拜訪位於清澄白河嘅清澄庭園

如果你對東京自然美景有興趣嘅話，咁就要將清澄庭園放入你嘅行程清單!。自1932年開放嘅清澄庭園一直都受當地人及遊客歡迎, 喺呢度可以寧靜地欣賞日式庭園之美。

清澄庭園

清澄庭園又名清澄白河花園，喺江戶時期屬於一位富商。後來相傳轉到關宿藩主手上後，就將呢個地方改成而家你所睇到嘅傳統日式庭園。

直到明治時期，三菱財閥嘅奠基者岩崎彌太郎先生收購咗呢片土地，並重建以讓三菱員工同招待貴賓時享用。呢個庭園嘅其中一個特色就係啲石頭都購自日本各地，優雅地展現喺成個花園中。

清澄庭園於1880年已重建完畢。三菱企業喺1932年將庭園捐贈俾東京市並開放俾大眾參觀。1979年，清澄庭園更被指定為東京都名勝，故吸引咗更多本地人同遊客前往參觀。

清澄庭園嘅特色主要係池塘，同來自日本各地嘅岩石。池塘分佈三座小島，其中一個小島連接住一座小橋。庭當中有好多池石分布喺池邊，形成叫做「磯渡」嘅道路，喺石路上面行路要小心啲吖!

池塘內有好多錦鯉同烏龜，有時候仲可以睇到鴨仔同鶴鳥棲息喺水中。而池邊有一間茶館，名叫「涼亭」嘅傳統日式餐館。但必須要預約先至可以使用，而且針對團體客人，最多可容納40人。有興趣包廂嘅話需要提前預約，如果預約數量多嘅話，仲需要抽選!

最後要推薦大家喺春天前往欣賞櫻花。櫻花季通常從3月下旬到4月上旬。如果早啲前往嘅話，可以欣賞梅花，亦都非常漂亮。夏天前往嘅話，唔好唔記得6月有鳶尾花可以睇。

清澄庭園每日朝早9點開放至下午5點，最後入園時間為下午4點半。因應園內舉行嘅活動，有時會開放至晚上。庭園於年末年初休園，通常係12月29日至1月1日。

門票每人150円，亦可以購買只需600円嘅全年通行證。而65歲以上嘅長者更可以70円優惠票價入園。如果係小學生或中學生嘅話，喺入園時出示學生證更可以免費入園。

如果想慳錢嘅話，清澄庭園於每年5月4日嘅「綠之日」及10月1日嘅「東京都民之日」都免費開放。另外，每個月第2個星期日都會有免費嘅英文導覽。