隅田川同東京灣之間，可以欣賞到好多江戶時代遺留落嚟嘅古蹟。你又有無搭過水上巴士欣賞呢啲景點呢？可以試吓喺水上悠閒地觀光呀。
東京水上巴士行程
東京水邊線（東京水辺ライン）同東京都觀光汽船（東京観光汽船）係東京嘅兩間水上巴士公司，今次要為大家介紹嘅係東京水邊線嘅「淺草‧台場巡航」路線。可以體驗到好多好玩嘅季節限定活動。喺夏季，有包含午餐同天文館嘅套裝行程，仲有「羽田機場‧東京京門大橋巡航」路線（東京灣60分鐘航程）等等。乘搭水上巴士，從唔同嘅角度欣賞日頭同夜晚嘅海灣景色，一定有機會見證到超越你想像嘅美景。
東京水邊線/東京水上巴士行程—淺草
航程從淺草寺二天門出發，呢個地點位置非常方便，距離著名嘅淺草寺只需要步行6分鐘，旅程終點站係台場。可以現場購票，無需預約即可參加旅程。
搭上水上巴士後，可以睇到東京晴空塔，以及由知名法國建築師—菲利浦史塔克(Phillipe Starck)所設計嘅朝日啤酒大樓(Asahi Brewery)，喺櫻花季，沿途仲可以欣賞櫻花盛開嘅隅田川公園。船上有飲品自動販賣機，但無販售小食或酒類，建議可以喺登船之前購買。
景點資訊
- 名稱：東京水邊線「淺草寺二天門前」登船口
- 地址：東京都台東區花川戶1丁目12-7
- 交通方式
- 從淺草寺二天門前步行6分鐘
- 淺草站5號出口步行6分鐘(東京地鐵日比谷線)
- 淺草站A3出口步行8分鐘(都營大江戶線)
東京水上巴士/淺草—台場線
可以喺下列5個地點自由上落船：
- 出發地點：位於東京晴空塔附近嘅「墨田區役所前」。
- 淺草寺二天門前：會經過以文字燒聞名嘅月島以及越中島。
- 明石町・聖路加花園前：築地市場舊址附近。
- 會經過日本國家指定特別史蹟嘅「濱離宮恩賜庭園」，仲可欣賞國家重要文化財之一嘅「勝鬨橋」，而以前則被稱為「Yoichi Azuma可動式橋樑」。
- 最後嚟到「台場海濱公園」，可以喺呢度愉快購物。之後船將返回原來出發嘅路線，大家可以喺任何站自由上落船，係一條非常具吸引力嘅航線。
景點資訊
- 名稱： 東京水邊線「台場海濱公園」登船口
- 地址：東京都港區台場1丁目
- 交通方式
- 從台場海濱公園站步行5分鐘
- 從百合海鷗號台場站步行5分鐘
- 從臨海線東京電訊站步行10分鐘
水上巴士時間表及費用
定期水上巴士 (各站停)
- 上午11:25、下午3:05從淺草出發。抵達台場海濱公園航程約需70分鐘。
不定期水上巴士 (急行)
- 上午10:00、下午1:10、下午4:10從淺草出發。抵達台場海濱公園航程約需55分鐘。
費用
- 單程310円
- 水邊線從淺草到台場嘅票價為1130円(12歲以下兒童半價)
時間表同航線可能因季節不同而有所變動。旺季期間，船班亦可能會增加。另外需要注意，每個禮拜一為休息日。
Comments