東京根津酒店推薦

喺懷舊嘅根津地區，酒店亦都係旅程中重要嘅一部分。 排得滿滿嘅行程，入住一間舒適嘅酒店，躺喺柔軟舒適嘅床，係再好不過嘅事情。而呢篇文章將有助你選擇根津地區嘅住宿酒店。

根津GRAPHY酒店

位於東京充滿歷史嘅區域，係寧靜嘅谷根千區。根津GRAPHY酒店完美融合咗日本傳統設計同現代日本生活，滿足當地同來自世界各地旅客嘅需求。旅行者可以喺呢度聚會、體驗最好嘅根津。酒店設有舒適嘅Café，異國風酒吧以及可以欣賞壯麗景色嘅屋頂露台。

酒店資訊

• 名稱: 根津GRAPHY酒店(Hotel Graphy Nezu)
  
• 地址: 東京都台東區池之端4-5-10
  
• 交通方式: 千代田線「根津」站步行3分鐘
  

東京根津附近嘅酒店

由於根津嘅範圍唔係好大，要尋找酒店相對嚟講比較有挑戰性。但係唔好就咁算數，距離根津站步行可抵達嘅範圍都可以考慮一下。以下呢幾間酒店值得你參考。

公園側酒店(Hotel Park Side)

公園側酒店(Hotel Park Side)鄰近上野公園嘅不忍池，夏天嗰陣可以眺望欣賞盛開嘅荷花。酒店位置便利，氣氛悠閒恬靜，係繁華嘅城市生活與自然風光共存嘅地方。所有客房均有完善設備，以及簡練嘅室內設計。酒店內有三間餐廳，一間Sky Bar高空酒吧，可以欣賞迷人嘅城市景觀，另外仲有宴會同會議場地。

酒店資訊

• 名稱: 公園側酒店(Hotel Park Side)
  
• 地址: 東京都台東區上野2-11-18
  
• 交通方式: 千代田線湯島站2號出口步行1分鐘；銀座線上野廣小路站A3出口步行4分鐘

APA Hotel 京成上野站前

「APA Hotel 京成上野站前」係2016年開業嘅新酒店，地理位置極佳，位於京成上野站隔離，可以直達成田機場。

酒店資訊

• 名稱: 京成上野站前APA酒店
  
• 地址: 東京都台東區上野2-14-26
  
• 交通方式: 京成本線「京成上野站」（池之端口）步行1分鐘、JR各線・新幹線「上野站」（不忍口）步行3分鐘