京都・宇治春天嘅寧靜享受：櫻花與茶加上平等院鳳凰堂嘅組合

宇治嘅位置喺京都南邊，係茶葉嘅知名產地。春天可以欣賞到美麗嘅櫻花。仲有寺院、神社，日幣10円硬幣上嘅世界遺產・平等院鳳凰堂，可以欣賞到四季唔同風景嘅宇治川等，相當多有睇頭嘅景點。從京都站前往宇治嘅交通方式相當方便，主要嘅觀光景點步行就可以前往。不妨將觀光行程衍伸到歷史與茶葉嘅街道・宇治。

春天嘅宇治由美麗櫻花與鳳凰堂相互輝映

要前往宇治市，從京都站乘搭電車約30分鐘左右即可抵達。附近有好多寺院與神社，當中最出名嘅係喺11世紀建造嘅平等院鳳凰堂。到咗春天，平等院會有各種類嘅櫻花美麗綻放。庭園嘅池塘倒映出鳳凰堂與枝垂櫻嘅相互輝映相當美麗。一於喺庭園內悠閒地散步同賞花啦。

流經平等院附近嘅宇治川，從3月下旬到4月上旬可以欣賞到美麗嘅櫻花。從橫跨宇治川嘅橋上眺望過去嘅櫻花行道樹可以話係魅力十足。另外，可以乘搭宇治川觀光往返遊船，從船上優雅地賞花。邊悠閒遊覽邊享用餐點都係唔錯嘅選擇。

另外，宇治市係知名嘅綠茶產地，周邊建造一整排嘅店家販售茶葉與抹茶甜品等，相當受歡迎。亦有店鋪可以體驗製作以石臼揉捻出嚟嘅抹茶。

據聞宇治茶係從13世紀左右開始種植。有著長久歷史嘅宇治茶，不僅係種植，更活用獨自加工、混和技術，進而產出各式各樣嘅種類與高品質嘅茶。宇治茶指嘅係由京都師傅製造加工嘅茶，原料僅用京都與周邊3縣生產嘅茶葉。喺最適合種植茶嘅環境與獨自製造技術，進而產生出香味相當香嘅茶。

宇治周邊有數量相當多茶嘅專門店，各自販售講究嘅茶葉。請務必品嚐一下有800年以上歷史嘅宇治茶，非常適合用嚟當作手信。