
• [大阪Metro御堂筋線]動物園前站…步行約7分鐘
• [JR環狀線]新今宮站...步行約7分鐘
• Wi-Fi：有（Osaka Free Wi-Fi）
• 語言：中文（簡體/繁體）、英文、韓文、泰文
• 購票方式：現場購票
• 信用卡：可以使用VISA， Master Card

大阪城

大阪城位於大阪市中心，以修復重建嘅大阪城天守閣為中心，周圍亦有好多被列為重要文化財嘅建築物。天守閣內部係博物館，陳列同大阪城相關嘅展示品。

景點資訊

• 名稱：大阪城
• 地址：〒540-0002 大阪府大阪市中央區大阪城
• 交通方式：
• [JR環狀線]大阪城公園站 / 森之宮站…步行約18分鐘
• [大阪Metro谷町線]谷町4丁目站 / 天滿橋站…步行約19分鐘
• [大阪Metro中央線]谷町4丁目站 / 森之宮站...步行約19分鐘
• Wi-Fi：有
• 語言：中文（簡體/繁體）、英文、韓文
• 購票方式：現場購票
• 信用卡：唔可使用

海遊館：世界最大規模嘅水族館

海遊館位於大阪港灣區，據聞係世界上最大嘅水族館之一，大約有30,000種620種來自世界各地嘅海洋生物，喺重現海洋環境嘅水箱中飼養並展出。

景點資訊

• 名稱：海遊館
• 地址：〒552-0022 大阪府大阪市港區海岸通1-1-10
• 交通方式：[大阪Metro中央線]大阪港站…步行約5分鐘
• Wi-Fi：有（Osaka Free Wifi）
• 語言：中文（簡體/繁體）、英文、韓文、法文、泰文
• 購票方式：現場購票、線上購票
• 信用卡：可以使用VISA， Master Card， JCB， AMERICAN EXPRESS， Diners Club， 銀聯卡

道頓堀

道頓堀位於大阪市中心，係以美食為主嘅商店街。道頓堀河沿岸巨大且色彩繽紛嘅餐廳招牌嘅景色都十分壯觀。

景點資訊

• 名稱：道頓堀
• 地址：〒542-0071 大阪市中央區道頓堀
• 交通方式：
• [大阪Metro御堂筋線]難波站…步行即達
• [大阪Metro堺筋線・千日前線]日本橋站...步行即達
• [南海電鐵]難波站......步行約7分鐘
• Wi-Fi：有（Osaka Free Wi-Fi）
• 語言：中文、英文、韓文
• 信用卡：可以使用（依店舖而異）

SPA WORLD

SPA WORLD係位於大阪市南側嘅複合式溫泉度假勝地。以世界各國唔同類型嘅溫泉為主題，有浴池、岩盤浴、泳池同酒店等等。另外仲有休閒區同健身房等設施，等你可以好好放鬆身心。

景點資訊

• 名稱：SPA WORLD 世界大溫泉
• 地址：〒556-0002 大阪市浪速區惠美須東3-4-24
• 交通方式：
• [JR大阪環狀線內回]新今宮站…步行即達
• [大阪Metro御堂筋線・堺筋線]動物園前站...步行即達
• Wi-Fi：有
• 語言：中文 （簡體/繁體）、英文、韓文
• 購票方式：現場購票
• 信用卡：可以使用VISA、Master Card、JCB、AMERICAN EXPRESS、Diners Club、Discover、銀聯卡

咲洲COSMO TOWER展望台

咲洲COSMO TOWER展望台位於海灣地區COSMO TOWER大廈55樓，可以眺望360度、令人歎為觀止嘅景色。另外，仲有一個可以直接睇到正下方景色、令人腳仔都軟地面透明觀景窗。

景點資訊

• 名稱：咲洲宇宙塔展望台 （さきしまコスモタワー展望台）
• 地址：〒559-0034 大阪市住之江區南港北1-14-16
• 交通方式：
• [大阪Metro中央線] 大阪宇宙廣場站…步行約7分鐘
• 貿易中心前站...步行約3分鐘
• Wi-Fi：無
• 語言：中文、英文
• 購票方式：現場購票
• 信用卡：唔可使用

