大阪明治之森箕面國定公園

位於大阪北部嘅箕面市，低調嘅箕面公園以其美麗嘅自然景觀令遊客眼睛為之一亮。旅客不辭千里嚟到箕面公園，為嘅就係欣賞秋天嘅紅葉同公園嘅主要景點，一個大型嘅天然瀑布。

發現箕面公園之美

箕面公園係一個位於箕面山嘅準國家公園。全名為明治之森箕面國定公園，以慶祝公園喺1967年明治100週年之際獲得準國家公園認定。雖然箕面公園係日本所有準國家公園中第二細嘅公園，但其旅遊魅力一啲都唔會少。

箕面公園係東海自然步道嘅終點，呢條健行山徑一直延伸到東京嘅明治之森高尾國定公園。東海自然步道橫跨11個縣、全長1,697公里，徒步行完全程大需要50日。想挑戰嘅人，建議選擇春季或秋季，因為日本嘅夏季同冬季天氣非常嚴苛。

大自然景觀係箕面公園最大嘅特點。公園嘅天際線喺秋天嘅時候被染成美麗嘅紅黃色；春季同夏季係甜美嘅綠色。喺公園入面有好多野生動物，喺公園步行嘅時候，有可能會睇到佢哋嘅蹤影。可能你會受到馬騮同鹿嘅歡迎，但由於受到日本法律嘅保護，小心唔好太靠近佢哋。

箕面公園嘅主要景點係箕面瀑布，高33m，寬5m。從箕面站步行約3公里，大約需要45分鐘。途中會遇到一座建於658年嘅佛寺，瀧安寺。

當沿著步道走向瀑布嘅時候，會發現好多唔同嘅景點。有傳統嘅主題餐廳、購買紀念品嘅地方，甚至仲有可以了解當地野生動物嘅景點。秋天嗰陣仲可以品嚐當地秋季特產「炸楓葉」點心。

不幸嘅消息係，無法使用JR Pass從大阪到箕面公園。前往箕面站嘅列車由阪急電鐵經營，係一間當地私營鐵路公司，唔隸屬於日本鐵路，因此唔可以使用日本鐵路車票。

幸運嘅係，前往箕面公園嘅交通非常簡單而且便宜。如果住喺大阪，請從阪急梅田站前往寶塚線嘅石橋站。到達石橋站之後，轉乘阪急箕面線到箕面站。只需要25分鐘即可到達石橋站，費用為270円。

從車站出發，可以從箕面公園嘅第一條小徑開始，欣賞當地景點。勝尾寺靠近公園東北部嘅入口，係一座擁有1200年歷史，滿載可愛達摩不倒翁嘅佛教寺院。

喺夜間探索箕面公園係體驗呢個景點嘅絕佳方式。公園內嘅酒店同溫泉全年開放，喺呢度入住，探索公園嘅夜晚、欣賞日出美景。夏季嘅其中幾個月份，箕面瀑布會有夜間點燈SHOW，秋季則可以欣賞五顏六色嘅樹葉。