身於千個美麗鳥居中感受京都伏見稻荷神社之美

伏見稻荷神社以境內美麗鳥居聞名於全世界, 無論對於遊客定當地人都係一個好有人氣嘅旅遊景點。地點又方便易去, 去到又有一個好機會影到靚相, 仲有條行山路徑添, 所以如果去京都旅行, 一去要去伏見稻荷神社一遊先不枉此行呀!

有關伏見稻荷大社呢個神社

伏見稻荷神社原名係伏見稻荷大社, 係一個供奉屬於米神嘅稻荷神嘅神社。你可以喺伏見稻荷神社見到幾千個小神社同埋鳥居, 即係大家都可以喺電影或者動漫睇到嗰個千本鳥居呀。

有好多鳥居其實都係由商界或者個人捐款出錢打造嘅。建造一個鳥居需要捐款40萬至100萬不等。不過如果作為遊客只係想略盡綿力嘅話都有其他小額捐款嘅。

伏見稻荷神社嘅行山路徑亦好出名, 可以行到去山頂。由神社主要區域來回山頂平均需時2個鐘, 不過都因應每個人嘅身體狀況而有所差異㗎, 所以記得帶多啲水去行山呀。

雖然有好多神社夜晚都會關閉, 但係伏見稻荷神社就係一個廿四個鐘都開放俾公眾, 任何時間去參觀境內都得。

亦正正因為佢連夜晚都開放, 咁就提供咗一個好機會去影神社嘅夜貌, 仲可以趁夜晚少啲人去可以避開人潮, 唔使咁迫添。

喺晏少少人潮散去, 咁你就可以悠遊地行千本鳥居, 唔使俾團體遊客或者其他遊客擋住。不過建議當過咗日落, 天開始暗果時, 就要走喇。因為當天黑唒嗰時條路會好難行。

相傳喺古時700年時稻荷神開始鎮座於伏見稻荷神社。而喺942年, 呢間神社被提升為最高正一位神階, 係神道神社嘅最高等級，並且係日本所有稻荷神社之首。

喺1468年, 因為「應仁之亂」嘅關係而令到當地好多神社或者建築物被燒燒燬, 並喺1499年重建。而喺1589年豐臣秀吉就捐款建造樓門, 而呢座樓門就係你一去到就見到嗰道門。

而咁多年後, 伏見稻荷神社都已經被列入為日本國寶(現為日本重要文化財), 仲喺2011年奉祝神明鎮座1300年。雖然經過咁多年有好多建築物都被重建過, 但呢間神社仲係好值得大家去參拜一下㗎。

雖然24小時開放時間係好吸引, 之但係如果你去嘅時候, 神社內有參拜儀式或者係舉行緊慶典嘅話, 咁好可惜只能夠喺朝早8點半至下午4點半可以入內參觀到喇。

通常神社最人頭湧湧會係喺朝早10點至下午5點。呢個時段會有好多人聚集喺神社內主要觀光區域同埋行山路徑都會有好多人。

總括嚟講, 如果想影靚相, 就建議喺較早時間去參觀神社喇。可能都會有人想夜啲時間去, 但都溫馨提示入黑後有啲路無街燈所以摸黑搵路都幾難行㗎。

景點資訊