大阪中央批發市場本場

大阪中央批發市場位於大阪市嘅西北區。可以參觀現場競標拍賣嘅過程，受好多遊客歡迎。參觀競標需要事先預約，並由隨行傳譯人員陪同。另外，仲可以喺飲食大樓享用以新鮮食材製作嘅壽司、炸豬排等料理。

景點資訊

• 名稱：大阪中央批發市場本場
• 地址：〒553-0005 大阪市福島區野田1-1-86
• 交通方式：
• [JR大阪環狀線內回]野田站…步行約10分鐘
• [大阪Metro千日前線]玉川站...步行約10分鐘
• Wi-Fi：無
• 語言：中文、英文、韓文
• 信用卡：唔可使用

黑門市場

黑門市場位於難波附近嘅日本橋。長580米嘅拱廊街上聚集咗大約150家店鋪。黑門市場有「大阪嘅廚房」之稱，可以喺市場嘅店家內享用新鮮美味嘅食材。市場嘅旅客詢問處有提供手提行李臨時寄存服務。

景點資訊

• 名稱：黑門市場
• 地址：〒542-0073 大阪府大阪市中央區日本橋2-4-1
• 交通方式：[大阪Metro千日前線]日本橋站…步行約5分鐘
• Wi-Fi：有
• 語言：繁體中文、英文
• 信用卡：唔可使用（依店家而異，但大部分唔可使用）

天王寺動物園

天王寺動物園位於大阪市南側嘅天王寺地區。呢座動物園盡力還原動物棲息地嘅生態環境，可以睇到動物自然生活嘅狀態。另外，仲有一個期間限定嘅「Night ZOO」，遊客可以觀察夜間動物嘅生活。

景點資訊

• 名稱：天王寺動物園
• 地址：〒543-0063 大阪市天王寺區茶臼山町1-108
• 交通方式：
• [大阪Metro御堂筋線]動物園前站…步行5～10分鐘
• [JR]天王寺站...步行5～10分鐘
• Wi-Fi：有
• 語言：中文、英文、韓文
• 購票方式：現場購票、便利商店購票
• 信用卡：唔可使用

推薦的大阪娛樂設施

大阪嘅娛樂設施種類豐富，以下將介紹幾個推薦嘅娛樂景點。

日本環球影城™

日本環球影城™係位於港灣區嘅大型主題公園。園內劃分為9個區域，每區都有依據主題嚟設計嘅遊樂設施。可以喺園區入口左面嘅遊客服務處索取外語版地圖。

園區內提供非常完善嘅服務。例如，洗手間前方設有充電站，每20分鐘收費300日圓，咪就唔怕影相影到無哂電啦！其他仲有免稅手續辦理、輪椅同嬰兒車租借等服務。

如果你拎住件大型行李，建議可以寄存鴞園區外面嘅特大或大型儲物櫃。

景點資訊

• 名稱：日本環球影城™
• 地址：〒554-0031 大阪府大阪市此花區櫻島2-1-33
• 交通方式：[JR夢咲線] 環球城車站…步行即達
• Wi-Fi：有
• 語言：中文（簡體/繁體）、英文
• 購票方式：現場購票、便利商店、酒店、網路購票
• 信用卡：可以使用VISA、Master Card、JCB、AMERICAN EXPRESS、Diners Club、Discover

紅馬摩天輪

紅馬摩天輪（Redhorse OSAKA WHEEL）位於大阪市北部吹田市。高度達123米，係日本最高嘅摩天輪。透明嘅地板令大家可以盡情俯瞰大阪市嘅美景。（截至2020年1月資訊）

