吉祥寺係一個好適宜居住嘅地方，連續多年被選為東京最令人嚮往居住嘅地區。呢度生活機能佳，無論係行街購物、美食定係風景，都可以盡情享受。吉祥寺有好多嘢睇又多好地方去，安排兩日一夜嘅行程一啲都唔嫌多呀！以下同大家介紹一下吉祥寺有咩好玩啦。
位於吉祥寺嘅井之頭恩賜公園![]()
井之頭恩賜公園係吉祥寺嘅主要景點之一，喺1917年向公眾開放。園內有好多小徑同步道，可以邊散步邊享受周圍嘅自然環境。
對於造訪井之頭恩賜公園嘅情侶嚟講，最受歡迎嘅活動係喺湖水踩天鵝船。公園入面甚至仲有一個小型動物園，喺嗰度你可以近距離接觸天鵝、鴛鴦同日本松鼠。
景點資訊
- 名稱：井之頭恩賜公園
- 地址：〒180-0005東京都武藏野市禦殿山1-18-31
- 交通方式：JR中央線「吉祥寺」站落車步行5分鐘
吉祥寺購物好去處
如果你想行街購物買到手軟，就絕對唔可以錯過吉祥寺「太陽道商店街」。呢度係一條有玻璃帷幕屋頂嘅商店街，自1970年代以來就成立，並大受當地人同外國遊客嘅歡迎。
「太陽道商店街」長達300米左右，充滿好多當地商店、餐廳、Café，毗鄰其他商店街，好似係「吉祥寺鑽石街」等，可以話係探索呢個地區嘅理想起點。
景點資訊
- 名稱：吉祥寺太陽道商店街
- 地址：〒180-0004東京都武藏野市吉祥寺本町1
- 交通方式：JR中央線「吉祥寺」站落車即達
吉祥寺嘅餐廳推介
吉祥寺嘅美食永遠唔會令你失望。尤其係如果嚟到名為「口琴橫丁」嘅小巷。呢條狹窄嘅街道裡充滿好多飲食店同居酒屋，「口琴橫丁」嘅事物平價又美味，多到令你難以抉擇！
景點資訊
- 名稱：口琴橫丁
- 地址：〒180-0004東京都武藏野市吉祥寺本町1-1-8
- 交通方式：JR中央線「吉祥寺」站落車步行2分鐘
吉祥寺人氣咖啡店
雖然吉祥寺地區有好多Café可以選擇，但最具特色嘅Café其實位於井之頭公園一帶。Pepacafe Forest係一家綠蔭圍繞氣氛悠閒嘅Café，位於井之頭公園內南側，深受當地人歡迎。
Pepacafe Forest嘅午餐價格約為1,000円，如果你喺用餐尖峰時段嚟嘅話，可能需要排隊等候，但絕對係值得嘅！可以品嚐到美味嘅泰式料理，店內氣氛良好，吸引客人再次造訪。
景點資訊
- 名稱：Pepacafe Forest
- 地址：〒180-0001東京都三鷹市井之頭4-1-5
- 交通方式：JR中央線「吉祥寺」站落車步行10分鐘
吉祥寺住宿推薦
從新宿或澀谷乘搭電車只需20分鐘左右嘅吉祥寺，如果想輕鬆、緩慢探索呢個區域嘅話，我哋建議你選擇喺呢度住宿。好消息係，「吉祥寺東急REI飯店」就位於吉祥寺站隔離，係一個非常方便嘅住宿地點。
酒店嘅房型選擇眾多，有單人房、雙床雙人房、單床雙人房以及三人房，無論係個人背包客、家庭或大型團體都有適合嘅房型可以住宿。此外，酒店仲提供wifi上網、商務設施同投幣式洗衣機，而且價格合理。
景點資訊
- 名稱：吉祥寺東急REI酒店
- 地址：〒180-0003東京都武藏野市吉祥寺南町1-6-3
- 交通方式：JR中央線「吉祥寺」站旁
吉祥寺車站
從新宿乘搭JR中央線或中央總武線約14分鐘、從澀谷乘搭京王井之頭線約23分鐘就可以抵達吉祥寺。成田特快亦有幾個班次會停靠，從成田機場直接前往吉祥寺都好方便。
景點資訊
- 名稱：吉祥寺站
- 地址：〒180-0003東京都武藏野市吉祥寺南町1
- 交通方式：JR中央線・總武線、京王井之頭線、成田特快
Comments