京都嘅紅葉同櫻花嘅美麗，無人不知無人不曉。但係，冬天嘅京都都有一番風味。點燈後嘅京都充滿夢幻氛圍，非常具有魅力。運氣好嘅話，仲可以欣賞到化上白雪新妝嘅寺廟景色。
冬天嘅京都，體驗傳統活動！造訪有趣嘅景點
京都嘅冬天，會舉行幾項傳統活動。
筆始祭
1月喺北野天滿宮舉行嘅「筆始祭」，係一項祈求書法精進嘅祭典。
景點資訊
- 名稱: 北野天滿宮
- 地址: 〒602-8386 京都府京都市上京區馬喰町
- 交通方式: 乘搭市營公車在「北野天滿宮」站落車
- 活動舉辦日期：1月2日～4日
蹴鞠大會
下鴨神社嘅蹴鞠大會「蹴鞠はじま」呢項活動，一群人身穿五顏六色嘅傳統服飾一齊蹴鞠。蹴鞠嗰陣大聲喊叫嘅同時，為咗唔好俾鞠球落地，輪流將鞠球往上踢嘅氣勢，可謂魄力十足。
景點資訊
- 名稱: 下鴨神社
- 地址: 〒606-0807京都府京都市左京區下鴨泉川町59
- 交通方式: 從北大路站乘搭市營巴士約25分鐘，喺「下鴨神社前」或「糺之森前」站落車；從京都車站乘搭市營公車至下鴨神社前落車。
- 活動舉辦日期：每年1月4日
十日惠比須
惠比須神社嘅「十日惠比須」嘅舉辦期間為每年嘅1月10日以及前後各兩日。喺祭典期間會舉辦充滿新年氣氛嘅搗年糕等活動。而神社喺祭典舉辦期間，不分日夜全日開放，會睇到好多店鋪嚟呢度熱熱鬧鬧擺攤。
景點資訊
- 名稱: 京都惠比須神社
- 地址: 〒606-0811京都府京都市東山區 大和大路通四條下RU小松町125
- 交通方式: 乘搭京阪電車喺「祇園四條」站落車徒步6分鐘；乘搭阪急電車喺「河原町」站落車徒步約8分鐘
- 活動舉辦日期：1月10日以及前後各兩天
嵐山
除咗上述介紹，12月嗰陣，嵐山嘅渡月橋、竹林及寺廟等，嵐山區域一帶會舉辦點燈活動。燈籠透出嘅光打造出夢幻氣氛。呢段時間嚟嵐山，可以感受冬天嗰陣略為不同嘅嵐山魅力。
景點資訊
- 名稱: 嵐山
- 交通方式: JR「嵯峨嵐山」站、阪急電車「嵐山」站、嵐電「嵐山」站
- 活動舉辦日期：12月上旬
東映太秦映畫村
重現江戶時期嘅廣大外景而遠近馳名嘅「東映太秦映畫村」。冬天嗰陣，呢度會舉辦室內都可以玩得很開心嘅活動。喺呢度無論妝髮到服裝，完美地將你打扮成公主、舞妓、武士等角色，盡情享受正宗時代劇嘅裝扮。與其夏天嚟呢度體驗，比較推薦冬天嗰陣嚟，會比較涼爽。其他仲有忍者表演等，無論大人細路都可以玩得非常開心。
景點資訊
- 名稱: 東映太秦映畫村
- 地址: 〒616-8161京都府京都市右京區太秦東蜂岡町10番地
- 交通方式: JR「太秦」站徒步約5分鐘；嵐電「攝影所站前」站徒步約2分鐘
京都嘅冬天，保暖禦寒措施好重要
京都嘅冬天非常寒冷。特別係1月，係一年當中最寒冷嚴峻嘅時期。喺京都嘅山野間同日本海嘅北部都可以睇到積雪。京都市市區嘅天氣喺相較之下比較穩定，冬天大多數係晴天，旅行嗰陣想行遍觀光景點唔會有太大問題。
京都市同京都南部1月嘅平均氣溫，日頭喺10度上下，而清晨同深夜嘅氣溫有時會下降至接近0度。到咗1月下旬，更加寒風刺骨，建議做好充分嘅保暖禦寒措施。
喺戶外散步嗰陣保暖禦寒好重要。但參觀一啲室內設施嗰陣，如神社、寺廟等，需要脫鞋入內嘅狀況比較多，因此喺木板鋪設嘅地板同走廊等區域，都會令人感到寒冷，雙腳請務必做好保暖。
Comments