景點資訊

• 名稱：紅馬摩天輪 （Redhorse OSAKA WHEEL）
• 地址：〒565-0826 大阪府吹田市千里萬博公園2-1
• 交通方式：[大阪單軌電車] 大阪單軌電車 萬博紀念公園站…步行約2分鐘
• Wi-Fi：有（MARUMIE PLAZA內）
• 語言：僅限日文
• 購票方式：現場購票、網路購票
• 信用卡：可以使用

武士、忍者體驗

大阪有好多地方都有提供武士同忍者嘅體驗活動。例如，LAST SAMURAI、忍者堂比較出名。

另外，喺Miraiza大阪城內仲有一個由日本殺陣道協會所營運嘅「武士、忍者體験」設施，遊客可以換上武士或忍者嘅服裝，學習基礎嘅武打（殺陣）技巧，仲可以實際練習持日本刀同揮刀。如果想參加體驗，需喺體驗前一日上午10點之前完成預約。

大阪有多個日本庭園

大阪有好多日本庭園可以參觀，以下將介紹幾個代表性嘅庭園。

慶澤園

慶澤園係位於大阪市南部天王寺公園內嘅日本庭園。庭園以池塘為中心，池裡擺放咗船形狀嘅石頭、「四阿」（臨水嘅小屋）等等。

景點資訊

• 名稱：慶澤園
• 地址：〒543-0063 大阪市天王寺區茶臼山町1-108
• 交通方式：[大阪Metro御堂筋線] 天王寺站…步行約5分鐘
• Wi-Fi：無
• 語言：僅限日文
• 購票方式：現場購票
• 信用卡：唔可使用

大阪城公園

大阪城公園係大阪市中心、圍繞著大阪城建造嘅公園。參觀重點係被列為重要文化財嘅建築物，以及花季時公園內盛開嘅花卉。

例如，東側嘅梅林喺2月左右會有梅花盛開；西之丸庭園喺3到4月左右，會有大約300棵櫻花盛開。桃花園內種植約10種、共140棵嘅桃花樹；繡球花、海仙花園中，可以欣賞繡球花、紅額紫陽花、海仙花等大約1400株花卉。

景點資訊

• 名稱：大阪城公園
• 地址：〒540-0002 大阪府大阪市中央區大阪城
• 交通方式：[JR大阪環狀線外回] 大阪城公園站…步行約18分鐘
• Wi-Fi：有
• 語言：中文（簡體/繁體）、英文、韓文
• 購票方式：現場購票
• 信用卡：唔可使用

大仙公園 日本庭園

大仙公園日本庭園位於大阪市南部堺市嘅大仙公園內。庭園嘅設計以池塘為中心，圍繞著池塘周邊散步，隨著角度唔同，可以欣賞到唔同嘅風景。

景點資訊

• 名稱：大仙公園 日本庭園
• 地址：〒 590-0820 大阪府堺市堺區大仙中町
• 交通方式：
• [JR阪同線] 百舌鳥站…步行約15分鐘
• [南海高野線] 堺東站搭乘巴士[5]、特[5]約20分鐘→大仙公園西巴士站...步行約5分鐘
• Wi-Fi：無
• 語言：英文
• 購票方式：現場購票
• 信用卡：唔可使用

日本庭園（萬博紀念公園）

萬博紀念公園嘅日本花園係喺1970年日本世界博覽會舉辦時興建。喺東西方約1,300米嘅狹長土地上，有四個表現出日本庭園文化轉變嘅花園。

景點資訊

• 名稱：萬博紀念公園
• 地址：〒565-0826 大阪府吹田市千里萬博公園2-1
• 交通方式：[大阪單軌電車] 大阪單軌電車公園東口站…步行約15分鐘
• Wi-Fi：有
• 語言：中文（簡體）、英文、韓文
• 購票方式：現場購票
• 信用卡：唔可使用

