京都內遍佈多個著名賞櫻地方，例如係各式各樣美麗綻放嘅櫻花並木以及樹齡100年以上嘅櫻花樹等，處處景色都美不勝收。京都嘅櫻花每年會喺3月底開花，4月上旬盛開。想欣賞關西各具特色嘅美麗春天景色，京都就會係您嘅最佳選擇～
京都最佳賞花景點
鴨川
「河原町通」從北至南貫穿京都市內中心地區，從河原町通上往東邊行，就會抵達櫻花並木嘅一大著名地方—「鴨川」沿岸。盛開櫻花將河岸點綴得美不勝收，枝垂櫻與染井吉野櫻等各品種嘅櫻花一同綻放，令鴨川成為一處非常適合悠閒散步嘅賞花好去處。
景點資訊
- 景點名稱：鴨川
- 交通方式：
- 京都市巴士「四條京阪前站」落車後步行即可達
- 京阪電車「祇園四條站」落車後步行即可達
- 阪急電鐵京都線「河原町站」落車後步行約5分鐘
圓山公園
種植於八坂神社附近「圓山公園」園內中央嘅枝垂櫻，會於每年3月下旬到4月中旬盛開。開花期間，園內更會舉辦點燈活動，為櫻花樹譜上璀璨燈光。
景點資訊
- 景點名稱：圓山公園
- 地址：京都市東山區圓山町
- 交通方式：
- 京都市巴士「祇園站」落車後步行即可達
- 京阪電鐵「祉園四條站」落車後步行約10分鐘
- 阪急電鐵京都線「東山站」落車後步行約10分鐘
清水寺
數到京都著名賞櫻地方，又點少得著名「清水寺」！範圍種有約1000棵染井吉野櫻與山櫻等櫻花樹品種，每年最佳欣賞時期為4月上旬。期間內官方會開放夜間特別參拜，畀遊客盡情欣賞點上燈光嘅夢幻櫻花。
景點資訊
- 景點名稱：清水寺
- 地址：京都市東山區清水1丁目294
- 交通方式：
- 京都市巴士「五條坂站」、「清水道站」落車後步行約10分鐘
- 京阪電車「清水五條站」落車後步行約25分鐘
京都櫻花祭
每逢櫻花盛開時期，京都內多個著名賞櫻地方都舉辦活動！
乘坐十石舟遊覽
「岡崎疏水道」沿岸嘅櫻花會一直盛開至新綠盎然嘅月份。小編特別推薦乘搭「十石舟」，用25分鐘左右嘅時間往返長約3公里嘅疏水道。每當進入賞櫻最佳時期時，水道兩旁都會點燈，呈現出夢幻景色。
景點資訊
- 景點名稱：乘坐十石舟遊覽
- 地址：京都市左京區南禪寺草川町
- 交通方式：京都市營地下鐵「蹴上站」步行7分鐘
櫻花祭
「平野神社」係另一著名京都賞櫻地方。神社內種有約60種、約400棵櫻花，當中更有只得平野神社先至搵得到嘅品種！每年4月10日，神社會舉辦「櫻花祭」，約200人組成嘅古裝隊伍屆時將會喺街上巡遊。
景點資訊
- 景點名稱：平野神社
- 地址：京都市北區平野宮本町1
- 交通方式：京福電鐵「北野白梅町站」落車後步行10分鐘
毘沙門堂茶會
「毘沙門堂」內約有50棵枝垂櫻與染井吉野櫻等綻放，當中又以樹齡超過150年嘅枝垂櫻屬必睇位。開花期間，毘沙門堂會舉行賞櫻茶會，並輔以琴等樂器演奏。
景點資訊
- 景點名稱：毘沙門堂
- 地址：京都市山科區安朱稻荷山町18
- 交通方式：JR「山科站」落車後步行約20分鐘
Comments