大阪櫻花係日本最受歡迎嘅賞櫻聖地之一。都會區嘅公園內都種有大量嘅櫻花樹，喺大阪櫻花樹下享受春天，係日本旅行嘅絕佳方式。
大阪最佳賞櫻景點
大阪賞櫻嘅最佳景點係大阪城以及其周圍地區。種咗超過3,000棵櫻花樹，大阪城公園成為一片粉紅色海洋，多彩繽紛、大飽眼福。
大阪城
大阪城係賞櫻嘅熱門景點，嚟享受「花見」嘅人潮總係多不勝數。
「花見」(音讀Hana-mi)係一種日本傳統習俗，通常會同家人或朋友一齊去公園，欣賞盛開櫻花嘅同時，喺樹下鋪上地毯野餐。日語中，「Hana」嘅意思係“花”，「mi」嘅意思係「看」或「觀看」，將兩個單詞放埋一起，就變成「賞花」嘅意思。
毛馬櫻之宮公園
大阪另一個賞櫻熱點係毛馬櫻之宮公園。為一座位於大川河岸、精心設計嘅公園，園內有5000多棵櫻花樹。雖然草地區經常被「花見」嘅人潮佔據，但係「櫻花樹步道」相對比較寬闊，可以睇倒沿住河岸滿開嘅櫻花。
交通方法
要前往大阪城及毛馬櫻之宮公園，只需乘搭大阪環狀線。於森之宮站落車，步行6分鐘即可抵達大阪城公園。
若要去毛馬櫻之宮公園，於櫻之宮站落車後步行5分鐘，就會發現自己被粉紅色櫻花包圍。
大阪櫻花季
大阪有兩個絕佳景點可以欣賞盛開嘅櫻花，享受傳統嘅日本櫻花祭典。
淀川河川公園
淀川河川公園係一個賞櫻秘境。公園內約有250棵櫻花樹。盛開時期，公園內嘅步道被染成一片粉紅色，美麗嘅場景就好似夢一樣。於公園步道嘅盡頭有櫻花祭典，有多個食物攤位，包括啤酒、串燒及章魚燒等常見祭典小食。
景點資訊
- 名稱: 淀川河川公園
- 地址: 大阪府守口市外島町7-6
- 交通: 於京阪電鐵「守口市」站（東口）落車後步行15分鐘
大阪萬博紀念公園
大阪萬博紀念公園係賞櫻嘅另一個好去處。公園內約有超過5,000棵櫻花樹，晚上有特別嘅夜櫻點燈。呢度有一個露天手工藝品市場，公園裡有Live音樂表演，仲有美味嘅小食攤販。
公園由09:30開放，到21:00閉園。夜櫻由18:00開始，點燈長達三個小時。
景點資訊
- 名稱: 大阪萬博紀念公園
- 地址: 大阪府吹田市千里萬博公園1-1
- 交通: 於大阪單軌電車「萬博紀念公園」站落車
最佳出發時機
於櫻花季節前後旅遊，很難決定確切嘅出發時間，因為櫻花會喺3月下旬到4月上旬任何時候開花。2018年，所有櫻花盛開嘅時間比預期提前一周，令好多人失望。
你可以做嘅就係將大阪旅行時間最大化，預定4月初住宿，為咗嘅就係睇倒櫻花盛開。通常櫻花會喺4月1日左右達到盛開高峰，於此日期前出發會比較保險。
Comments