大阪必去購物景點～潮流服飾篇～

大阪嘅購物景點有好多。例如，百貨公司、潮流購物中心、街上商店等等。以下係其中幾個具代表性嘅購物景點。

如果想搵針對成人為對象嘅時尚商品，推薦去大阪高島屋、阪急梅田本店。想睇以年輕人為主嘅商品，推薦UNIQLO大阪車站店、心齋橋OPA等。

• 大阪購物景點推薦

大阪推薦嘅購物景點～生活雜貨及精品篇～

大阪亦有好多生貨用品連鎖店同充滿個性嘅精品店。以下將介紹幾個推薦嘅雜貨精品店。

希望可以一次睇多種商品嚟格價、比較嘅話，推薦唐吉訶德、LOFT、東急HANDS。如果想搵獨具特色嘅商品，可以去「Design Pocket」或「HIFUMI民藝品店」。

大阪舉行的祭典及活動

每年喺大阪有好多祭典同活動舉行，從傳統祭典到次文化活動都有。

大阪光之饗宴嘅禦堂筋及中之島地區嘅燈飾非常夢幻。天神祭可以睇到喺河川中相互交錯航行嘅船。另外，點亮嘅提燈同燦爛嘅煙火都為大阪嘅夜晚加上浪漫色彩。

大阪的夜生活

大阪唔只日頭好玩，夜生活都好都多姿多采。例如可以喺酒吧或俱樂部通宵暢飲。大阪市內約有800間酒吧，好多酒店內都酒吧。另外，北區同南區有好多俱樂部。（截至2020年1月資訊）

大阪晚上安全嗎?

大阪市嘅犯罪率有逐漸下降嘅趨勢。大阪府警察實施紅燈區綜合對策，強化治安，所以主要嘅紅燈區相對安全。但要注意嘅係，中央區、西區、港區同住吉區嘅犯罪率上升中，務必提高警覺。

大阪的美食及餐廳

大阪嘅美食極其豐富多樣，係一個會令人「食到破產」嘅地方。以下將按照食物類型來推薦相關餐廳。

• 大阪地道美食

大阪的壽司店

大阪有好多米芝蓮星級嘅壽司名店。另外，用實惠價格就可以享用到美味壽司嘅「迴轉壽司」其實係喺大阪誕生㗎。

順帶一提，喺大阪北區嘅「天滿」、「曾根崎」或位於大阪市中央嘅「新世界」都有好多平價嘅壽司店。

大阪的拉麵店

大阪嘅拉麵有好多唔同種類同湯底，有豚骨湯底、海鮮湯底，仲有醬油湯底嘅中華麵。其中，清爽嘅鹽味拉麵好受歡迎。而價位都唔貴，大約喺650到1,250日圓之間。（截至2020年1月資訊）

大阪章魚燒店

章魚燒係大阪代表性嘅美食，好易喺路邊攤檔（屋台等）就買到嚟食。每間店嘅章魚燒口味同講究之處都唔同，都係魅力之一。

如果想食原味章魚燒，建議去「玉子章魚燒Hiyoko」或「會津屋」 。如果想食加芝士或蔥花等配料嘅章魚燒，可以去「玉屋 本店」或「阿倍野章魚燒YAMACHAN」。（截至2020年1月資訊）

大阪御好燒店

御好燒係大阪嘅靈魂食物。基本款嘅大阪燒，係將高湯放入麵粉，再加入椰菜同豬肉等材料之後煎成。

想食得特別啲，推薦同御好燒一齊嗌埋「蔥燒」嚟食。如果想食蔥燒，推薦去「福太郎」、「山本蔥燒」。（截至2020年1月資訊）

烏冬、日式定食等餐廳

以下介紹大阪一啲平價嘅日式餐廳。推薦午餐時段去食，價格比較平。

其中，「象印食堂」係象印開設嘅餐廳。象印係食物調理用品、家電用品嘅日本製造商。（截至2020年1月資訊）

大阪的咖啡店

大阪市中有好多咖啡店，例如，有喺大阪府為中心而開設多間日式咖啡店嘅「英國屋」一號店（第一間店）等等。仲有好多可以食鬆餅、法式薄餅（Galette）等餐點嘅咖啡店。

