大阪冬季旅遊

同日本其他地方唔同，大阪嘅冬天唔會好似你期望咁成片雪白世界，大阪每年凈係落少量嘅雪。因此，冬季探索大阪變得容易，只需要帶上保暖功效好一啲嘅衫就可以盡情遊玩！

大阪冬季景點

由於無積雪，冬季喺大阪可以觀光嘅景點同其他季節大致相同。雖然係咁講，喺冬季期間都有各種冬季活動可以玩！

12月下旬意味著全世界同一件事。無錯，就係「聖誕節」！日本人非常鐘意聖誕節，即使唔似歐美國家將聖誕節作為宗教同家庭節日，日本藉由各種聖誕特別活動，以自己嘅方式慶祝呢個節日。

聖誕節前夕嚟到大阪城，可以參加一年一度嘅「Santa Run」。俾3000円嘅入場費，就可以著上聖誕老人嘅服裝進入公園，其餘嘅費用將捐俾兒童慈善機構。喺日本最具歷史意義嘅地方打扮成聖誕老人跑步係一個非常唔錯嘅體驗。

冬天嘅大阪日本環球影城™

大阪環球影城成個冬季都會開放，但由於缺乏溫暖嘅陽光，會提早喺下午5點閉園。聖誕節期間，園區內會裝飾一啲聖誕燈飾，主要廣場附近會有一棵大聖誕樹。

冬季嘅日本環球影城™主要景點係哈利波特區嘅魔法世界。霍格莫德村全年以冬季為主題，喺冬季，季節同聖誕裝飾更加係成功渲染氣氛。甚至仲有一棵識得施魔法嘅聖誕樹？！

大阪冬季燈飾係寒冷時期訪問當地嘅一大亮點。好多地方都會有自己嘅燈飾Show，道頓堀嘅霓虹燈喺冬季更顯美麗動人。

大阪海遊館可以睇到一啲壯觀嘅燈飾。海遊館冬季燈飾使用超過一百萬盞燈，並以海洋生物為主題。燈飾每年通常喺11月底開始到第二年嘅3月。

喺難波同梅田區，禦堂筋街道燈飾超過4公里。而呢度亦係「大阪光之文藝復興」嘅一部分，其使命係令大阪成為「水與光嘅首都大阪」。「大阪光之文藝復興」第二部分喺大阪市中心舉行，燈飾會投影到大阪市中央公會堂。

大阪冬季溫度低，一夜之間可能降到零度以下。雖然無京都咁凍，但大阪日頭嘅平均氣溫只係得攝氏6度左右。

冬季嘅平均高溫約為攝氏10度，平均低溫為攝氏3.2度左右。

關於日本旅遊需要注意嘅一點係日間陽光溫暖時間好短。喺冬天嗰陣，大阪平均嘅日落時間為下午5點左右，太陽落山後，溫度急降，記得穿上保暖嘅外套、衫同鞋，注意唔好冷親。或者，經過當地嘅Uniqlo ，購買一啲可以保持身體溫度嘅保暖衣，令你喺大阪旅遊嗰陣身體得以保持溫暖啦。