喺京都西部，距離市區30分鐘就可以抵達嵐山。呢個地區有國家指定嘅歷史遺址同紀念碑，自西元800年開始，一直都係非常受歡迎嘅旅遊景點，連貴族都鐘意前往嵐山，享受當地嘅自然美景。如今，嵐山以其竹林、嵐山猴園及各種設施而聞名，今次小編就要帶大家一探究竟！
穿過嵐山竹林
嵐山竹林係個值得一遊嘅景點。入口處位於天龍寺附近，雖然只係普通嘅竹，但當你沿著步道行走，兩旁茂密嘅竹林，遮擋咗陽光，被大自然綠蔭所包圍，感到身心舒暢。
最好嘅觀賞時間係喺太陽啱啱升起嘅清晨，喺竹林內比較可以睇得清楚道路，而且清晨嗰陣陽光喺竹之間穿越，影出嚟嘅相亦都充滿朦朧夢幻感。
可以從嵐山嘅主要街道進入嵐山竹林小徑。如果從京都市中心出發前往，可以乘搭嵯峨野線從京都站到嵯峨嵐山站落車，再步行10分鐘即可到達竹林。
景點資訊
- 名稱：嵐山竹林小徑
- 地址：京都府京都市右京區嵯峨小倉山田淵山町
- 交通方法：嵯峨嵐山站步行15分鐘
嵐山猴園嘅雪猴
以受歡迎嘅日本動漫「K-ON！輕音部」為特色，嵐山猴園，亦被稱為「嵐山岩田猴園」，係京都去睇馬騮嘅必遊之地。園內多達170隻得意可愛嘅日本獼猴，亦被稱為「雪猴」，雖然係野生，但可以購買園內商店販賣嘅飼料餵佢哋。
但請小心，馬騮會爭相圍著你，請做好心理準備！前往猴園途中有一個陡峭嘅山丘，可以俯瞰京都壯麗嘅景觀。
要前往猴園，可以喺阪急嵐山站落車步行5分鐘，或者從JR嵯峨嵐山步行15分鐘到達。猴園嘅入場費成人為550円，兒童則係250円。營業時間為冬季上午9點至下午4點，夏季時間則開放至下午5點。
相關資訊
- 名稱：嵐山猴園
- 地址：京都市西京區中尾下町61
- 交通方法：阪急嵐山站步行5分鐘, 京福嵐山站步行5分鐘, JR嵯峨嵐山站步行15分鐘
入住豪華嘅嵐山辨慶旅館
嵐山最好嘅旅館莫過於坐落於大井川嘅嵐山辨慶旅館。呢度提供唔同嘅住宿方案，包括附餐方案，酒店會將早餐同晚餐送到你嘅房間，以及使用館內溫泉嘅方案。
如果你係旅館嘅客人，仲可以每次以150円享用溫泉。位於嵐山嘅中心地帶，嵐山辨慶旅館係你理想嘅下榻之地。
相關資訊
- 名稱：嵐山辨慶旅館
- 地址：京都市右京區嵯峨天龍寺芒之馬場町34
- 交通方法：嵯峨嵐山步行15分鐘, 京福電鐵嵐山站步行5分鐘
發掘嵐山嘅旅館
嵐山嘅中央地帶有好多旅館。對於奢侈型嘅客人，可以入住渡月亭。旅館提供日式客房，並內附私人溫泉浴池。
對於經濟型旅客，可以入住大山 Guesthouse京都，客房價格較為合理，而且提供各種便利設備。
沉醉於嵐山嘅溫泉中
喺山區嘅猴園同竹林之間漫步咗成日之後，可以選擇一間嵐山溫泉浸泡舒緩疲勞。花筏旅館可以欣賞到渡月橋，大井川河畔愛宕山嘅美景，選擇房價高一啲嘅入住方案更可以喺房間享受傳統風格嘅用餐體驗。
另一間溫泉天山之湯雖然無得欣賞風景，卻係京都首個提供「氯化鈉、氯化鈣泉水」。價格較實惠，不過離嵐山中心地帶稍為遠一啲。
我應該使用邊個嵐山車站呢？
如果計劃前往嵐山，咁需要知道喺邊個嵐山站落車。如果從京都乘搭JR線前往嵐山嘅話，咁最好搭山陰本線喺嵯峨嵐山站落車。之後可以乘坐小火車一站到嵐山站或步行到目的地。
如果唔想行太多路，咁乘坐阪急線就最適合。從京都站乘坐京都地鐵烏丸線到四條站落車，行到去烏丸站轉乘阪急京都線電車，喺桂站落車，然後喺車站內轉乘阪急電鐵嘅嵐山線即可到達目的地。
Comments