咖啡店遍布於大阪府內各地，其中以大阪梅田站周邊最多。第二多嘅地區係難波站、本町站周邊。

大阪梅田站係大阪車站同多條地下街、行人天橋相連形成嘅車站。喺大阪觀光行程開始前或回程時，如果去大阪梅田站，附近都可以好易搵到咖啡店。例如，充滿時尚氣氛嘅「café & books bibliotheque」、「Creperie Stand Chandeleur」都係打卡影熱嘅熱門咖啡店。

獨特主題餐廳

大阪有好多充滿個性嘅主題式餐廳。每一間都可以讓你進入非日常、獨特世界觀嘅地方。

「Square Enix Café 大阪」係以Square Enix嘅遊戲為主題嘅餐廳；「Cafe Anamune」以醫院診所為主題，以量杯裝飲品；而「加油站居酒屋 堺筋本町給油所一號店」就以油站作為主題，店內有一個入油機造型嘅飲料供應器。（截至2020年1月資訊）

米芝蓮星級餐廳

大阪嘅米芝蓮餐廳包含必比登（Bib Gourmand）推薦嘅餐廳共有208間。以下為大家介紹幾間高評價嘅餐廳。

（截至2020年1月資訊）

獲得高評價嘅店鋪以西式餐廳居多。HAJIME、Fujiya 1935同La Cime都係套餐形嘅料理。另外，「鮨 原正」係日本料理餐廳，如果有時間就推薦要去試吓，菜單任全由主廚安排。（截至2020年1月資訊）

大阪早餐店

喺大阪有各式各樣嘅早餐可以享用，從酒店嘅自助餐到一般餐廳嘅早餐都有，可以隨你當日心情去揀食乜！

GARB MONAQU同Fluve嘅營業時間從朝早7點開始，如果係一大清早去到大阪就可以去食返個美味早餐先！GARB MONAQUE提供麵包配沙犁律嘅套餐；Fluve提供包含100種日式同西式菜餚嘅自助式早餐。Fluv係位於大阪格蘭比亞大酒店內嘅餐廳。（截至2020年1月資訊）

大阪著名甜品店

喺大阪仲可以食到各種甜品，例如，只有喺大阪先食得到嘅絕品芝士蛋糕，同埋裏面有大量水果嘅芭菲等等。

想食芝士蛋糕嘅話，推薦去「Rikuro老爺爺嘅店 難波本店」（りくろーおじさんの店 なんば本店）；而水果巴菲嘅話，推薦「salon de thé Plaisir」（サロン・ド・テ プレジール）。

另外，其他甜品店提供嘅甜品價格依餐點而異，大約喺220〜2,000日圓之間。（截至2020年1月資訊）

大阪的酒店

大阪嘅觀光景點比較集中，除咗港灣區，其他景點集中喺大阪中央地區。如果你主要去港灣區玩，最好揀附近嘅酒店。如果唔係港灣區嘅話，住喺其他任何地方都好方便。

大阪約有1,300間酒店，提供約96,000間客房。距離任何一區都唔遠嘅中央區有最多酒店選擇，其次係大阪車站所在嘅北區，同新大阪站所喺嘅淀川區。（截至2019年7月資訊）

四星級及五星級酒店

大阪每區都有四星級同五星級嘅酒店，有好多連鎖高級酒店。最低嘅價位預算係一晚6,000～40,000日圓。（截至2020年1月資訊）

經濟型酒店

好多經濟型酒店都位於車站附近，交通便利。由於每個區域都有經濟型酒店，可以根據觀光目的地來揀合適嘅酒店。最低價格約為每晚3,600～10,000日圓。

另外，都有一啲酒店唔似經濟型酒店咁平，每晚價格約22,500日圓起。例如，大阪萬豪都酒店 （大阪マリオット都ホテル）。（截至2020年1月資訊）

膠囊旅館

大阪嘅膠囊旅館集中於難波、心齋橋之間。一晚約2,000～5,000日圓。（截至2020年1月資訊）

如果想住喺充滿現代和風嘅膠囊旅館，推薦J-SHIP大阪難波。另外，以上介紹嘅所有膠囊旅館都設有女性專用樓層，女性可以放心入住。

Airbnb或青年旅館

大阪嘅難波附近有好多Airbnb同Guesthouse。價位通常係一晚2,000到4,000日圓。

另外，市區仲有好多平價嘅青年旅館，而且時尚又充滿個性。例如，AZ HOSTEL、ARK HOSTEL＆CAFE DINING、FON-SU bed&breakfast、THE DORM Hostel Osaka等，一晚大約2,500至5,000日圓。（截至2020年1月資訊）

