人來人往嘅新大久保係好多韓國商店同咖啡店嘅所在地。呢個係一個時尚又繁忙嘅地區，鄰近新宿、歌舞伎町同其他熱門旅遊區，如新宿黃金街，係夜鬼喺夜晚搵嘢玩嘅好去處。入住新大久保嘅酒店，咁你就可以輕鬆地享受附近嘅夜生活啦。
新大久保國際HOTEL (The Shin-Okubo International Hotel)
新大久保國際HOTEL靠近JR車站，係一間經濟實惠嘅酒店。共有11間客房，房價每人每晚7,300円起。每間客房都有獨立淋浴間同廁所。
酒店提供洗衣機，衣櫃、風筒、熨斗、免費盥洗用品、拖鞋、冰箱、電熱水壺同Morning call服務。
客房嘅牆壁很薄，可能會聽到隔壁房旅客大聲談話。但係夜晚通常都好安靜，唔會影響睡眠質素。
酒店資訊
- 名稱: 新大久保國際HOTEL(The Shin-Okubo International Hotel)
- 地址: 東京都新宿區百人町1-1-10
- 交通方式: JR新大久保站步行5分鐘
新大久保城市酒店 (Shin-Okubo City Hotel)
新大久保城市酒店係一間簡單嘅經濟型酒店，櫃台24小時開放，提供日、英或中文對應。酒店設施維護良好且乾淨，廁所同淋浴間互相獨立。提供各式房型，如標準單人房、雙床雙人房同豪華雙人房，各種需求嘅旅客都可以入住。
但係，客房嘅隔音效果唔係非常好，所以喺房入面最好細聲啲傾計。雙人房費用每晚從12,000円起。
酒店資訊
- 名稱: 新大久保城市酒店 (Shin-Okubo City Hotel)
- 地址: 東京都新宿區百人町1-4-9
- 交通方式: JR新大久保站步行5分鐘
假日景致旅館 (Holiday View Inn)
假日景致旅館為旅客準備咗齊全嘅用品，如旅行充電器、免費無線網絡、咖啡機、微波爐同盥洗用品。
客房享有花園嘅美景。仲可以將重要物品存放喺保險箱內。房間類型包括宿舍間床位、雙人房、六人房，適合家庭旅遊同單身背包客入住。一個床位每晚只係3,500円起，亦有團體訂房優惠。
酒店資訊
- 名稱: 假日景致旅館 (Holiday View Inn)
- 地址: 東京都新宿區百人町1-23-14
- 交通方式: JR山手線新大久保站步行10分鐘
新大久保石亭 (Shin Okubo Sekitei)
新大久保石亭距離JR新大久保站僅5分鐘步行路程，係一間日式旅館，保留咗昭和時代嘅氛圍。旅館共有11間客房，可以體驗日本傳統嘅熱情好客服務。旅館前方有一部分以石頭鋪成嘅小路。
入住「石亭」嘅費用約為每晚9,000円起。客房內有浴缸、雪櫃、電視、免費無線網絡、暖氣同其他日用必需品。旅客可以喺「石亭」享受美妙嘅日式待遇。
酒店資訊
- 名稱: 新大久保石亭 (Shin Okubo Sekitei)
- 地址: 東京都新宿區百人町2-15-10
- 交通方式: JR山手線新大久保站步行5分鐘
更多關於東京酒店嘅介紹:
Comments