造訪日本大阪梅田藍天大廈

高達173米嘅梅田藍天大廈可以講係大阪市中心嘅景觀地標。梅田藍天大廈於1993年開業，並成為好多遊客到大阪旅遊時造訪嘅目的地之一。

關於梅田藍天大廈

根據早期嘅計劃，梅田藍天大廈原本預計建造四座大樓，但由於1980年代後期嘅經濟衰退，計劃更改為建造兩棟大樓，並以空中庭園展望台連接兩棟大樓。

梅田藍天大廈由日本嘅建築家・原廣司（Hiroshi Hara）設計，原廣司已設計過京都車站及北海道札幌巨蛋。自開業以來，梅田藍天大廈已成為大阪嘅特色地標。

梅田藍天大廈空中庭園展望台位於兩座大樓嘅頂樓。雖然沒有樹木或真正嘅花園，但從環形展望台可以瞭望欣賞倒大阪市區街景係不容錯過，亦可以幫助你搵倒更多嘅旅遊目的地前往探索。

梅田藍天大廈空中庭園展望台位於39樓、40樓。可欣賞令人驚嘆嘅360度全景城市景觀及遠望至淡路島嘅景色，相當值得你光臨造訪。

來到梅田藍天大廈40樓嘅空中庭園展望台，可以喺咖啡廳「cafe SKY 40」小休，喺屋頂區域令你可以一覽整個城市景觀，同時感受微風吹拂你的髮梢。呢個會係你所見過日本最壯觀嘅景點之一。

當你參觀梅田藍天大廈時，要喺呢邊搵個餐廳食飯並唔難。喺兩座大樓同連接嘅地下街都有好多餐廳，可滿足遊客們嘅味蕾。

位於地下1樓嘅「瀧見小路」美食街重現咗1920年代日本昭和時代嘅氣氛，好多餐廳都係復古風格，帶你穿越時光回溯大阪嘅歷史。

推薦呢間位於地下1樓「瀧見小路」美食街11號店舖位置嘅「きじ」（Kiji）大阪燒，讓你喺欣賞美景之前盡情享用大阪當地嘅美食。以實惠嘅價格享受美味嘅大阪燒，而唔會太傷你荷包喔。要比較留意嘅係位置可能有啲難搵倒。可點此參考官網樓層圖介紹

梅田藍天大廈欣賞倒嘅夜景係好壯觀。由於日本所處緯度較高，日落時間較早，好早就變天黑，所以前往梅田藍天大廈空中庭園展望台並欣賞大阪夜景唔會令你嘅行程去到太夜，其餘嘅時間你仲可以享受大阪市中心嘅夜生活。

若你想前往梅田藍天大廈參觀，你需要瞭解一些基本資訊。以下提供梅田藍天大廈嘅開放時間、如何前往空中庭園展望台以及所需嘅門票費用。

梅田天空大廈各樓層嘅營業時間有所不同，取決於你想去嘅地方同你想睇嘅景點。位於地下1樓嘅「瀧見小路」美食街，每間餐廳嘅營業時間、午餐及晚餐時段建議先到官網查看。

如果你想前往空中庭園展望台，開放時間為上午9點半至晚間10點半，最終入場時間為晚間10點。另外，39樓同40樓嘅商店係有唔同嘅開放時間，受旅客歡迎嘅紀念品商店「UMEDA SKYBLDG GALLERY SHOP」（位於空中庭園39樓）營業時間為10:00～22:00。

乘搭連結兩棟大樓嘅透明扶手電梯本身亦係一種享受，可以話係世界上最高嘅自動扶手電梯之一。當你乘搭扶手電梯前往空中庭園展望台時，你會覺得自己好似懸掛喺兩棟大樓之間嘅空中，從左右兩側都可以欣賞倒大阪市區嘅壯觀景色。

進入梅田藍天大廈或瀧見小路美食街不需要付費，若要前往空中庭園展望台則需要購買門票。

票價為大人1,500円（身心障礙者750円）、4歲～小學生700円（身心障礙者350円）。