獨特嘅概念酒店

大阪都有唔少概念酒店。其中有好多出同角色聯名嘅房間，毛巾同牆壁上都可以睇到相關設計。

主題式套房比標準房間貴啲，價格從10,000至52,000日圓不等。（截至2020年1月資訊）

情趣酒店

大阪市大約有180間情趣酒店。按地區劃分嘅話，難波、梅田、天王寺同紅燈區都有好多。一晚價格約為6,000至7,000日圓。（截至2020年1月）

大阪著名嘅溫泉區同溫泉日式旅館

大阪市無大型溫泉地，但喺各地都有獨具趣味嘅獨棟溫泉旅館。各旅館都有獨家嘅特色溫泉。

大阪相關交通資訊

以下整合咗從大阪前往日本各地嘅交通資訊。

搭巴士或電車遊大阪比較方便！

喺大阪旅行，買張可以任搭巴士或電車嘅周遊券就更方便抵玩。「大阪周遊券（大阪周遊パス）」可無限任搭大阪市內嘅私鐵、地下鐵同巴士。而「大阪一日券（大阪1日パス）」可以無限任搭大阪地鐵同大阪城市巴士嘅所有路線。另外，JR列車同大阪地下鐵都有推出各種優惠票券。

• 訪日旅客必讀！鐵路&公車超值票券總整理【關西地區篇】

大阪國際機場或關西國際機場，邊一個比較方便？

從關西國際機場或大阪國際機場（伊丹機場）去大阪市中心有唔同嘅優點同缺點。大阪國際機場位於大阪中心附近，而關西國際機場遠啲。不過要留意嘅係，雖然大阪國際機場被稱為國際機場，但實際上並無國際線航班，多數來回海外嘅國際航班都係飛去關西國際機場，而通常香港出發嘅航班主要都係飛去關西國際機場，查交通資訊時要留意喇。

從機場或日本各地前往大阪市

從關西國際機場去大阪市好方便，從機場搭JR關西空港線快速列車即可輕鬆抵達，去JR大阪站約需1小時15分鐘。

從日本各地主要車站或主要觀光地前往大阪嘅交通資訊

從日本國內主要觀光地方前往大阪嘅交通方式如下。

往返大阪同東京嘅交通方式

往返東京同大阪，有多種交通方式。包括來回東京同大阪嘅高速巴士、內陸航班，或者東海道新幹線。

乘搭巴士

高速巴士係來往東京同大阪之間最平嘅交通方式。搭夜巴單程需時約8至9個鐘，喺車上瞓一覺到到喇！而最受歡迎嘅巴士係JR巴士同WILLER EXPRESS，單程票價4,000到10,000日圓左右。

乘搭飛機

搭飛機從東京到大阪係兩個城市之間最快嘅移動方式之一。乘搭日本廉航航班，從東京到大阪單程機票唔使9,000日圓，只需一個半鐘就到。但請留意，從機場出市區嘅交通費都唔平，可能加加埋埋同新幹線票價差唔多呢。

乘搭新幹線

而來回東京同大阪嘅新幹線每日有好幾個班次。車程可能因搭嘅車種而唔同，單程通常唔使4個鐘。買咗JR Pass嘅旅客，可以搭Hikari號（ひかり号）或Kodama號（こだま号），但唔適用於Nozomi號（のぞみ）。

如果無買JR Pass，搭Nozomi號就可以最快到達。單程只需約兩個半小時，中途只會停名古屋站同京都站。單程票價為約14,500日圓。