今次想為大家推薦池袋車站附近，交通方便嘅4間酒店。我哋會介紹有關東京池袋大都會酒店、APA酒店池袋站北口、池袋超級酒店以及Sunshine City Prince Hotel各有嘅特色。睇吓邊間最適合你？
APA酒店池袋站北口 以平價錢舒適地瞓一晚
如果你想住得值回票價、物超所值，APA酒店絕對係你理想嘅住宿之處。APA酒店大多價格低廉，喺全日本各地共有300多間。當你對住宿方面無特別要求，或者係符合酒店嘅最基本要求就接受到嘅話，選擇APA酒店池袋站北口絕對無錯。
舒適、乾淨而且價錢實惠，呢啲都係APA酒店可以帶俾你嘅感受。而且酒店鄰近仲有好多優質餐廳。
景點資訊
- 景點名稱：APA酒店池袋站北口 (APA Hotel Ikebukuro Eki Kitaguchi)
- 地址：〒171-0014東京都豐島區池袋2-48-7
- 交通資訊：從池袋站北口步行約4分鐘
東京池袋大都會酒店 便利、頂級奢華
東京池袋大都會酒店非常歡迎家庭、女士及商務人士入住，享受佢哋多項豪華設施。可以喺佢哋嘅Hana Musashi餐廳享用正宗日本料理。而陽光城會議中心離呢間酒店僅係幾步之遙。乘搭地鐵或電車就可以輕鬆前往其他熱門觀光景點，如築地市場、東京鐵塔或東京晴空塔。
想省錢嘅人可以從佢哋嘅網站預約訂房，入住兩晚以上最多有八折。
景點資訊
- 景點名稱：東京池袋大都會酒店 (Hotel Metropolitan in Ikebukuro)
- 地址：〒171-8505東京都豐島區西池袋1-6-1
- 交通資訊：從池袋站步行約6分鐘
池袋超級酒店 價格經濟實惠 健康理念令人放鬆
池袋超級酒店嘅入住手續皆採自動化。當你登記入住之後，會收到一張寫咗密碼嘅收據。收據上嘅密碼就係你房間嘅鑰匙。跟住落嚟，你可以選擇你鐘意嘅枕頭類型。就連佢哋嘅拖鞋都帶有負離子，聽講有益健康。呢類獨特嘅創新小小發明，令池袋超級酒店不同於以往入住嘅酒店。
池袋超級酒店仲提供免費嘅健康早餐，供應大量有機蔬菜。當你結束一日疲勞嘅路程，唔好唔記得去佢哋嘅溫泉浸一浸啦。
景點資訊
- 景點名稱：池袋超級酒店 (Super Hotel Lohas Ikebukuro Kitaguchi)
- 地址：〒171-0014 東京都豐島區池袋2-62-14
- 交通資訊：從池袋站步行約13分鐘
太陽城王子大飯店 獨樹一格非常有趣！動漫迷嘅最佳選擇
太陽城王子大飯店經常同動漫廠商聯名合作，撰稿當時推出嘅聯名活動係「刀劍亂舞」以及「文豪野犬」。於活動期間，動漫迷可以入住一晚酒店規劃嘅活動主題概念房間。但有一點必須留意！你必須抽中大獎，先至有機會入住。因為同時都有好多人為咗入住嗰啲限定房間而拼命參加抽獎。
想知道更多最新聯名活動，非常簡單，只要click入去佢哋日文官網就可以睇到即將推出嘅入住方案。資訊網站只提供日文版本，而你仲必須成為SEIBU PRINCE CLUB嘅會員先得（可線上註冊會員）。
如果你對佢哋嘅動漫主題概念房一啲興趣都無，不妨入住佢哋奢華嘅豪華房型。入住太陽城王子大飯店相當方便，獨享大型豪華轎車接送往返成田以及羽田機場。周末假日嗰陣，入住房客仲可以喺Bayern Restaurant以3,900円享用自助晚餐。
景點資訊
- 景點名稱：太陽城王子大飯店 (Sunshine City Prince Hotel)
- 地址：〒171-8440 東京都豐島區東池袋3-1-5
- 交通資訊：從池袋站步行約8分鐘
更多東京嘅住宿資訊，歡迎參考我哋嘅相關文章
Comments