日本所有美味精華全包褢於「OYAKI」入面
東京新宿三丁目繁華嘅街角，有一間好正嘅餐廳「OYAKI Company」+（おやきカンパニ－）絕對會引起您味蕾嘅興趣。
OYAKI Company將日本各地嚴選嘅食材包喺「OYAKI」入面，目標係成為世界上最健康嘅速食店。
「OYAKI」（おやき） 係日本信州成日食嘅鄉土料理，用小麥粉、蕎麥粉做成餅皮，入面會包蔬菜等食材，將餅皮嘅表面燒得金黃焦脆，好似我哋成日食嘅生煎包。OYAKI Company 100%使用咗日本國產嘅食材，OYAKI嘅大細約莫一個漢堡包咁大，用單手就可以輕鬆享用。
「OYAKI」用咗小麥粉、漬物、雜糧、蔬菜、味噌、醬油…等等食材嘅精華，第一啖咬落去之後，食材嘅新鮮原味與陣陣香氣已經喺口中瀰漫，推薦您配搭無農藥栽培嘅焙茶一齊享用，會對於呢個令人醉心並且回味不已嘅傳統小吃覺得驚訝。而致力於提供如此美味餐點嘅功臣，正係一齊經營餐飲業已經有十年之久嘅NOMU先生同TOMO小姐。
原本就喺新宿經營餐廳嘅兩個人，為咗追求真正嘅美味，並且提供喺大城市都可以單手享用美食嘅初衷，喺2016年12月開始經營OYAKI Company。
好食嘅關鍵就係三重縣出產嘅小麥粉
「OYAKI」嘅餡料會依據季節嘅唔同而變換。即係「季節限定」。
木炭嘅遠紅外線效果可以將食材嘅美味牢牢鎖住，從餅皮到內餡都可以均勻烘烤。新鮮出爐嘅OYAKI表面燒得唔遲唔早啱啱好，仲帶有微微嘅焦香，令人忍唔住想要即刻OPENRICE開餐啦。
外餅皮焦脆內裡餡鬆軟有彈性♡
當您越咬就越發現，餅皮本身就散發出香氣同甜味。
OYAKI Company所用嘅小麥粉，係嚟自三重縣桑名市所栽培嘅「桑名小麥」（桑名もち小麦）
桑名小麥最大嘅特徵係內含嘅澱粉質附有黏性，食起上嚟又鬆又軟又彈嘅口感，係而家好有人氣嘅小麥粉。
負責料理嘅TOMO小姐喺信州嘅OYAKI身上得到靈感，為咗做出具有口感+就算擺到凍咗都依然不減美味度嘅餅皮，嘗試咗至少7至8種粉類做法。
就喺屢試屢敗嘅同時，喺料理研究家嘅老師嗰度得知桑名小麥嘅存在，TOMO小姐終於整出令自己滿意嘅餅皮，於是乎OYAKI Company嘅OYAKI就誕生咗啦。
蘊藏豐富活菌藏嘅信州味噌…
玉子燒口味OYAKI嘅內餡真係不容小覷，入面加咗喺長野縣開業110年嘅老店「俵屋麴店」所製造嘅信州味噌，食上嚟帶有微微嘅甜味。
玉子燒口味OYAKI嘅內餡真係不容小覷，入面加咗喺長野縣開業110年嘅老店「俵屋麴店」所製造嘅信州味噌，食上嚟帶有微微嘅甜味。
俵屋麴店得天獨厚，擁有北阿爾卑斯山麓嘅清澈水源同乾淨清新嘅空氣，堅持以日本傳統古法製造，並且不斷咁提升製麴與與製作味噌嘅技術，所製造出嚟嘅味噌風味同其他地方完全唔同。俵屋麴店嘅味噌同桑名小麥一樣，都係OYAKI Company最關鍵嘅秘密武器。
OYAKI Company嘅「甘酒LATTE」（甘酒ラテ），係以無人工添加物嘅甘酒所製成，富含對身體有益嘅活菌，係超人氣嘅招牌飲品。多汁嘅玉子燒入面加入咗有「夢幻豆」之稱嘅「殺鴿豆（鳩殺し豆）」，增添咗唔少風味+口感。就咁聽個名有D嚇人嘅「殺鴿豆」，係飛驒高山傳統嘅毛豆品種，已經有100幾年以上嘅歷史。據聞因為好大粒，飛鴿爭先恐後搶食反而KICK住喺喉嚨度，所以叫「殺鴿豆」。飛鴿願意冒住啃死嘅危險都要食「殺鴿豆」，唔洗諗都知一定好正啦
