六本木係東京最知名嘅熱鬧街區之一，其中更以複合設施六本木Hills（Roppongi Hills）同東京中城（Tokyo Midtown）最為人知，吸引好多旅日遊客前往造訪。位於六本木嘅推薦住宿首推奢華高級嘅東京君悅酒店（Grand Hyatt Tokyo）同東京麗思卡爾頓酒店（The Ritz-Carlton, Tokyo）。而喺六本木Hills同東京中城徒步可達範圍內，亦有多間價位較為平易近人嘅旅館，令六本木成為前往東京旅遊嘅遊客選擇住宿嘅推薦地區之一。就等我哋嚟一齊睇睇呢幾間位於六本木嘅精選推薦旅館啦！
六本木奢華住宿：東京麗思卡爾頓酒店
東京麗思卡爾頓酒店（The Ritz-Carlton, Tokyo）係位於東京中城其中一棟摩天大樓之中嘅豪華大酒店。客房位於高樓層，從房間欣賞到嘅景色相當壯觀；房客甚至可以欣賞到富士山！相當推薦晚間到頂樓嘅餐廳用餐，咁就可以一邊享用美食、一邊欣賞東京璀璨動人嘅夜景。仲有邊度會比咁嘅體驗更享受呢？
你可以選擇日本料理餐廳或者係西式餐廳，仲有酒吧提供服務。除此之外，亦設有SPA同健身房。寬敞嘅客房面積超過52平方米，為房客提供舒適奢華嘅住宿體驗。
相關資訊
- 名稱：東京麗思卡爾頓酒店（The Ritz-Carlton, Tokyo）
- 地址：東京都港區赤坂9-7-1 東京中城（Tokyo Midtown）
- 交通方式：都營大江戶線「六本木」站8號出口之地下通道直達。東京Metro地鐵日比谷線「六本木」站4A出口經過地下通道、或8號出口之地下通道直達。
處處充滿舒適溫馨嘅空間：東京君悅酒店
位於六本木嘅東京君悅酒店（Grand Hyatt Tokyo）交通地理位置便利嘅豪華酒店，鄰近購物商場、餐廳、電影院以及美術館等。共387間精緻客房，內裝採天然材質，提供房客溫馨舒適嘅氛圍。
喺呢度可以度過一段豪華嘅住宿時光、享受高品質床組、係寬敞嘅浴缸悠閒放鬆泡澡。酒店免費提供如Wi-Fi、健身房、泳池、按摩浴缸等等。東京君悅酒店附設有10間唔同風格嘅餐廳及酒吧，包含法式料理、壽司、魚生、以及其他日本料理。不妨喺日本之旅當中留下一段特別且豪華美好嘅回憶時光啦？
相關資訊
- 名稱：東京君悅酒店（Grand Hyatt Tokyo）
- 地址：東京都港區六本木6-10-3
- 交通方式：東京Metro地鐵日比谷線「六本木」站1C出口步行約3分鐘。都營大江戶線「六本木」站3號出口步行約6分鐘。
追求機能嘅APA酒店
APA酒店〈六本木站前〉係間知名嘅連鎖商務旅館、提供平易近人嘅合理房價，並且位處於交通便利嘅位置。所有嘅客房都提供50吋液晶電視同免費Wi-Fi無線上網。寬140cm嘅雙人床讓你嘅住宿過夜更加舒適！APA酒店提供舒適環境，房客仲可以向櫃檯借用空氣清淨機、加濕器，床頭提供集中插座，房間嘅遮光窗簾令你擁有優質睡眠。
位於一樓嘅餐廳"Wine Bar COMER & TOMAR"提供住宿房客可以喺呢度享用早餐，以及其他時段餐點。附近亦有APA酒店〈六本木一丁目站前〉可提供住宿選擇。
相關資訊
- 名稱：APA酒店〈六本木站前〉
- 地址：東京都港區六本木6-7-8
- 交通方式：東京Metro地鐵日比谷線、都營大江戶線「六本木站」步行約1分鐘
放鬆和治癒：the b 六本木
the b 六本木（the b roppongi）酒店距離六本木車站僅有1分鐘路程，對於嗰啲尋找鄰近六本木Hills、東京中城、國立新美術館之優質住宿嘅旅客嚟講，係一個唔錯嘅選擇。客房採簡單別緻嘅時尚設計，並提供舒適嘅環境設備。館內提供免費Wi-Fi無線上網，房客可以愜意喺大廳休息並享用自由暢飲嘅現沖咖啡。
相關資訊
- 名稱：the b 六本木（the b roppongi）
- 地址：東京都港區六本木3-9-8
- 交通方式：都營大江戶線「六本木」站5號出口步行約1分鐘。東京Metro地鐵日比谷線「六本木」站3號出口步行約2分鐘。
只要搵到一個可以過夜睡覺嘅地方就得？咁就嚟First Cabin西麻布
First Cabin西麻布（First Cabin Nishiazabu）係一間新型態嘅膠囊旅館，有4種房型（客艙）可供選擇。膠囊旅館提供簡單嘅住宿，法律上規定個室唔可以上鎖。不過，有捲簾隔開以確保個人隱私。
該旅館嘅內部裝潢設計係以飛機嘅頭等艙為主題，提供入住者高級奢華嘅體驗。住宿區域分成男性專用及女性專用，俾入住嘅房客可以放心休憩。廁所、浴室、洗手間為共用。基本房型均設有24吋液晶電視同保險箱。雖然個人空間較小，但相當推薦俾希望喺六本木尋找平價住宿嘅旅客。此外，亦提供幾個鐘短暫休息嘅方案。
相關資訊
- 名稱：First Cabin西麻布
- 地址：東京都港區西麻布3-24-20
- 交通方式：都營大江戶線「六本木」站3號出口步行約9分鐘。東京Metro地鐵日比谷線「六本木」站1a出口步行約8分鐘。
Comments