前往青山用餐，可能唔喺你東京旅遊嘅計畫內，但呢個富裕區域充滿豐富嘅烹飪寶石，可以滿足任何美食家嘅需求。青山位於東京嘅夜生活大本營「六本木」同潮流聖地「原宿」之間，到東京旅行嘅話，仲唔快啲將青山嘅餐廳列入你嘅check list度啦。
東京青山嘅嚴選經典餐廳
CICADA：地中海料理
CICADA餐廳令人對東京青山感到驚嘆。其精緻嘅室內裝潢，散發出典雅嘅歐洲風情，以及令人垂涎嘅地中海美食，可以話係東京青山最完美嘅餐廳之一。
CICADA餐廳一年中嘅任何時候都適合前往。冬季，可以喺個室或沙發區搵到暖笠笠嘅座位。夏季，可以到戶外嘅度假式海濱露台座位區，享受義大利最好嘅葡萄酒，同時品嚐美味嘅料理。
餐廳資訊
- 名稱: CICADA
- 地址: 東京都港區南青山 5-7-28
- 交通方式: 表參道站出口B1步行1分鐘
Umi：美味嘅青山壽司店
喺東京尋找好食嘅壽司餐廳並唔難，但青山嘅海味（Umi）餐廳，係美味中嘅美味。擁有米其林二星評定、店內得９個座位，主廚中村正則先生帶你體驗頂級壽司美味之旅。
海味（Umi）由於缺乏英文版網頁，要訂位可能唔係咁容易，必須提前幾幾日預訂，主廚中村正則先生嘅料理哲學以及對待客人嘅服務態度絕對值得體驗。
餐廳資訊
- 名稱: 海味（Umi）
- 地址: 東京都東京都港區南青山3-2-8
- 交通方式: 表參道站A3出口步行10分鐘
喺青山傳統嘅日本料理店用餐
喺東京市中心可以睇到數寄屋風格嘅建築可以話係非常稀有，但呢間傳統嘅日本料理店係一個值得體驗嘅地方。青山淺田(Asada)係一間傳統風格嘅懷石料理餐廳，同傳統日式旅館一樣，提供多道菜式嘅日式料理晚餐。
採用從神聖嘅白山採摘嘅食材，以及喺日本海捕獲嘅新鮮海產，青山淺田(Asada)嘅料理以優雅和風呈現，呢個係一種由和賀氏家族成員傳承落嚟嘅料理方式，並喺傳統嘅榻榻米房間，或其他現代裝潢嘅房間內，為客人提供餐點服務。
青山淺田(Asada)有英文版菜單。午餐時間為上午11:30至下午2:30，晚餐時間為下午5:00至晚上10:30。
餐廳資訊
- 名稱: 青山淺田(Asada)
- 地址: 東京都東京都港區北青山2-7-13, B1
- 交通方式: 地下鐵銀座線外苑前站2號出口步行1分鐘
應有盡有嘅青山Fusion風混搭料理餐廳
結合來自唔同文化嘅美食並唔簡單，主廚鳴神 (Narukami)喺東京青山開設同名餐廳，結合日本同法國料理，創造一個美味嘅Fusion風混搭料理餐廳。
喺只有10個座位嘅吧台欣賞後方嘅廚師現場烹調，一邊啜飲著廚師精選嘅葡萄酒。我哋相信你一定會鐘意呢個帶有法國風味嘅日本料理。
餐廳資訊
- 名稱: 鳴神 (Narukami)
- 地址: 東京都東京都港區南青山3-4-6
- 交通方式: 東京Metro銀座線【外苑前站】出口1a 步行６分鐘
Comments