其實…「最鐘意係呢個♡」
TOMO小姐跟住又興高采烈咁邊拎邊分享佢嘅法寶，喺西元1798年創業嘅三重縣桑名市產嘅「油清 桑名米油」，據聞係喺搵食材嘅過程中偶然遇到。。
食材追及するなかで偶然行き着いたのだそう
目標係成為世界上最健康嘅速食
NOMU先生同TOMO小姐喺講解食材嗰陣，已經唔係一般嘅說明，而係一段段動人嘅故事。
當蔬菜同OYAKI放晒落嘴之後，唔知點解產生咗一種全新但又帶幾分懷舊感受，會令人暫時想放低手機，好好咁品嚐食材嘅美妙。
飲料方面仲可以揀味噌湯喔
OYAKI Company嘅堂食原則上凈係得上昼先有，其他時候主要係準備外賣或活動事宜，但係嗰種希望大家仔細品嚐日本味道嘅心情，依然全部都灌注喺OYAKI入面，希望可以傳達俾每位顧客。
亦因為咁，佢哋兩位係好忙。加上佢哋最重視嘅係用心製作好味道為本。盡可能同佢哋直接見面，試食之後徵詢佢哋嘅意見，務求用最能活用食材本身原鮮味嘅方式嚟料理。
將以桑名小麥為主嘅小麥粉同天然酵母充分混合發酵，再用餅皮包入大量嘅內餡，用鐵板將兩面仔細煎烤做成圓形，再用蒸籠蒸。
最後用炭火將表面燒得酥酥脆脆。
除咗追求日本國產、無農藥食材嘅食品安全之外，NOMU先生同TOMO小姐更大嘅挑戰係喺守護呢片養育出美味食材嘅風景與環境，以及背後嘅傳統文化…
「單手就可以品嚐日本所有嘅美味精華。」
而呢D美味精華，正係嚟自於太陽、土地、智慧、生產者，以及所有參與呢個美好循環嘅人，事同物。
愛意無限嘅NOMU先生同TOMO小姐
凈係得Bar檯位嘅OYAKI Company，店鋪雖細但彷彿可以感受到大地嘅遼闊。
可能係出自於精細挑選嘅食材，又或者係出自於NOMU先生同TOMO小姐兩個人嘅人品同所散發出嚟嘅獨特氣質，令呢種遼闊感更為明顯突出。
對於食材同人都十分有愛嘅NOMU先生同TOMO小姐，至今累積咗無數嘅粉絲、
佢哋會不間斷思考作為一間餐飲店究竟要提供俾顧客點樣嘅服務同商品，因而得以不斷進化。
佢哋話「透過美食嘅力量，可以互相分享理念諗法、互相支援，一齊熱情參與各種活動嘅同伴們可以不斷咁增加就好啦。」
因為有著如此有愛嘅兩個人，OYAKI Company官方部落格都以兩個人嘅日文名作為網址（http://nomusantomosan.com/），係咪好得意呢？♪
喺東京三重縣搵食途中，遇到可以感受「食」嘅幸福，同可以令身心獲得滿足嘅OYAKI Company。請一定要嚟嘗試一吓包入咗滿滿嘅愛同夢想嘅OYAKI。
________________________________________
OYAKI Company（おやきカンパニー）
地址：東京都新宿區新宿3-1-32 2樓
電話：03-3356-2570
作者：福田Miki
「OTONAMIE」網站嘅副代表。大人旅嘅達人。曾經喺東京嘅公司擔任社長秘書兼任辦公室主管。幾年前曾經返去校園進修。2014年因為先生嘅緣故，由東京移居到三重縣桑名市。度過短暫嘅唔適應，好快就對呢片土地充滿咗好奇心。正因為係外來者所以更加醉心喺呢片土地嘅魅力。
OTONAMIE http://otonamie.jp/
*此網站附有Google網頁翻譯功能。
Comments