京都三大祭典中歷史最年輕嘅「時代祭」每年10月22日於京都平安神宮舉行，當日巡遊隊伍會從京都御所繞行到平安神宮。喺呢個京都秋天傳統嘅活動中，你可以透過街頭華麗嘅古裝巡遊，欣賞京都各個時代嘅傳統工藝並感受歷史嘅氛圍。
時代祭概要
時代祭喺日文有「歷史祭典」嘅意思，每年10月22日於舉行。呢一日同時係京都嘅創建紀念日。遊行隊伍嘅參與者，會穿上代表日本歷史各時代嘅經典服裝，或打扮成出名嘅歷史人物。遊行隊伍人數大約2000人，當日會從京都御所繞行到平安神宮。如果想睇曬成個流程，大約需要兩個鐘。
經過嚴格考究，忠實復原嘅歷史服裝同道具，展現咗京都傳統、精湛嘅工藝技術。喺古色古香嘅京都街頭觀賞，彷彿乘搭時光機返回古代。對於造訪京都嘅外國旅客嚟講，呢個係一個可以了解日本歷史時代特色嘅好機會。
時代祭由來
時代祭源自於1895年(明治28年)管理與保存平安神宮文化嘅「平安講社」，為紀念桓武天皇遷都到京都1100周年，以及平安神宮嘅創建而創立嘅祭典。除第一年喺10月25日舉辦，之後都喺桓武天皇遷都平安京嘅當天，即係京都嘅生日—10月22日舉行。
為咗讓祭典內容更豐富更盛大，於是就有重現歷史古都生活與風俗嘅諗法。祭典採取呈現日本各時代著名人物嘅「朝代遊行」(日文為「時代行列」)形式嚟舉行，故有「時代祭」之稱。
時代祭睇頭：巡遊隊伍
時代祭嘅隊伍按照京都作為首都嘅8個年代進行扮裝巡遊：明治維新時代、江戶時代、安土桃山時代、室町時代、吉野時代、鎌倉時代、藤原時代、延曆時代（從較近時代回溯到較古老時代）。
1. 明治維新時代
- 隊伍名稱：維新勤王隊列、維新志士列
- 人物扮裝：桂小五郎、西郷吉之助、坂本龍馬等志士英姿再現。
2. 江戶時代
- 隊伍名稱：德川城使洛列、江戶時代婦人列
- 人物扮裝：當時著名嘅女性，好似係和宮（孝明天皇妹妹）、吉野太夫（京都名妓）、出雲阿國（歌舞伎創始人）等等。
3. 安土桃山時代
- 隊伍名稱：豐公參朝列、織田公上洛列
- 人物扮裝：織田信長、羽柴秀吉等等。
4. 室町時代
- 隊伍名稱：室町幕府執政列、室町洛中風俗列
- 人物扮裝：足利將軍、三管領、四職等武士嘅造型。
5. 吉野時代
- 隊伍名稱：楠公上洛列、中世婦人列
- 人物扮裝：淀君（淺井長政女兒、豐臣秀吉側室）等等。
6. 鎌倉時代
- 隊伍名稱：城南流鏑馬列
7. 藤原時代
- 隊伍名稱：藤原公卿參朝列、平安時代婦人列
- 人物扮裝：清少納言（枕草子作者）、紫式部（源氏物語作者）等。
8. 延曆時代
- 隊伍名稱：延曆武官行進列、延曆文官參朝列
- 人物扮裝：有坂上田村麻吕等武官及其他文官。
景點資訊
- 名稱：京都時代祭
- 地點：京都御所→平安神宮
- 時間：10月22日
- 交通方式：
- 京都御所：地下鐵烏丸線 今出川站步行5分鐘。
- 平安神宮：從JR「京都」站乘搭市營巴士5號、洛巴士100號或110號至「岡崎公園 美術館・平安神宮前」落車，向北步行5分鐘。
- 費用： 免費（付費觀覽席 2,050円）
Comments