小笠原群島中第二大島嘅「父島」島上擁有豐富嘅天然資源，好多島上特有嘅動植物品種，譽為「東方嘅加拉帕戈斯群島」。不妨親自嚟走一趟父島，親自睇吓嗰啲可愛嘅海豚、鯨魚、海龜，絕美無比嘅蔚藍海水，仲有嗰啲豐富嘅自然生態啦。
父島，讓你再次投入大自然嘅懷抱
父島離東京大約1,000公里，島上人口約2,000人，每日生活喺美麗大海及野生生態嘅環繞之中。嚟到父島，你可以充分體驗享受大自然，如蔚藍嘅大海、茂密嘅樹林、滿天繁星同各式各樣嘅大自然樂趣。去到呢度，就可以忘卻日常忙碌嘅生活，重投大自然嘅懷抱，好好地享受，渡過一段難忘嘅海島時光吧。
5月至11月仲可以跳入大海暢泳。浮潛欣賞美麗嘅大海。如果想知道更多小笠原嘅自然，推薦當地導遊導覽，享受生態旅遊之餘，仲可以更加瞭解小笠原群島特有嘅物種，更加貼近小笠原嘅自然，享受海洋同森林。
父島上嘅住宿
你可以喺父島搵到獨棟民宿、酒店、宿舍同豪華嘅渡假設施。Papa's Island Resort係一間乾淨明亮嘅渡假酒店。早期美式風格設計。全客房皆附有浴室同空調。仲可以喺廣闊嘅露台好好地放鬆一下。別館嘅房間可以睇到海景。提供島上豐富食材所製作嘅餐點。酒店裡頭仲有一間潛水用品店，提供各種水上活動，豐富你喺父島嘅時光，透過浮潛同潛水徹底享受小笠原嘅海洋。
飯店資訊
- 名稱: Papa's Island Resort
- 地址: 東京都小笠原村父島字西町
- 交通方式：從港口徒步約5分鐘
乘搭小笠原丸號前往父島
前往父島，可以乘搭小笠原海運嘅小笠原丸號，從東京嘅竹芝客船碼頭出發，航程需花上24小時。小笠原丸號每週運行一次，但旺季調整為每3至4日一班。由於無機場，坐船係唯一嘅交通方法。小笠原丸號擁有私人房同雙層床等房型，即使係長時間乘搭都可以好舒適。船內設有餐廳同休息室，會有好多時間喺船上享用美食。
Comments