巢鴨最為人所知嘅係「阿嫲嘅原宿」，但係巢鴨嘅餐廳都以美味、交通方便而聞名，亦係最適合隨意食少少嘢嘅地方之一！今次小編就要帶帶啊一齊嚟探索巢鴨最正嘅美食！
就等我哋嚟品嚐一下美食啦！ 巢鴨站附近嘅餐廳
一出巢鴨站，空氣中就充滿當地美食嘅氣息。距離車站僅係幾步之遙，就有便宜又美味嘅拉麵店，仲有以鹽大福而聞名嘅和菓子店！
Menya Imamura (麺やいま村)
Menya Imamura位於巢鴨站對面。雖然從外面睇落去好似一間普通嘅房，但其實入面係一間餐廳，供應美味嘅雞肉同魚湯拉麵，有醬油或鹽味口味！
餐廳資訊
- 名稱: Menya Imamura （麺やいま村）
- 地址: 東京都豊島區巢鴨1-13-3
- 交通方式: 巢鴨站步行2分鐘
みずの（MIZUNO）
著名嘅鹽大福，帶有鹹味嘅麻糬入面包有甜甜哋嘅紅豆內餡，Mizuno喺日本各地有好多分店，專售和菓子及點心。營業時間為上午9:15至下午6:30，仲唔快啲趁佢哋嘅招牌鹽大福賣曬之前早啲去啦！
餐廳資訊
- 名稱: みずの（MIZUNO）
- 地址: 東京都豊島區巢鴨3-33-3
- 交通方式: 巢鴨站步行5分鐘
巢鴨最正嘅餐廳
唔需要遠離巢鴨站，就可以搵到嗰度最好嘅餐廳。從日式料理餐廳，到米芝蓮星級拉麵店，巢鴨有多種選擇！
蔦 Tsuta
蔦Tsuta於2016年開始營業，成為世界上第一間米芝蓮星級嘅拉麵！榮獲米芝蓮一星嘅肯定，而座位一次只容納到9位客人，使用店家自製麵條，而招牌係醬油拉麵！
根據自己嘅選擇，拉麵價格從900円到1,500円不等。營業時間為上午11:00至下午6:00，星期二同星期三作休息，所以一定要提早嚟到以免大排長龍！
餐廳資訊
- 名稱: 蔦 Tsuta
- 地址: 東京都豊島區巢鴨1-14-1
- 交通方式: 巢鴨站步行3分鐘
TOKIWA食堂
TOKIWA食堂受到當地居民喜愛，可以喺日式餐廳享用傳統日本料理，仲有親切嘅服務人員。餐廳提供各種平價美食，有單點亦有套餐。
餐廳資訊
- 名稱: TOKIWA食堂（ときわ食堂）
- 地址: 東京都豊島區巢鴨3-14-20
- 交通方式: 巢鴨站步行6分鐘
不平凡的印度餐廳，巢鴨當地人嘅最愛！
令人感到驚訝嘅係，巢鴨有一間營業超過10年嘅印度料理餐廳！佢哋有各種各樣嘅午餐套餐，甚至仲提供外賣。
中午嘅咖哩套餐價格約為650円，海鮮咖哩套餐價格950円。晚餐有鮮蝦沙拉、印度烤雞等等！營業時間為每日上午11:00至晚上11:00。
餐廳資訊
- 名稱: Durga印度料理
- 地址: 東京都豊島区巣鴨1-29-10
- 交通方式: 巢鴨站步行3分鐘
Comments